ماذا حققت من ارباح السنة الماضية؟

[عصفورة]

اقتباس: المشاركة الأصلية كتبت بواسطة شادي-أبو الجود    أبداً عصفورتنا ما في مانع (يعني خليتيني فضفض) الخسارة تشكلت من قطر، عقيلة، الزيوت والأردن

هالقطر كتير عمل اعداء الفترة الماضية .. الله يعوض عليك الخسارة و برافو عليك انك ما هربت من البورصة بعد هالتجربة.

اقتباس: المشاركة الأصلية كتبت بواسطة ahmadhsn    ممممممم موضوع حلو ... انا الحمد لله حقق بعام 2010 حوالي 60% .... "اليوم اول مرة بحسب نسبة الارباح"

كتير حلو اخ احمد حسن، و عقبال زيادة الأرباح.

اقتباس: المشاركة الأصلية كتبت بواسطة فهد    أنا ربحت 100%

اقتباس: المشاركة الأصلية كتبت بواسطة فهد    بالمصرف الدولي للتجارة والتمويل

اخ فهد ياريت تقلي انت استثمرت بالسهم على المدى القصير - المتوسط او ضاعفت رأسمالك من المضاربة ؟

و كتير حلو هالربح، مبروووووووووووك.

[heroaccess]

شكرا على موضوعك
انا حققت ارباح من سوريا الدولي الاسلامي 40% مع اني بدات بالنصف التاني من السنة
وفي اسهم اكتتاب بركة هاد مو محسوب

[Rihab]

أنا كل شي بعتو السنة الماضية ربحت فيه والحمدالله

السنة ضاربت ع قطر وربحت خمسين ليرة بالسهم، نعمة كريم

عندي أسهم ما بعتها بس بعتبر أني ربحانة فيها لأن سعرها أرتفع بشكل جيد (يعني إذا بعتها رح كون ربحانة بإذن الله).
عندي الإسلامي اشتريتو بسعر عالي بس مالي خايفة لأن إذا ما أرتفع سعرو من هون للزيادة أضعف الأيمان بدخل الزيادة وساعتها بربح.
السهم الخاسر بجدارة هو الأردن وسبب الخسارة هو طمعي, لو رضيت بربح 70-60 ليرة كان مشي الحال.

أختي عصفورة أنا برأي أنو الواحد يترك جزء للمضاربة وجزء للإستثمار المتوسط والإستثمار الطويل الأجل، وكل واحد حسب تفكيره وأمكانياته

وشكراً

[Sawt Al Watan]

انا مكتتب اسلامي والنسبة من الربح تقريبا 250% وخسارة زيوت 83الف وكسور في العام الماضي طلعو الزيتات منزوعين وعم حاول عوض من نفس السهم

[عصفورة]

اقتباس: المشاركة الأصلية كتبت بواسطة heroaccess    شكرا على موضوعك انا حققت ارباح من سوريا الدولي الاسلامي 40% مع اني بدات بالنصف التاني من السنة وفي اسهم اكتتاب بركة هاد مو محسوب

والله ربح كتير حلو من المضاربة الصافية و بفترة قصيرة.. الله يكملك.

اقتباس: المشاركة الأصلية كتبت بواسطة Rihab    أنا كل شي بعتو السنة الماضية ربحت فيه والحمدالله السنة ضاربت ع قطر وربحت خمسين ليرة بالسهم، نعمة كريم عندي أسهم ما بعتها بس بعتبر أني ربحانة فيها لأن سعرها أرتفع بشكل جيد (يعني إذا بعتها رح كون ربحانة بإذن الله). عندي الإسلامي اشتريتو بسعر عالي بس مالي خايفة لأن إذا ما أرتفع سعرو من هون للزيادة أضعف الأيمان بدخل الزيادة وساعتها بربح. السهم الخاسر بجدارة هو الأردن وسبب الخسارة هو طمعي, لو رضيت بربح 70-60 ليرة كان مشي الحال. أختي عصفورة أنا برأي أنو الواحد يترك جزء للمضاربة وجزء للإستثمار المتوسط والإستثمار الطويل الأجل، وكل واحد حسب تفكيره وأمكانياته وشكراً

ليش سهم الأردن نزل هالنزلة اخت رحاب؟

و بتفق معك انو التنويع بين الإستثمار و المضاربة حلو...

هلاء انا اشتريت هالشهر كم سهم اسلامي، عم استنى الزيادة و بدي بيع كل شي،، و الله ماني عرفانة اذا هذا اسمو مضاربة او استثمار

اقتباس: المشاركة الأصلية كتبت بواسطة Sawt Al Watan    انا مكتتب اسلامي والنسبة من الربح تقريبا 250% وخسارة زيوت 83الف وكسور في العام الماضي طلعو الزيتات منزوعين وعم حاول عوض من نفس السهم

اخي صوت الوطن، اول شي مبروك عليك ربح الإسلامي،، تاني شي نصيحة ما تعند و تحط عقلك بعقل سهم الزيوت .. لا تكون عاطفي وحاول تعوض الخسارة من اكتر سهم موثوق بالسوق هالأيام ،، ووقت بتعرف شو هادا السهم قللي بليز

مع تحياتي الخالصة لكل المشاركين هون، و إن شاء الله هالسنة بتنقلب خسارتكم وربح و بينقلب ربح لربح مضاعف.

و لنشوف بعد سنة بنحط هيك موضوع إن شاء الله و بنشوف شو تعلمنا من التجربة و ماهو التقدم اللي حققناه من الأرباح بعد سنة.

[Sawt Al Watan]

مشكورة اخت عصفورة وبارك الله فيك واتمنى لك التوفيق والصحة والعافية

وان شاءالله واذا الله ابقانا من الاحياء اكيد ما رح يكون في خسارة لانو من التجارب الانسان بتعلم كيف يوقف الخسارة ان شاءالله واسال الله العظيم لنا ولكم التوفيق والنجاح

تقبلي مروري والسلام عليكم

[BROKER]

مشكورة موضوع حلو .... يمكن ببال عدد من الاعضاء لكن لم يتجرأو للسؤال

[wasim]

الحقيقة انا دخلت بالوقت الضائع للاسف ......وقت اكتتاب قطر و خسرت بحدود 10000 و خرجت و كانت الخسارة بالاسلامي و الحقيقة انا تعلمت كتير من التجربة و لكن لم اشتري بعدها لعدم تحقق الفرص الا مرة واحدة وقت ارتداد الاسهم كلها وقتها و انا ما بتعامل الا بالاسهم الشرعية فكانت فرصي قليلة و انا حاليا اراقب لان السوق الان بالنسبة لي غير مجدي ابدا

[Tarouqa]

اقتباس: المشاركة الأصلية كتبت بواسطة broker    مشكورة موضوع حلو .... يمكن ببال عدد من الاعضاء لكن لم يتجرأو للسؤال

بروكرنا ما فهمت شي

يعني اديش النسبة تقريبا ؟؟؟؟؟

[mahermmmm]

اختنا الكريمة الموضوع جيد وتعاطيك مع الاراء رائع
ارباحي كانت جيدة من غير المدرجة
اما من السوق فيوم ليك ويوم عليك
الامور مستورة