حل وحيد في متناولنا لمشكلة البورصة

[عصفورة]

مرحبا يا شباب و يا صبايا ..

صارلي كم يوم عم تابع المنتدى و البورصة من بعيد ... حبيت بدل المشاركة معكم انو فكر شو سبب هبوط البورصة و كيف يمكن تطلع ...

بعد عصف ذهني عاصف و تفكير عميق و يوغا و وووو .. عرفت اخيراً شو صاير بالبورصة و عندي الحل لكللللللللللللللللللللللل هالمشاكل ..
.
.

.

يا أهل الخير.. أكتشفت اني أنا السبب في نزول البورصة لأنو حضرتي نحست البورصة ..

طيب شوفوا معي.. السنة الماضية كانت كل اسهمي اكتتاب، و كنت ماني مشاركة لا بالمنتدى ، و لا بعرف المنتدى، و لا بعرف الموقع الالكتروني للبورصة، ما كنت عم وجع راسي لأنو اسهمي استثمار، بس بابا الله يطول عمرو بيقلي كل كم اسبوع يا بنتي سهمك الفلاني صار سعروا بالسوق كذا و كانت دائماً الأخبار ايجابية و مفرحة..

لحتى اجا النحس وقت زيادة قطر، مدري ليش وقتها مشان افهم شو عم بيصير و شو هي الزيادة و شو لازم اعمل صرت تابع المنتدى والبورصة بعدين بعد تفكير جهيد قررت التسجيل في المنتدى وفتحت حساب بشركة وساطة ........ و من وقتها البورصة بشكل عام على نزووووووووووول،، و قطر على تدهور فوق تدهور، و البركة عم يراوغ بعدين وقع، وقت اتشجعت و اشتريت من السوق لأول مرة كم سهم اسلامي بدأ انحدار السهم ثم جاء السقوط الكبير لكل البورصة ..

و اذا ظليت عم تابع المنتدى و البورصة بضملنكم انو رح يظلوا على نزول .. ug8;

بقا عندي حل و هو لفائدة الجميع، إلكم، إلي، للبورصة، و لصغار و كبار المستثمرين اللي رح يدعولكم من كل قلبهم ..

الحل هو انو تشتروا كل اسهمي بضعف السعر الحالي وانا بأكدلكم أني رح انسحب من المنتدى و حرم تابع البورصة طول عمري ووقت حدا قدامي يحكي على البورصة رح اهرب سفر شهر ووقت يجي خبر على البورصة بالتلفزيون رح اقطع الكهرباء عن البيت ..:0069:

و صدقوني انو وقتها البورصة رح يروح عنها النحس و ترتفع لمستويات بحياتكم ماحلمتوا فيها حتى بأحلى ايام البروصة اللي راحت عليي و ماشفت من البورصة غير وشها التاني ..

بقا شو رأيكم؟؟ الموضوع ما بدوا تفكير بسرعة عملوا جمعية بالمنتدى و اشتروا اسهمي و بعدين وقت يروح النحس و تطلع البورصة بيعوهن و قسموا الأرباح .

بعرف كتير رح تتشكروني على عرضي المغري، و لعيونكم اعتبروها هديةug2;


مع التحية

[Aziz]

معناتها فينا نستفيد منك بخفض البورصة ورفعها
هلق غيبي عن الانظار شوي خلي السوق يرتفع وبعدين اكيد بدنا ياكي ترجعي

[غسان]

حلو ....شكرا لك على هذا العرض المغري

بس مابظن حدا معو سيولة يشتري منك شي...

على كل مابتوقع ومستبعد ان يكون سبب هبو ط البورصة شرائك لبعض الاسهم:k:
اذا بدك تفيدينا عن جد يا عصفورة بدنا منك تطيري فوق طرابلس واليمن ......وتشوفيلينا الصورة من فوق كيف وليش عم تاثر عاللي تحت بدون سبب مباشر مقنع الا الخوف المنقاد وراء مجموعة تخطط لاكل البيضة والتأشيرة

[Rihab]

له له له يا عصفورة ما بعرف أنك يأسانة لهدرجة

ما رح نشتري منك شي نحنا بدنا تظلي معنا تبيعي وتشتري وتربحي بإذن الله

إذا اسهمك معظمها اكتتاب فأنت مازلت بالجانب الآمن safe side وهالكم سهم الإسلامي مو مشكلة مثلك مثايل في ناس اشتروا ب 1600 ليرة

طولي بالك هي مسألة وقت، البورصة تحتاج إلى صبر وهدوء أعصاب

ومثل ما قال الأخ غسان شو في لنا شو عم يصير بليبيا واليمن وخبرينا
اليوم المبدأ إذا أردت أن تعرف ما يجري في إيطاليا فعليك أن تعرف ما يجري بالبرازيل (حكمة الأستاذ حسني البورزان)

[جوني حلاق]

الحل بين يديكِ
فقط عودي كما كنت (مستثمرة) ولديك أحد حلين لو كنت مكانك:
1- في حال عدم توفر السيولة: انسي أسهمك لفترة قد لاتتجاوز 6 أشهر أو أكثر بقليل وستكتشفي كم هي الحياة جميلة آنذاك.
2- في حال توفر السيولة: إرفعي من نصيبك قدر الإمكان واحتفظي بأسهمك لحين الحصاد ولا تفرطي بأي سهم إلا عند السعر المرضي لك (فلا أحد يستطيع أخذها منك بغير موافقتك)

