لقماان

اقتباس:

المشاركة الأصلية كتبت بواسطة economic opinion آآآآآخ يا أخي أبو حكيم والله إنت مافي منك وما في متل مشاركاتك يا إبن سورية وحمص الله ييسر الخير ويلهم هالشخص يلي عم تسأل مشانو الصواب

الله يبارك فيك اخت روان
و يكتر من أمثالم بهالبلد ......
للأمانة مافي شخص محدد عمأسأل مشانو
بس فينا نعتبروا أي المسروق (س ) و السارق (ص ) و هي معادلة رياضية بمجهولين ......لكنها تحتاج الى الحل .......

__________________
أبو حكيم الدين

لقماان

اقتباس:

المشاركة الأصلية كتبت بواسطة majd99 اشكر الاخ سلام على توضيح نقطة مهمة غفل عنها المتحاورون في بيان حالة المحتاج للمسرقات ..... مع مراعاة التمييز بين ثلاثة معاني ذكرها الفقهاء لكي تقعد قاعدة ((الضروريات تبيح المحظورات)) وهي الضروريات و الحاجيات و التحسينات ...كل كلمة لها حكم خاص وهذه الفتوى مالت اليها قلبي وضميري وسلام يا سلام

شكرا أخ مجد 99 على المشاركة الوافية ....
فقط للعلم الأخ سلام الذي ذكرت .....
هو أختنا الغالية اللماحة سلام ..
صاحبة نظرية الخمسين بالمية .......

__________________
أبو حكيم الدين

لقماان

اقتباس:

المشاركة الأصلية كتبت بواسطة tarek ومن يتق الله يجل له مخرجا ويرزقه من حيث لا يحتسب طبعا ما مننسى الا من اضطر غير باغ ولا عاد فلا اثم عليه لكن هون لازم نحدد حد الاضرار اكيد مو اذا لازمني اي باد او لابتوب او اي شي اخر من الكماليات بقول انا مضر الاضرار ما تتوقف عليه الحياة .... طبعا هذا رايي

طيب أخي طارق فينا ننظر للموضوع
مو من طرف الرزق
بل من طرف اتقاء الله و و عدم اضاعة الحقوق بل حتى اعادة الحقوق لأصحابها.....
ممكن برأيك يتناقش الموضوع من هالزاوية كمان..............

__________________
أبو حكيم الدين

لقماان

اقتباس:

المشاركة الأصلية كتبت بواسطة salam l وكلمة اخيرة مالها علاقة بالموضوع بشكل مباشر... احيانا من كتر ما ركزت المجتمعات الاسلامية على موضوع الفتاوى وموضوع انو لازم بكل شاردة وورادة ناخد رأي الشيخ (اي السلطة الدينية).. ضيعنا جزء مهم من روحانية الاسلام وسعته.. الدين مالو لا رياضيات ولا هندسة ولا فيزياء ذرية... وواحد زائد واحد مو شرط يساوي 2.... انا مثلا ستي بقلبها واحساسها بتعرف وتتصرف صح اكتر من طالب او طالبة حاملين دكتوراة شريعة ممكن يكونوا حافظين الدين بصم لكن مابيعرفوا شيء من روحه او الجوهر اللي المفروض نشوفه قبل الاحكام

و الله يا أخت سلام هذا هو الاشكال الحقيقي الذي تقع فيه الأمة الاسلامية ......
غرقنا في النصوص و الطقوس............
و غفلنا عن خشوع النفوس ............

__________________
أبو حكيم الدين

لقماان

اقتباس:

المشاركة الأصلية كتبت بواسطة nouraldean اخيرا... بحسن قول انوا من يساهم بالشراء من هؤلاء المجرمون حتى ولو كانت البضاعة المشتراة سرقة منه حقا فهو يشجعهم ويشجع الاخرين على زيادة السرقة , ويمكن بالاخير توصل لعندوا مرة تانية ويسرقوا مرة تنتين وتلاتةbig grin...

