|
امتال جدودنا
امتال جدودنا قلبي على ولدي ...وقلب ولدي عالحجر الاسكافي حافي ...والحايك عريان الدكان جنب الدكان ...والرزق على الرحمن طحان مابيغبر على كلاس التعلب شاف العنب عالي ..قال قلبي من الحامض لاوي حفر جبل بمسمار ...اسهل من مناقشة حمار بيكاكي عنا ..وبيبيض عند غيرنا توب العيرة مابيدفي حارتنا ضيقة وبنعرف بعض حاميها حراميها دق المي وهية مي صفي النية ونام بالبرية عرج الجمل من شفتو البغل بين الحمير ركيض بيعمل من الحبة قبة ومن الزبيبة خمارة يلي بيفوتك حصرم بتاكلوا عنب طلع القمر وتدور ونسي زمانه الاول حولا وعم تغمز القمر ياشاري الهم من قلب صاحبو كتير الغلبة حطوا بالصدر لقوا بالعتبة عم يتحركش بالحمى مشان تجيه البردية قال يافرعون مين فرعنك ..قال مالقيت حدا يردني الشاة المذبوحة لايؤلمها السلخ قال الاعمى للاطرش خلينا نشوفك ..لا الاعمى شاف ولا الاطرش سمع ..اجدادنا كان يمتلوا كتير هلأ انقرضت هالشغلة اختراع الامتال يعني .........و يلي متذكر متل يشاركنا فيه |
رد: امتال جدودنا
في مثل شعبي لاقني ولاتغديني
وعلى مناسبة الغدا شورايك بهاالاكلة http://syria-stocks.com/forum/showthread.php?t=11370 |
رد: امتال جدودنا
لو شاف الجمل حردبتو لوقع وانكسرت رقبتو
قالو للكذاب حليف.. قلون إجاني الفرج يلي بياكل على ضرسو بينفع نفسو الباب يلي بتجيك منو الريح سدو واستريح يا آخد القرد على مالو بيروح المال وبيضل القرد على حالو خنفسة شافت ابنها عالحيط قالتلو تقبرني متل اللولية بالخيط لا تآخذوني على بعض المفردات بس أنا نقلت المثل وبس :StickOutTongue وفي أمثال حذفتها بالرقابة Big Grin |
رد: امتال جدودنا
اقتباس:
|
رد: امتال جدودنا
متل الحية من تحت تبن |
رد: امتال جدودنا
يسلموا بس أغلبهن معروف عند الكل نخلي يا هلالة ؟! اذا ما بتعرفوا معنى المتل بجاوبكم كان جدي الله يرحمه يقوله بس يمكن هلاء نادر ما حدا يعرفو |
رد: امتال جدودنا
"لأرينك الكواكب ظهرا" وأصله أن العجاج يوم حليمة غطى عين الشمس - فظهرت الكواكب- وهو أشهر أيام العرب فمن أمثالهم " ما يوم حليمة بسر " . |
رد: امتال جدودنا
من أمثال العرب : " خذه ولو بقرطيّ مارية" [color= ] ومارية هي بنت ظالم بن الحارث الكندي وكان في قرطيها دُرَّتان كبيض الحمام لم يُرَ مثلهما، ولم يُدْر ما قيمتها، فضرب الناس بهما المثل فقالوا : " أنفس من قرطي مارية" وذكر الميداني أنها أهدت قرطيها إلى الكعبة وعليهما درتان كبيض الحمام. ولهذا يضرب بهما المثل في الشيء الثمين ولا يفوتنَّك بأي شيء يكون |
رد: امتال جدودنا
أشأم من ناقة البسوس لا ناقة لي في هذا ولا جمل ومن أشهر أمثال العرب أشهر من نار على علم في رثاء الخنساء لأخيها صخر وَإِنَّ صَخراً لَتَأتَمَّ الهُداةُ بِهِ ** كَأَنَّهُ عَلَمٌ في رَأسِهِ نارُ |
رد: امتال جدودنا
لولا علبة مكِّي كانت الحالة بتبكي
|
| الساعة الآن 08:00 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks