امتال جدودنا

[فراس السكري]

اقتباس: المشاركة الأصلية كتبت بواسطة عابر مجيب    ما بظن في شي محدد هية مجرد مسبة يراد بها الاستخفاف من قبل بعض العوام ، وحتى في كلام كتير مفشكل بهدف التنفيس لاحتقان عند ضعاف العقول ، فمثلا في ألعاب العيد هنالك أغنية يا ولاد محارب ......... أنا صدقا علمت من فترة قريبة أن كلماتها مقصوده وما كان ليخطر ببالي تأويلها خارج اطار كونها أغنية بلا هدف .الغريب بقا انها ضد رمز مشترك بيننا وبين غيرنا ، شفت الهبل بالله ؟ قابلت في حياتي أناسا يسبون عندما ينزعجون بلغة لا يفهمها المتلقي ، كنت وما زلت أستغرب هذا ، البعض يعتبره من نوع الدبلوماسية مع تفريغ الحقد . أنا صراحة إذا ما وجهت الكلام مباشرة وصراحة ثم أسأل المقصود فهمت ولا، ولا لأ ؟ ما بينفش قلبي . لذلك بستغرب اللي بقلي ما قلت البعيد ، وأقول له لا تخاف لو قاصدك بقول الحكي باسمك ما بحكي بصفة الغائب . ( بعجبك ( بالنهاية حتلاقي اللي عم يسبك فهمانك غلط وهو من قهره وضعف حيلته عم يسب . وهيك واحد بدو مساعدة ومحبة وبيستحي لحاله . أنا حطيت المتل وما توقعته يعمل كل هالكركبة ، بس يلا فرصة بيصير فيها التعارف أعمق . انت لا كتير تتشدد وتحط النقاط على الحروف وتديرها حنبليه ، كنت حنبلي أكتر منك . خود هالقصة : أرسل رجل ابنه إلى الأزهر الشريف للتعلم عاد الولد بعد عدة سنوات يلبس جبة ( قفطان بالمصري ) ويضع عمامة ( نفس الشي بالمصري ) قال لأبيه لقد تعلمت وأصبحت من علماء الدين ، فقال له الأب أحسنت ، اذهب إلى القرية في أعلى الجبل خلفنا وامكث فيها بضعة أيام . ذهب الولد طائعا ، ولدى وصوله رأى شيخا مسنا هو إمام القرية وكان يلبس عقدا علق فيه سكينا وفأرا وقد هم بدخول المسجد . جرى صاحبنا وأمسك بتلابيبه وقال له فأر ميت يا فاسق وتدخل المسجد ! تراكض المريدون إثر استغاثة شيخهم وضربوا الرجل وطردوه من البلدة عاد إلى أبيه خائبا و قص عليه ما حصل ، فقال له أبوه ، أظنك بحاجة استكمال علمك عد ثانية للأزهر لتنضج أكثر . بعد عدة سنوات عاد الشاب وأرسله أبوه وذهب طائعا إلى نفس المكان . دخل وجلس بجانب الشيخ بعد أن قبل يده نظر إليه الشيخ بعين الرضا ، جاء المستفتون يسألون الشيخ وأخذ يفتي بهراء لا علاقة له بالدين ، وصاحبنا يصبر عليه ، ثم رويدا رويدا بدأ بالثناء عليه قائلا أحسنت ياشيخنا ولكني قد أضيف كذا وهكذا مع الأيام بدأ الشيخ يتنبه إلى علمه وسأله عن دراسته وعرف أنه خريج الأزهر وهكذا أصبح موضع ثقته ومحبته . وفي أحد الأيام سأل صاحبنا شيخه قائلا ما علمونا عن السكينة والفأر وأود نيل فضل لبسهما ولكن ما المصدر ؟ فقال له عجبا ألا تعلم أن : إن دخلتم المساجد فادخلوها بسكينة وفار ؟ قال : مولانا ألا يجوز الخطأ ؟ لنعيد النظر ، قد تكون سكينة ووقار والسكينة من الهدوء وليس السكين وهذه ليست فاء وإنما قاف . بكى الشيخ كثيرا وندم لجهله وقال للشاب أنت أحق مني بالإمامة وسأكون لك من التابعين . الخلاصة بشر ولا تنفر يسر ولا تعسر . تحياتي .

ياريت اخ عابر تفتح موضوع وتسميه قصص ايام زمان وتحكينا هالقصص القديمة حتى لو كانت من نسج الخيال ولكنها فيها معنى اكبر من الكلام نفسه واليك مني احلى شكر

[عابر مجيب]

اقتباس: المشاركة الأصلية كتبت بواسطة فراس السكري    ياريت اخ عابر تفتح موضوع وتسميه قصص ايام زمان وتحكينا هالقصص القديمة حتى لو كانت من نسج الخيال ولكنها فيها معنى اكبر من الكلام نفسه واليك مني احلى شكر

تكرم عيونك بس المشكلة إذا التزمت بدي اتكلف واتصنع بيضيع مني سلاسة السرد ، لذلك اتركها بظروفها .
يسعدني رأيك .
تحياتي .

[economic opinion]

اقتباس: المشاركة الأصلية كتبت بواسطة غالب    صباح الخير هذا المثل عراقي معناه : نارك = النار = جهنم جنة = الجنة بعكس جهنم هلي = أهلي الخلاصة العيشة معك في جهنم احسن من العيشة مع اهلي في الجنة يعني بتحبو كثير وبدها تتجوزو او تضل عايشة معه وهو تشجيع على الحب والزواج ههههههههه

يعني هو عنجد متل أستاذ غالب
أنا فكرتو من شي غنية شعبية

[غسان]

جايب لكم ...كم متل حلوين حضروا حالكم

[غسان]

قالوا للجمل : شو بتحمل ؟؟..قال : لو مالي فزة ...لاحمل الشام والمزة....


ضليت اشتغل حتى سراجي انطفى
لاحجة حجيت ولا الدين عني انوفا...


الحكي معك متل شرب الدخان لا بأوله بسم الله ..ولابآخره الحمد لله
(اعتقد ان هذا المتل لايجوز قوله )
...................


لاتعمل حالك راس كل الناس بينطحوك

متل نومة اهل الكهف لا مخدة ولا لحف

هبلة ومسكوها طبلة

زبال وحاطط وردة

[عابر مجيب]

سألو الدب شو بتشتغل ؟
قال بغزل حرير
قالوله باين عليك وعلى ايديك الناعمين !

[najm]

الصالة هادية وما فيها مشاكل بس
الجنة بلا ناس ما بتنداس
والناس بلاء للناس
وناس بتتسرى وناس بتبات برا
ومن راقب الناس مات هما

استاذ غالب كم متل عن الناس؟

[najm]

اقتباس: المشاركة الأصلية كتبت بواسطة نضال العلي    بالوش ( الوجه) مراية و بالقفا مدراية المدراية هي أداة تستخدم في الزراعة تشبه الشوكة لجمع المخلفات الزراعية

شكرا لتصحيح المثل الدارج اللي كلنا منعرفو سد نضال
هيك اشلبن

[غسان]

بزرعك بين البقدونس بلاقيك بين الكزبرة

[najm]

اقتباس: المشاركة الأصلية كتبت بواسطة نضال العلي    الباب الي بيجيك منو الريح أحسن من عشرة على الشجرة

هاد متل ولا تنين


لانو سلامة عرفك لنت مفتوحة للكل واذا اجالو حدا غريب بيحفضو غلط