رسالة والدة الشهيد طارق الأسود

[Adnan89]

رسالة ابكتني قهراً...

رسالة من أم لإبنها الشهيد بأدن الله ..

يا أمي لو تعرف كيف صار حالنا من بعدك ياحبيبي
... يا أمي بعرف أنك مامتت لأنو هيك صارو يقولو رفقاتك وهنن حاملينك على كتافون
بتعرف شو يا أمي ؟
أبوك ماعاد يقلك ليش اتأخرت وحتى ماعندو مشكلة تدخن سكاير قدامو.. ايه يا أمي صدقني وغلاوتك عندي ماعندو مشكلة لأنو انكسر على غيابك ياعمري..
المرة الماضية نزل هو وعمك عالسوق وكبرو صورتك وعلقناها مكان صورة جدك.. تقبر قلبي على هل شبوبية ماأحلاها..
يا أمي في وحدة حلوة اجت لعنا عل بيت وقالت أنو كنتو تحبو بعضكون , ضميتا وصرنا نبكي نحنا التنين..
بس قلتلا وقلت لكل الناس أنو ابني يمكن يتأخر بس رح يرجع.. مو هيك يا أمي ؟
بعدين بس ترجع رح أعملك كل الأكلات اللي بتحبا.. بتتذكر كيف وقت بكون عم اطبخ تروح تاكل من الأكل وهو عل نار وكنت قلك شيل ايدك واستنا لحتى يصير ويجي أبوك..
يا أمي كل يوم عم أعمل غرفتك متل ماكنت تتركا مشان ارجع رتبا..
ياأمي لاتزعل مني بس عم ضم وشم تيابك وأبكي.. أبكي.. أبكي.. بس والله وقت اللي بتخيلك أنك صرت جنبي عم أمسح دموعي بسرعة قبل ماتشوفني يا تقبرني..
يا أمي الله يرضى عليك لاتتأخر عم استناك..
نسيت قلك شغلة رح تفرحك من كم يوم سمعت من ولاد خالتك أنو فاز برشلونة بس على مين والله مابعرف بس اللي فهمتو أنو مباراة مهمة..
بدك شي ياعيون أمك.. انتبه على حالك ياحبيبي.. بعرف أنك لسه موجود لأنو وعدتني ماتتركني.. ومتأكدة أنك رح ترحع بيوم من الأيام وتدق الباب..

( أمك )

[abo karmo]

الله يرحمه

الرسالة ضعيفة

[Adnan89]

اقتباس: المشاركة الأصلية كتبت بواسطة abo karmo    الله يرحمه الرسالة ضعيفة

؟؟؟؟؟؟؟؟؟؟؟؟؟؟

[angel]

:"( حسبي الله ونعم الوكيل

[Hisham AA]

مو هيك بتحكي ام الشهيد
بتقول اشياء اخرى يصعب نشرها على المواقع

[f.fatina]

اقتباس: المشاركة الأصلية كتبت بواسطة adnan89    يا أمي في وحدة حلوة اجت لعنا عل بيت وقالت أنو كنتو تحبو بعضكون , ضميتا وصرنا نبكي نحنا التنين.. بس قلتلا وقلت لكل الناس أنو ابني يمكن يتأخر بس رح يرجع.. مو هيك يا أمي ؟

بصراحة أنا بكتني
خصوصاً هاد المقطع


لأن دايماً الحماية والكنة مابيتفقوا إلا بهي الشغلات

[abashi]

الله يرحم الشهداء ويشفي الجرحى والمعاقين ويفك أسر المعتقلين والمفقودين.

[سندباد]

أبوك ماعاد يقلك ليش اتأخرت وحتى ماعندو مشكلة تدخن سكاير قدامو.. !!!

نسيت قلك شغلة رح تفرحك من كم يوم سمعت من ولاد خالتك أنو فاز برشلونة!!!

اجت لعنا عل بيت وقالت أنو كنتو تحبو بعضكون...!!!!!!!!!!!!!!!!!!!!!!!!!!!!!!:k:

عن أبي هريرة قال قال رسول الله صلى الله عليه وسلم ((من ستر مسلما ستره الله في الدنيا والآخرة )) حديث صحيح

عن ابن عمر أن رسول الله صلى الله عليه وسلم قال ((اذكروا محاسن موتاكم وكفوا عن مساويهم)) حديث ضعيف

[f.fatina]

اقتباس: المشاركة الأصلية كتبت بواسطة سندباد    أبوك ماعاد يقلك ليش اتأخرت وحتى ماعندو مشكلة تدخن سكاير قدامو.. !!! نسيت قلك شغلة رح تفرحك من كم يوم سمعت من ولاد خالتك أنو فاز برشلونة!!! اجت لعنا عل بيت وقالت أنو كنتو تحبو بعضكون...!!!!!!!!!!!!!!!!!!!!!!!!!!!!!!:k: عن أبي هريرة قال قال رسول الله صلى الله عليه وسلم ((من ستر مسلما ستره الله في الدنيا والآخرة )) حديث صحيح عن ابن عمر أن رسول الله صلى الله عليه وسلم قال ((اذكروا محاسن موتاكم وكفوا عن مساويهم)) حديث ضعيف

أنا معك أخي سندباد بس إلي تعليق ع شغلتين

1. أولشي الدخان مو عيب (رغم أن أنا ضده) يعني 90 % من الشباب بدخنو وهي عادة سيئة لا أكتر ولا أقل
2. الحب كمان مو عيب ولا حرام

هات قلي واحد عاش عمرو بدون مايحب، أصلا الحياة بدون حب مابتسوى شي
مثلا الأم بتحب ابنها، والزوجة بتحب زوجها، والخطيبة بتحب خطيبها والعكس صحيح
بلا حب الحياة ناشفة كتييييييير
أصلاً كل أزمتنا بسورية سببها انعدام الحب بين الأطراف لأن لو كان الحب موجود كان ماحدا صخي بالطرف التاني
الحب شغلة عظيمة مابصير نقول عنها أن هي عيب

[سندباد]

اقتباس: المشاركة الأصلية كتبت بواسطة f.fatina    أنا معك أخي سندباد بس إلي تعليق ع شغلتين أولشي الدخان مو عيب (رغم أن أنا ضده) يعني 90 % من الشباب بدخنو وهي عادة سيئة لا أكتر ولا أقل الحب كمان مو عيب ولا حرام هات قلي واحد عاش عمرو بدون مايحب، أصلا الحياة بدون حب مابتسوى شي مثلا الأم بتحب ابنها، والزوجة بتحب زوجها، والخطيبة بتحب خطيبها والعكس صحيح بلا حب الحياة ناشفة كتييييييير أصلاً كل أزمتنا بسورية سببها انعدام الحب بين الأطراف لأن لو كان الحب موجود كان ماحدا صخي بالطرف التاني الحب شغلة عظيمة مابصير نقول عنها أن هي عيب

كل شيئ حرمه الله هو عيب ....حتى ولو كان العرف كان ليس بعيب....

الحب مو حرام ولا عيب بالعكس الاسلام شجع على الحب بين المتحابين

ولكن الدخول من الشباك هو الحرام فيه

قال تعالي ((وليس البر بأن تأتوا البيوت من ظهورها ولكن البر من اتقى وأتوا البيوت من أبوبها واتقوا الله لعلكم تفلحون))