صالون سيرياستوكس لعطلة التداول لأيام (22-23-24-25)أيار 2014

[عابر مجيب]

اقتباس: المشاركة الأصلية كتبت بواسطة لقماان    الله عليك و على مشاركاتك يا استاذ عابر من وين بتجيب هالدرر ........... هللئ بتجاوبني و بتؤول اي شو هالشيبات يلي براسي هيك طلعوا عن عبس ....... بجاوبك و بؤول : و الله هالشيبات يا استاذ عابر ما طلعوا عن عبس أكيد قريبا بنحتفل بعيد ميلادك ال 58 ان شاء الله الله يمد بعمرك و يحفظك لعيلتك و أولادك ...و لمحبينك... علي الحلال اذا بترشح حالك ؟؟؟؟؟؟؟؟؟!!!!!! لانتخبك ............. لاء مو لهنيك .... هيك بنكون عمنروحك ..... يعني اذا بترشح حالك لنقابة !!؟؟؟ لنقابة !!!! خلينا نؤول نقابة المهندسين ................

الله يسلمك ويخليلنا ياك ويرجعك سالم غانم
انا بحك راسي وبكتب وبحاول اتفوق عليك ، بس عبث ما بقدر
مشكلة المراكز القيادية ، بدها مسايرة ، بس انا ما بعمل إلا بقناعتي ، وصعب حدى يغالط معي ، لذلك ما كنت بيوم ما في موضع قريب من مدرائي .
بس بشأن العمر ، انا ودعت نهاية العقد السادس في 14 نيسان الماضي . يعني هلأ صرت سينيور سيتيزن .

[لقماان]

اقتباس: المشاركة الأصلية كتبت بواسطة عابر مجيب    الله يسلمك ويخليلنا ياك ويرجعك سالم غانم انا بحك راسي وبكتب وبحاول اتفوق عليك ، بس عبث ما بقدر مشكلة المراكز القيادية ، بدها مسايرة ، بس انا ما بعمل إلا بقناعتي ، وصعب حدى يغالط معي ، لذلك ما كنت بيوم ما في موضع قريب من مدرائي . بس بشأن العمر ، انا ودعت نهاية العقد السادس في 14 نيسان الماضي . يعني هلأ صرت سينيور سيتيزن .

معناتا لو نفترض افتراض جدلي
انك استلمت أعلى منصب قيادي ...؟؟؟
هاد يلي ما بتضطر فيه لتساير حدن ......
السؤال :
اذا حدن غالط معك من وجهة نظرك لكان
شو بتعمل فيو ؟؟؟؟
----------------
للأمانة أنا كنت بدي اكتب العمر و عيد ميلادك ال 85 سنة من باب الدعاء الك بطول العمر
بس فاتت معي الارقام العربية مع الكوردية
مع الأجنبية والحمصية و حتى مع الأرقام الهندية ......
فطلع الرقم 58.........

[عابر مجيب]

اقتباس: المشاركة الأصلية كتبت بواسطة لقماان    معناتا لو نفترض افتراض جدلي انك استلمت أعلى منصب قيادي ...؟؟؟ هاد يلي ما بتضطر فيه لتساير حدن ...... السؤال : اذا حدن غالط معك من وجهة نظرك لكان شو بتعمل فيو ؟؟؟؟ ---------------- للأمانة أنا كنت بدي اكتب العمر و عيد ميلادك ال 85 سنة من باب الدعاء الك بطول العمر بس فاتت معي الارقام العربية مع الكوردية مع الأجنبية والحمصية و حتى مع الأرقام الهندية ...... فطلع الرقم 58.........

عم تصعبها كتير
ولو ما سبق وجربت ، كان صعب أعطيك جواب حقيقي
على فرضيتك ، ما بيبقى عندي مدراء ، وهنن بس اللي كنت اتناقر معهم
و من بعد تجربة عمري ما كان عندي مشلكلة مع عناصري ، وكنت مصر على ان اللي باخدو بالمحبة ما ممكن آخدو منهم بالخوف والاكراه . والمظلوم بيخبيلك مشاعرو إذا ما كان قادر عليك ، وإلا ما يجي يوم وينتقم . كان أكبر همي الكذب .
كنت قول للجميع اصدقو وشوفو، إذا خليتكم تندمو ابقو اكذبو عليي . للامانة واحد بس حيرني ، ماحبيت عاقبو ، نقلتو لغير ورشة .
الناس بيقدروا وبيفهموا ، واللي بيحترم كرامتهم بيحترموه ، اللي كان يغلط كنت حاججو بالخجل . وعمري ماكسرت شوكة حدى .
أول ما استلمت ورشة الاسفلت وكان فيها سائقين كتار ، اتفقوا يهربو. وصلت على المجبل ، قايلينلو طفي ما بقا في شغل اليوم ، وهربو كلهم !
كان في تلاتة بس ، فسادين ( عواينية ) قال الكل اتفقوا وخدعوا المجبل ، سألتهم ليش انتو هون ؟ قال نحنا ما قبلنا
قلتلهم تاني مرة بتتعاقبوا إذا عدتوها ، قالوا بس نحنا معك وما هربنا
قلتلهم عيب عليكم هاد اسمو ندالة ، الكل هربوا بتهربوا معهم ، خليكم رجال وإيد واحدة ، ولو ضدي بحترمكم أكتر .
صدقا ما تكررت ، وصار الكل حريص على العمل ، وشعروا ان العمل لهم ، وليسو عبيد .

