امتال جدودنا

[غالب]

عرب وين طنبورة وين

[غالب]

معنى هذا المثل يقال ان شيخ قبيلة اراد الزواج من فتاة جميلة جدا اسمها طنبورة ولكنها كانت خرساء .

تزوجها وقال لهم كيف اتفاهم معها عندما اريدها . علموها انه عندما يفرش عباءته تأتي وترتمي عليها وهذا ما كان حاصل دوما بينهما .

في احد الايام جاءهم غزو فنادوا بهم للقتال فرمى عباءته واستل سيفه ليقاتل فما كان من طنبورة الا ان ارتمت على العباءة ههههههههه فقيل المثل

عرب وين طنبورة وين

[غالب]

الي يدري والي ما يدري يقول جرزة عدس

او الي بيعرف بيعرف والي ما بيعرف بيقول قبضة عدس

كان هناك شاب وفتاة يحبان بعضهما والتقوا على البيدر وكان بينهما ما كان فجاء اخو الفتاة ولحق الشاب وهو يركض واخوها يركض وراه هو يركض واخوها يركض وراه .

تلافيا للحرج قبض الشاب على جرزة عدس من البيدر وبقيت في يده وعندما رأراه الناس يركض وراء الشاب المحب قالوا له ما بك لماذا تلاحقه أمن اجل قبضة عدس فقال الي بيعرف بيعرف والي ما بيعرف بيقول قبضة عدس .

[عابر مجيب]

مسخ الجمعة وأرض ( أرد ) السبت
تقال لمن يتصرف بصبيانية
والمفارقة أنها تستعمل من قبل المسلمين بكثرة .
يلا هي رح نعمل فتنة طائفية هلأ
المسلمين بيستعملوها بمعنى المتل المصري : الكبير لما يتدلع ، زي الكرسي المخلع .
بس هيه بالأصل :
مسخ الجمعة وأرد ( قرد ) السبت : طبعا مسخ الجمعة المسلم وقرد السبت هو اليهودي .
شايفين التداخل الثقافي ولو على جهل ، نحنا كلنا لحمة واحدة على الخير على الشر على فهم على هبلنه هيك نحنا .
تحياتي .

[عابر مجيب]

اقتباس: المشاركة الأصلية كتبت بواسطة عابر مجيب    مسخ الجمعة وأرض ( أرد ) السبت تقال لمن يتصرف بصبيانية والمفارقة أنها تستعمل من قبل المسلمين بكثرة . يلا هي رح نعمل فتنة طائفية هلأ المسلمين بيستعملوها بمعنى المتل المصري : الكبير لما يتدلع ، زي الكرسي المخلع . بس هيه بالأصل : مسخ الجمعة وأرد ( قرد ) السبت : طبعا مسخ الجمعة المسلم وقرد السبت هو اليهودي . شايفين التداخل الثقافي ولو على جهل ، نحنا كلنا لحمة واحدة على الخير على الشر على فهم على هبلنه هيك نحنا . تحياتي .

لا حدا يتكركب مو سياسية المسلمين سنة مو غير مذهب لا تخافوا ، ما بيؤذوا حدا . وكل البقيانين يهود خمسين واحد كبار بالعمر ما رح ينتقموا .
اللي بدو يحط شكر لا يخاف إلا إذا عم تستنوا الزر الجديد .

[غالب]

لبين ما يطلع الزر الجديد بنستعمل الزر الموجود حاليا .هههههههههههه

[عابر مجيب]

شكرا مدام رندا على التصويب ، فعلا هيك أفضل ولم يفقد المثل مغزاه .
ماعدمت الزوق أبدا
تحياتي .

[سندباد]

اقتباس: المشاركة الأصلية كتبت بواسطة عابر مجيب    مسخ الجمعة وأرض ( أرد ) السبت تقال لمن يتصرف بصبيانية والمفارقة أنها تستعمل من قبل المسلمين بكثرة . يلا هي رح نعمل فتنة طائفية هلأ المسلمين بيستعملوها بمعنى المتل المصري : الكبير لما يتدلع ، زي الكرسي المخلع . بس هيه بالأصل : مسخ الجمعة وأرد ( قرد ) السبت : طبعا مسخ الجمعة المسلم وقرد السبت هو اليهودي . شايفين التداخل الثقافي ولو على جهل ، نحنا كلنا لحمة واحدة على الخير على الشر على فهم على هبلنه هيك نحنا . تحياتي .

قبل ما اشكرك اخي عابر على المتل

هلئ ((قرد السبت)) فهمتها بس يلي ما فهمتوا هي ((مسخ الجمعة)) ممكن تشرحلي ياها....؟

[عابر مجيب]

هلا والله
ما بدها شرح عم يسبونا الجماعة وبس .( لا تعمم ولدنة مو أكتر )
والمفارقة نحنا بنستعملها بدون ما نفهم المعنى ومع الوقت ضاع أصل المعنى ، بربك مو حركات ولاد صغار ؟
خليك بحبوح ، افردها . هيك الله أمر :
( إدفع بالتي هي أحسن فإذا الذي بينك وبينه عداوة كأنه ولي حميم ).
هي شرحتلك، يلا طج هالشكر وخلصني، لا تعصلجها .
تحياتي .

ما عملت اقتباس بس مبينة إلك سندباد أفندي لا تطنش

[سندباد]

اقتباس: المشاركة الأصلية كتبت بواسطة عابر مجيب    هلا والله ما بدها شرح عم يسبونا الجماعة وبس .( لا تعمم ولدنة مو أكتر ) والمفارقة نحنا بنستعملها بدون ما نفهم المعنى ومع الوقت ضاع أصل المعنى ، بربك مو حركات ولاد صغار ؟ خليك بحبوح ، افردها . هيك الله أمر : ( إدفع بالتي هي أحسن فإذا الذي بينك وبينه عداوة كأنه ولي حميم ). هي شرحتلك، يلا طج هالشكر وخلصني، لا تعصلجها . تحياتي . ما عملت اقتباس بس مبينة إلك سندباد أفندي لا تطنش

لا محا طنش شو طنش ما تعودت الهروب من ساحات المشاكل ههههه

كنت مشغول بعزيمة اخونا نضال العلي الله يقوي

مشان المتل اي هلئ فهمت عليك فكرت تعبير ((مسخ الجمعة)) الو مدلول تاني مو عل المسلمين ...

وهي احلى لايك مشان الناس تنتبه وما تذكر متل هيك امتال