صالة أسعار صرف الدولار وباقي العملات مقابل الليرة السورية ليوم الثلاثاء 23-7-2013

[sajed]

اقتباس: المشاركة الأصلية كتبت بواسطة alternative    يبدو انو في مشاركين خلصت مهمتون تعدوا على كفاءات اقتصادية مشهود الها وروحوا عالعالم نقاط دخول لن تتكرر للاسف

أخي الترناتيف حفظك الله

والله اني أحبك في الله وسائر الأعضاء الكرام

لكن لي ملاحظة بسيطة حسب فهمي البسيط في السوق:

هل الدخول والخروج في السوق في صالح هذا الشعب الفقير أولا"؟

بالطبع دخول أي شخص متمرس أو خروجه يعني جني الأرباح على حساب الآخرين

وهل جني هذه الأرباح والدراهم المعدودة يساعد البلد والولد؟

قرأت عدة مشاركات بأن المضاربة تفيد في عدم تدهور سعر الليرة فكيف يكون ذلك؟

أرجوك أن تتحمل أسئلتي وأرجوك بلطف أن تجيب على استفساراتي بأمانتك المعهودة والمشهود لها أنت وكامل الأعضاء حفظكم الله.

[S.O.S]

مساء الخير للجميع
بزمانو كان في اختراع اسمو.............








( الكهرباء )

[Big H]

اقتباس: المشاركة الأصلية كتبت بواسطة alternative    اخي الكريم بالنسبة للدكتور عابد كل مين كان بكلية الاقتصاد خلال العشر السنين الاخيرة بيعرفوا وهاد الدكتور معروف انو بيهموا مصلحة الطلاب وفاتح مكتبو للكل غير باقي الكادر ومهني كتير وفي مادة من اصعب المواد بالكلية اسمها التحليل الجزئي ما حدا قدر يعطيها بالكفاءة المناسبة الا هوة هاد يلي انا بعرفو مع احترامي لك واذا تعليقك انو قالولوا احكي هيك فهاد شي طبيعي دكتور بكلية الاقتصاد الحكومية يعني بيقلون لا ما حاحكي متل ما انتو بدكون هاد شي طبيعي ارجو انو نعطي كل واحد حقو

الرد الثاني والأخير
الذي أعرفه أن الدكتور موفق السيد حسن رحمه الله هو أفضل من أعطى
مادة التحليل الجزئي ولا مجال للمقارنة ...
أما أن يقول ما يريدون لأنه يعمل في كلية حكومية فلا مشكلة هنا عندمّا
يتكلم بالحق حتى لا "يتخورف" الغشيم ...

وأخيراً الله يعطيه حقه ليرضيه ... والسلام

[abd73fr]

اقتباس: المشاركة الأصلية كتبت بواسطة مجرد إنسان    السلام عليكم رح احكيلن قصة الشقيعة وصارت معي أكتر من مرة هلأ أوقات ما بيقدر الواحد يوصل لناس حريفة ونضاف وبلاقي القريبب منو شقيعة .. المهم شوفو يا جماعة الخير رحت اصرف مصروف ..100 دولار .. لفيت مشان واحد قريب ولتا عالمرجة .. صراف صراف .. بقديش اليوم ب 237 -240 شو معك؟ 100 دولار .. تفضل معي .. طلعنا ببناية .. فتحنا الاصنصير وبدنا نطلع طلع واقف .. خجل الصبي وقلي بنطلع عالدرج وصلنا .. قامت المعلمين .. اهلا وسهلا تفضل .. فتت لعندو .. شو معك ؟ 100 دولار نط الولد وقلو 237 ابتسمت انا ، كنت بعرف انو الشراء عند الكبار اكتر بليرة .. الظاهر في شي للولد .. عد المعلم (شقيع كبير شوي) المصاري ..تفضل .. مسكت المصاري وبلشت عد وراه .. طلعو ناقصين 500 .. يعني 23200 قلتلو لسا في 500 يا معلم .. هات لعدن مرة تانية .. عدن .. قلي معك حق تفضل .. ناولني اياهن .. وناولني بعدن 500 ليرة لحالا .. محسوبكن محاسب .. وكتير غلبة .. مسكت المصاري منو حطيت فوقن ال500 ليرة وعديت ... صفن صاحبنا .. خلصت ..قلتلو هدول ناقصين 5000 هالمرة مو500 ..فتح عيونو وقلي ليش هدول مو إلك ؟ كان صار حاططن عالطاولة عأساس أنا ما أخدتن منو .. وكل مرة عندو وعند غيرو نفس الشي بالزبط حتى شقيعة الحميدية .. اول مرة غلط ب 500 تاني مرة غلط ب 5000 .. فبدك تعد بعد كل مرة بيمسكلك اياهن حتى لو مسكن مشان يحطلك مطاطة ويدعمك واذا بتطلع راحت عليك .. في واحد قرايبي بهاللعبة هي خسروه 50000 ليرة بس .. صرف وقتا 1000 دولار .. فتخيل يا رعاك الله وانتبه .. بظن يمكن بسموا هالحركة : فعس او هيك شي .. ما انتبهت ونازلين كمان يفعسوا من بعض هههههههه بتمنى تنتبهوا وتركزوا على العد خصوصي اخر مرة قبل ما تطلعوا مو بس عالسعر والمفاصلة .. والكلام المعسول او الصلاة والقصص والحيل التانية .. بالتوفيق للجميع ..

