السكن الشبابي.. لزقة غير شكل!

[عصفورة]

تحية حارة الى اعضاء المنتدى و المتصفحين له..

بس بدي اطلب رأيكم بموضوع ,, و انا طلبت رأي محامي و ماشجعني بس بدي اسمع من كم مصدر مو من مصدر واحد..

باوائل القرن الواحد و العشرين ما بعرف شو إجا على بالي و سجلت بالسكن الشبابي... طبعاً العلم عند الله إيمته بدو يطلع البيت ..

المهم ما بطول عليكم، من فترة اجيت بدي سجل بجمعية عن طريق الشراء من المستفيد قمت عرفت من محامي الجمعية انو مابقدر سجل البيت بأسمي لحتى ينفرز لأني مسجلة مستفيدة من الشبابي و ممنوع استفيد من غير جمعية ..

كان الحل وقتها انو أخد البيت حكم محكمة بس ماقدرت ثبت الحكم مشان السبب المذكور,, و بصراحة ماني مرتاحة حابة ثبت الحكم..

سألت كيف بدي اتخلص من هالشبابي بس الظاهر انو هالشبابي لصقة غير شكل، اذا الواحد سجل فيه خلص بتروح عليه مؤبد.

مشان الله ما عد بدي ياه هالشبابي akh1akh1,, في حدا بيدلني على طريقة اخلص منو و ينلغى اسمي كمستفيدة؟

طيب اذا خالفت القانون ug9; و ثبتت حكم المحكمة،، شو رح يصير يعني؟ اكيد ما بياخدوني على الحبس.

أمانة اللي بيقدر يفيدني ما يبخل عليي بالنصيحة..

و مشكورين سلفاً اخوتي الكرام.

مع التحية

[angel]

طيب فينك تروحي عالاسكان وتتنازلي عن البيت بس يعني خليه مو خسارة واعملي للبيت التاني اللي اشتريتيه عقد اجار واستئجار لمدة 99 سنة يعني هيك بتضمني حئك اكتر وازا بدك كمان ضمان اكتر للبيت بتقدري تعملي ورقة ضد

[arnouri]

صباح الخير

كلام المحامي صح ولايصبح بأسمك حتى ينفرز النباء. ولا اريد ان أخوفك العقد باطل ، وتستطيع الجمعية فصلك وأخذ البيت منك بسهوله وبحكم القانون . وترد لك فقط المدفوعات الحقيقه ، ،بدون الربح المدفوع ان وجد. لانهم يرسلون كتاب الى مؤسسه اسكان بأسماء المتخصصين بذلك وهي تستعلم عن الأسماء اذا كنت مستفيده ام لا وهي تقرر فصلك . يرجى انتبا ه الى ذلك .

[عارف]

إذا لم يكن منزل الجمعية من مساكن الاصطياف فأنصحك بالتنازل عن المسكن الشبابي ، إذ لا يجوز للشخص الاستفادة من أكثر من مسكن تعاوني في نفس المحافظة .

المادة 35/ج من قانون الجمعيات السكنية رقم 17/2003 تنص :

(( ج ـ لا يجوز للعضو من تاريخ العمل بهذا القانون أن يكتتب على أكثر من مسكن تعاوني ما لم يكن مسكناً تعاونياً آخر في إحدى مناطق الاصطياف ويعتبر قرار الاكتتاب أو التخصيص المخالف لهذه المادة لاغياً ))

[عصفورة]

شكراً للأخوة angle, arnouri و عارف، على الردود و التفاعل السريع ..

مشان انو العقد باطل .. بس أنا ما عندي عقد بالبيت انا عندي حكم محكمة. و مشان انو يبعتوا على الإسكان معك حق و انا مشان هيك ما ثبتت اسمي بالجمعية يعني البيت لسه بإسم المستفيد الأول. و للأسف البيت مو اصطياف ..