[غالب]

عصفورتنا الحلوة تحية طيبة لك من ارض دمشق الى ارض اليمن الشقيق اينما تقيمين


نحن ما النا غنى عنك , والله المنتدى مخفف علينا نص المصايب , بقى اذا تركتينا وطرتي رح نظل بلا اخبار من هنا وهناك . وبما انك كنت معنا وقت الازمة نريد منك ان تكوني معنا وقت الفرح وسنحتفل سوية باستعادة اسهمنا المسروقة من بنك قطر واموالنا المسروقة بعلم وتخطيط وادارة هيئة الاوراق المالية وادارة سوق دمشق للاوراق المالية وسوف نحقق الربح الحلال باذن الله والدكتور العمادي , وسوف نبتعد من الان وصاعدا عن الربح الحرام الذي حرمنا منه الدكتور العمادي باصداره القرار 87 وثبته في الزيادات وقانون الشركات الجديد وثم الغى ببراعة تامة القرار 87 حيث لم يبقى له مبرر . وبما اننا لم يبقى لنا اي ليرة بالحرام سندخل الجنة باذن الله واذن الدكتور العمادي حيث اصبحنا نظاف لطاف لم يبقى معنا ولا قرش لا حلال ولا حرام والحمد والشكر لله الذي لا يشكر على شيء سواه .

لذلك يا اختنا يا عصفورة عقبال ما تكبري وتصيرة حمامة ثم نسر ثم صقر بلكي بتفقي عيون الحساد والمغرضين الذين يريدون شرا بهذه البلاد الامنة ونستطيع ان نستمتع بما تبقى لنا من هذه الدنيا حتى نصل الى الجنة الموعودة بمباركة الدكتور العمادي وواسطته .

الحمد لله رب العالمين الرحمن الرحيم .

[غسان]

اقتباس: المشاركة الأصلية كتبت بواسطة غالب    عصفورتنا الحلوة تحية طيبة لك من ارض دمشق الى ارض اليمن الشقيق اينما تقيمين نحن ما النا غنى عنك , والله المنتدى مخفف علينا نص المصايب , بقى اذا تركتينا وطرتي رح نظل بلا اخبار من هنا وهناك . وبما انك كنت معنا وقت الازمة نريد منك ان تكوني معنا وقت الفرح وسنحتفل سوية باستعادة اسهمنا المسروقة من بنك قطر واموالنا المسروقة بعلم وتخطيط وادارة هيئة الاوراق المالية وادارة سوق دمشق للاوراق المالية وسوف نحقق الربح الحلال باذن الله والدكتور العمادي , وسوف نبتعد من الان وصاعدا عن الربح الحرام الذي حرمنا منه الدكتور العمادي باصداره القرار 87 وثبته في الزيادات وقانون الشركات الجديد وثم الغى ببراعة تامة القرار 87 حيث لم يبقى له مبرر . وبما اننا لم يبقى لنا اي ليرة بالحرام سندخل الجنة باذن الله واذن الدكتور العمادي حيث اصبحنا نظاف لطاف لم يبقى معنا ولا قرش لا حلال ولا حرام والحمد والشكر لله الذي لا يشكر على شيء سواه . لذلك يا اختنا يا عصفورة عقبال ما تكبري وتصيرة حمامة ثم نسر ثم صقر بلكي بتفقي عيون الحساد والمغرضين الذين يريدون شرا بهذه البلاد الامنة ونستطيع ان نستمتع بما تبقى لنا من هذه الدنيا حتى نصل الى الجنة الموعودة بمباركة الدكتور العمادي وواسطته . الحمد لله رب العالمين الرحمن الرحيم .

assalam1

ac1 ac1ac1

:patch_rir::patch_rir:

فلة ....
شمعة منورة......
انت معانا...............

[Dr Imado]

عصفورة خانم بعد التحية نحنا موافقين على هالعرض المغري بس عنا شوية وساوس الحقيقة خايفين بعد ما نشتري ونفك النحس تلاقيها سبوبة حلوة وترجعي تشتري مرة تانية وتساومينا عليهم مشان هيك بعد الدراسة والتمحيص هناك حل واحد بعد ما نشتري منك لازم نحطك بالقفص كم شهر لنعوض خسائرنا بس . ويلي اولو شرط ........

[مجد]

طولو بالكم شباب وصبايا وختيارية .انشاء الله بعد عدةايام ستكون اسعارالاسهم ممتازة استثماريا بجدارة .ولكن الوقت بالضبط للدخول يحدده كل واحد حسب مايراه مناسب له .واقول بصراحة اخطا من لم يترك نصف محفظته كاش .ارجو ان يستفيد من هذا الدرس المفيد والقاسي .

[ابو هاشم]

اقتباس: المشاركة الأصلية كتبت بواسطة مجد    طولو بالكم شباب وصبايا وختيارية .انشاء الله بعد عدةايام ستكون اسعارالاسهم ممتازة استثماريا بجدارة .ولكن الوقت بالضبط للدخول يحدده كل واحد حسب مايراه مناسب له .واقول بصراحة اخطا من لم يترك نصف محفظته كاش .ارجو ان يستفيد من هذا الدرس المفيد والقاسي .

انا معك بهذا الكلام الدقيق وشكرا اخ بشار