ذكرتني بحادثة صارت معي في حلب من عدة سنين أيام كان فيه شيء اسمه حلب وشقيعة بجانب الجامع الكبير.. الله يرحم... المهم كان معي 100 يورو وبدي أصرفها ولاقيت واحد يصيح صراف صراف..سألته كم اليورو اليوم..قال لي كم معك؟؟.. قلت 100 يورو..قال لي أرينيها وأنا بكل براءة طالعت المية يورو وأعطيتها له وقعد يتفحصها وأخدني إلى دكان ليس فيها شيء إلا مكتب ..فنح الدرج وناولني حوالي 6500 (أيام كان اليورو تحت السبعين)... أنا طار عقلي لأنو كنت شايف صراف محترم قبله وأعطاني سعر أعلى. بس بعد ما صارت المية يورو في درج مكتبه وما يرضى يرجعها لي.. عطيني شي مية أو ميتين ليرة يعني تقريبا نفس السعر الذي رأيته عند الصراف السابق... وبعدها التوبة ما عدت أصرف عند هيك أشكال بحياتي ....من ذكريات أيام زمااان..

[alternative]

اقتباس: المشاركة الأصلية كتبت بواسطة sajed    أخي الترناتيف حفظك الله والله اني أحبك في الله وسائر الأعضاء الكرام لكن لي ملاحظة بسيطة حسب فهمي البسيط في السوق: هل الدخول والخروج في السوق في صالح هذا الشعب الفقير أولا"؟ بالطبع دخول أي شخص متمرس أو خروجه يعني جني الأرباح على حساب الآخرين وهل جني هذه الأرباح والدراهم المعدودة يساعد البلد والولد؟ أرجوك أن تتحمل أسئلتي وأرجوك بلطف أن تجيب على استفساراتي بأمانتك المعهودة والمشهود لها أنت وكامل الأعضاء حفظكم الله.

اشكرك اخي ساجد
اشهد الله اني احبك ايضا ولك معزة خاصة عندي
المشكلة انو نحنا هلق خسرنا على المستوى الكلي والله خسرنا كتير كتير
والوضع اصعب انو ينجبر لح نضل بالحالة من الصعود والهبوط في الوقت الحالي خصوصا
يا ترى نترك الهوامير الكبار يستفيدوا بس
مع العلم انو معظم يلي بالمنتدى اصحاب رؤوس اموال صغيرة و متوسطة
هل انخفاض الدولار كان من مصلحة العموم بالطريقة يلي اتبعت
للاسف المركزي عمل كارثة
انتبه
مو بسبب تدخلوا لكن بسبب ترك السعر يرتفع للدرجة الخطيرة يلي حدثت
نجح المركزي الحمد لله
ولكن بتخفيض قيمة العملة
قيمة العملة هي كمية السلع والخدمات القادرة على تحصيلها بعدد وحدات معين من عملة معينة
وانا انطلق الان من مبدأ
" ما لايدرك كله لا يترك جله "

[مجرد إنسان]

يا جماعة .. عابد فضيلة استاذ بالجامعة محترم خلوق - جميل الطلعة البنات بحبوا يحضرولو مشان عيونو الملونة - .. سلموه المصرف العقاري في آخر اخباره وللامانة احسست ان المصرف تراجع عن ايام دريد ضرغام كثيرا ..
هلأ الرجل صرح تصريحات في منها حق لا ينكر واعجبتني ولكن في منها جزء للمسايرة وحسب ظني يصعب عليه تجاوزه ..
بالمحصلة : ما يهمنا هو فحوى الكلام اكثر من الشخص ايا كان .. وليس الموضوع شخصي اصلا ..
والسلام