بس قاللي المحامي انو هذا السكن الشبابي ما بقدر اتنازل عنه و خلص اسمي رح يظل مستفيدة بالمحافظة شو ما عملت (مشان هيك قلت عنو لزقة) ؟ شو رأيكم ؟ أو من الأحسن شوف محامي تاني؟

مع التحية

[عصفورة]

اقتباس: المشاركة الأصلية كتبت بواسطة عارف    المادة 35/ج من قانون الجمعيات السكنية رقم 17/2003 تنص : (( ج ـ لا يجوز للعضو من تاريخ العمل بهذا القانون أن يكتتب على أكثر من مسكن تعاوني ما لم يكن مسكناً تعاونياً آخر في إحدى مناطق الاصطياف ويعتبر قرار الاكتتاب أو التخصيص المخالف لهذه المادة لاغياً ))

يعني انا اشتركت بالشبابي قبل 2003.. بقا شو ذنبي انحرم من الإشتراك بجمعية تانية اذا صدر قانون لاحق على اشتراكي ؟

[عارف]

بإمكانك الرجوع للعقد المبرم بينك و بين المؤسسة العامة للإسكان فتجدين به مادة تسمح بالانسحاب و استرداد ما دفعت .
و بإمكانك مراجعة المؤسسة و إنهاء الموضوع هناك بدون الحاجة لمحام .

بالنسبة للحكم الذي حصلت عليه و هو إحلال عضوية على الأغلب ، فمن شروطه الحصول على كتاب من الإسكان بعدم الاشتراك بالمؤسسة ، فكيف حصلت على الحكم و أنت مشتركة بالسكن الشبابي ؟؟ .

[عصفورة]

اقتباس: المشاركة الأصلية كتبت بواسطة عارف    بإمكانك الرجوع للعقد المبرم بينك و بين المؤسسة العامة للإسكان فتجدين به مادة تسمح بالانسحاب و استرداد ما دفعت . و بإمكانك مراجعة المؤسسة و إنهاء الموضوع هناك بدون الحاجة لمحام . بالنسبة للحكم الذي حصلت عليه و هو إحلال عضوية على الأغلب ، فمن شروطه الحصول على كتاب من الإسكان بعدم الاشتراك بالمؤسسة ، فكيف حصلت على الحكم و أنت مشتركة بالسكن الشبابي ؟؟ .

شكراً على النصيحة و سوف اراجع مؤسسة الإسكان ..

اما كيف صار الحكم و انا مستفيدة ،، و الله ما بعرف,, بس اكيد ما صار لعب بالموضوع.

مع جزيل الشكر لكل من تقدم بالنصيحة.

تحياتي.

[حكم جركو]

الأخت العزيزة:

بداية يجب العلم أنه لا يحق لأي مواطن سوري الأستفادة من سكن أجتماعي- شبابي- جمعية -أسكان -أدخار- محافظة- سوى لمرة واحدة في حياته .

طبعاً يجب التميز بين التسجيل على مسكن وبين الأستفادة منه وهذا يفسر كيفية حصولك على حكم بأحلال العضوية لأنك مكتتبة على مسكن شبابي ولكنك لم تستفيد منه وبالتالي المنع لا يشملك.

وبالنسبة لحالتك بامكانك ان تكتفي بقرار حكم أحلال العضوية لبيت الجمعية بدون تنفيذه وبالتالي لا يرد أسمك مع أسماء المستفيدين بسكن جمعية وهكذا تستطيعين الأستفادة من السكن الشبابي عند أستحقاقة مع مراعاة تقيدك بشروط الأستفادة الواردة بقرار فتح باب الأكتتاب بالسكن الشبابي.

مع الأشارة الى أن أعتبار المشتري لعقار جمعيات من المستفيد الأول مشمولاً معه بالحظر من الأستفاده بأسمه من عقار اخر أمر غير صحيح قانوناً من وجهة نظري لأن المشتري لم يستفد من أي دعم وأشترى العقار بقيمتة السوقية.

وهكذا تحل مشكلتك وتكوني قد أستفدت من كلا العقارين مع تمنياتي لك بالتوفيق.

[عارف]

مع كامل التقدير لرأي أخي الأستاذ حكم و لكنني أرى أن الحظر الوارد في المادة 35/ج من قانون الجمعيات صريح بأنه يمنع الاكتتاب بأكثر من مسكن و ليس الاستفادة فقط .

(( ج ـ لا يجوز للعضو من تاريخ العمل بهذا القانون أن يكتتب على أكثر من مسكن تعاوني ما لم يكن مسكناً تعاونياً آخر في إحدى مناطق الاصطياف ويعتبر قرار الاكتتاب أو التخصيص المخالف لهذه المادة لاغياً ))

أما بالنسبة لعدم تنفيذ حكم إحلال العضوية بالجمعية فيحمل مخاطر البيع الثاني للشقة ، و حرمان الشاري من المشاركة بلجنة المستفيدين من البناء و مسائل أخرى مهمة مثل دفع المستحقات للجمعية و غير ذلك .


لذلك أستحسن عدم النوم بين القبور حتى لا نرى منامات وحشة