[لقماان]

صباح الخير للجميع .............
و يوم أحد مبارك للجميع نتمناه لكم .............

[عابر مجيب]

يسعد صباحكم جميعا
آسف دخلت على عجالة قبل مغادرة البيت وكتبت ، دون ان اصبح عليكم
الموضوع ذو شجون، وقد عشت أياما جميلة عملت فيها قصارى جهدي للأفضل .

[عابر مجيب]

اقتباس: المشاركة الأصلية كتبت بواسطة لقماان    معناتا لو نفترض افتراض جدلي انك استلمت أعلى منصب قيادي ...؟؟؟ هاد يلي ما بتضطر فيه لتساير حدن ...... السؤال : اذا حدن غالط معك من وجهة نظرك لكان شو بتعمل فيو ؟؟؟؟ ---------------- للأمانة أنا كنت بدي اكتب العمر و عيد ميلادك ال 85 سنة من باب الدعاء الك بطول العمر بس فاتت معي الارقام العربية مع الكوردية مع الأجنبية والحمصية و حتى مع الأرقام الهندية ...... فطلع الرقم 58.........

الحال من بعضو
وأنا كمان حطيت السادس بدل الخامس هههههههههههه

[لقماان]

رئيس الاوروغواي خوسيه موخيك


أعلنت المفوضية العليا لشؤون اللاجئين أن رئيس الاوروغواي خوسيه موخيكا، والذي صنف الرئيس الأفقر في العالم، سوف يستضيف في بيته الصيفي 100 يتيم سوري ممن أجبرتهم الحرب الأهلية في بلدهم إلى اللجوء إلى الدول المجاورة.
من جانبها، أكدت زوجة موخيكا أن هذه المبادرة تهدف إلى حث المجتمع الدولي على تحمل مسؤولياته تجاه الكارثة التي تعيشها سوريا. وقالت إن الرئيس كان يفكر في البداية بالطلب من مجلس النواب الموافقة على هذه المبادرة، لكنه تجاوز ذلك واتخذ القرار.
يذكر أن موخيكا صنف الأفقر لكونه لا يحتفظ سوى بـ 10% من مرتبه الذي يبلغ شهرياً 12 ألفا و500 دولار أميركي، ويتبرع بالباقي للجمعيات الخيرية. ويعيش موخيكا منذ توليه الرئاسة في شهر مارس 2010، في بيت ريفي بمزرعته، ويرفض العيش في القصر الرئاسي، كما أنه لا يتمتع بالحراسة المشددة كبقية رؤساء العالم.
يشار الى إن أبرز جملة لهذا الرئيس هي : "إن من يعشق المال لا مكان له في السياسة". فهو يعيش في نفس المنزل ونفس الحي وبنفس الطريقة قبل توليه الرئاسة.

[لقماان]

اقتباس: المشاركة الأصلية كتبت بواسطة لقماان    معناتا لو نفترض افتراض جدلي انك استلمت أعلى منصب قيادي ...؟؟؟ هاد يلي ما بتضطر فيه لتساير حدن ...... السؤال : اذا حدن غالط معك من وجهة نظرك لكان شو بتعمل فيو ؟؟؟؟ ---------------- للأمانة أنا كنت بدي اكتب العمر و عيد ميلادك ال 85 سنة من باب الدعاء الك بطول العمر بس فاتت معي الارقام العربية مع الكوردية مع الأجنبية والحمصية و حتى مع الأرقام الهندية ...... فطلع الرقم 58.........

اقتباس: المشاركة الأصلية كتبت بواسطة عابر مجيب    الحال من بعضو وأنا كمان حطيت السادس بدل الخامس هههههههههههه

ههههههههههههههه
معناتو لا تؤول لحدن .....
هون حفرنا ...و هنيك طمرنا .....
عفوا هيك صرنا متل دائرة الحفر بالبلدية السورية
يلي ما الها علائة بدائرة الطمر في البلدية السورية
منصحح و بؤول
هون حفرنا و هون طمرنا ....................