[عابر مجيب]

اقتباس: المشاركة الأصلية كتبت بواسطة ابو فهمي    نعم نعم اصبحنا نميززز الفرق ما بين النصح والضرر ما بين البيع ما فوق 250 وبين الشراء فوق 300 وصولا الى 1000 كما ذكرت سعادتك مرارا

لا تتعجل
المي بتكذب الغطاس ( بالمصري )
هادا الجمل وهادا الجمال ( بالسوري وبمصر كمان )
تابع بوعي ولا تغلب هواك على عقلك
نصيحة لوجه الله ، قد تذكرني بها يوما

[جوليت]

اقتباس: المشاركة الأصلية كتبت بواسطة engshaam    عجبني الرد عدفعات وعشي خمس تعديلات معؤول لهالدرجة كلامي شغلك لدرجة فكرتي وغيرتي رأيك 5 مرات وبعدين انا ألتلك متابع ومن أول يوم مداخلاتك كانت تأكد وتحذر من هبوط الدولار وفي منا حكيتي بصراحة للعالم إنو يبيعو احسن ما يندمو وعن ال150 وال 100 ويمكن أكتر وكتير ناس تأثرت بحكيك هلأ صرتي مزود وناقل معلومة وبس والأكتر من هيك لتخلي الناس تستفيد لك دخيلو لله انو ناس كرمال الله الاعتراف بالذنب فضيلة والتهرب من الفعل ذنب وحلاوة النت والمنتديات إنو تعتبر أرشفة كاملة فيكي تسألي التقنيين الفنيين تبعوتك يعني مافي مهرب وأنا ألت وانا مابعرف شو ويا ستي مصر اسم جولييت يلي كلنا بنعرفو يائين مو وحدة بس التقدير والاحترام إلك موزون موصوف وإنشالله واصلك وانشالله ما بنحترمك بهالمنتدى

الاعتراف بالذنب فضيلة ,هههههههه ,
انشالله بالهيومن الجايين ماترجع تغير رأيك
هههه ذنب .. مهرب.. ,تاكد مافي حرف واحد .. حرف واحد نطقت فيه ورجعت تهربت منو
اسمي جوليت بس تأكد انو اخت الرجال فقط
وهي رديت مرة تانية ,, شفت اديش شغلني كلامك لانو فاضية انا طول النهار ماعندي شي ابدا ابدا هههههه .. (عفكرة التعديلات الستة انت الصادق مو الخمسة مو منشانك لانو عطول بعدل)

[حمزة أبو أحمد]

يا شباب... قديش آخر أسعار دمشق ... صرافين وسوداء؟

[sajed]

اقتباس: المشاركة الأصلية كتبت بواسطة alternative    اشكرك اخي ساجد اشهد الله اني احبك ايضا ولك معزة خاصة عندي المشكلة انو نحنا هلق خسرنا على المستوى الكلي والله خسرنا كتير كتير والوضع اصعب انو ينجبر لح نضل بالحالة من الصعود والهبوط في الوقت الحالي خصوصا يا ترى نترك الهوامير الكبار يستفيدوا بس مع العلم انو معظم يلي بالمنتدى اصحاب رؤوس اموال صغيرة و متوسطة هل انخفاض الدولار كان من مصلحة العموم بالطريقة يلي اتبعت للاسف المركزي عمل كارثة انتبه مو بسبب تدخلوا لكن بسبب ترك السعر يرتفع للدرجة الخطيرة يلي حدثت نجح المركزي الحمد لله ولكن بتخفيض قيمة العملة قيمة العملة هي كمية السلع والخدمات القادرة على تحصيلها بعدد وحدات معين من عملة معينة وانا انطلق الان من مبدأ " ما لايدرك كله لا يترك جله "

بارك الله فيك

وأنا أدرك تماما" الخسارات الجسيمة التي تسبب بها المركزي لكل من حاول الادخار والمضاربة

وكلهم كانت خساراتهم كبيرة

لكن كيف تكون المضاربة أحيانا" هي المساعد على وقف التدهور؟ هذه النقطة أرجو أن توضحوها جزاكم الله خيرا"