اذا ما الحل برأيك أخي نور الدين ......
هل نقوم بسرقة ما سرق منا ......
و هل يعتبر استرداد ما سرق منا بهذه الطريقة
...........سرقة ..................

__________________
أبو حكيم الدين

لقماان

اقتباس:

المشاركة الأصلية كتبت بواسطة مجرد إنسان أخي أبو حكيم الحمد لله على سلامتك اول شي.. تاني شي يا سيدي العزيز .. سيدنا النبي صلى الله عليه وسلم قال : كل المسلم على المسلم حرام ، دمه وماله وعرضه.. انت لو شفت غراضك عند حدا وهو شاريهن من واحد حرامي ما رح تكون رضيان عن الاتنين وهيك بصير هالشي حرام على الشاري لانو في نص تاني لسيدنا النبي صلى الله عليه وسلم بقول : لا يؤخذ مال امرئ مسلم الا عن طيب نفس منه .. او كما قال صلى الله عليه وسلم وبعدين بيني وبينك : حرام الواحد يشتري هالايام اي شغلة ، حاكم ما حدا عارف وين رح يصفى ، واكترنا تركوا الجمل بما حمل لما حميت الامور وما بقي ينحمل الا هالدهبات والقرشين اللي بقوا معنا .. الله يوفقكن ويحميكن ويختاركلن الخير والله المستعان

الله يسلمك أخي مجرد انسان ...........
ممكن يا هل ترى نئدر نشوف الموضوع من زاوية الاقتصاد الكلي ........
الاقتصاد الكلي للسارق و الاقتصاد الكلي للمسروق............
بعدين ما شاء الله و الله يتم عليك لسا في عندك دهب ......لاء مو دهب كمان ...دهبات .......دير بالك الله يخليك
لأنو هي الأيام صاير عمينسرق الدهب و حامل الدهب .............

__________________
أبو حكيم الدين

لقماان

اقتباس:

المشاركة الأصلية كتبت بواسطة غالب شكرا لكل من ساهم بهذا الموضوع الموضوع منتهى التعقيد وحاول الكثيرين ان يقتربوا من تحليله وتمحيصه وهو بالنهاية صعب ومعقد وتدخل فيه النواحي الدينية والاجتماعية والثقافية للسارق والبائع والشاري . بكل الاحوال هو قضية حديثة غير مطروحة سابقا للاستدلال والاستفادة من تجارب سابقة . مثال اول : في العراق بعد انتهاء حرب امريكا واحتلال بغداد حدثت سرقات كثيرة منها ذاتية ومنها بتحريض مباشر من الامريكان وحموا فقط وزارة النفط وسهلوا سرقة كل شيء وخاصة الحكومي . لدرجة ان الناس سرقت بعض البنوك الحكومية وتركت جاراتها الخاصة رغم انها تجاورها . والموضوع كان احيانا كثيرا شعور بالغبن من الدولة وبكل الاحوال لم يتعد نسبة السارقين 3-5% بالمجمل من الشعب وبقي اكثر من 95 % يعتبرون ذلك حراما حراما حراما على اختلاف دياناتهم وطوائفهم وقومياتهم . بالنهاية خرجت المرجعيات الدينية وافتت بحرمانية السرقات فقام الكثيرين بارجاع المسروقات لاقرب مركز حكومي او ثقافي او ديني وعند عودة الجامعات والمشافي ودوائر الدولة للعمل لم تجد شيئا فقامت بعمل جولات على اماكن تجميع المسروقات ومنها اجهزة فنية لا يستفيد منها الا المختبرات والمشافي والجامعات فقالوا لهم المشرفون خذوا ما تحتاجون لدوائركم وما يشابه اجهزتكم والتي تستفيدون منها . المهم حدثت عملية تدمير منظمة من الاعداء لكل دوائر الدولة تقريبا وذلك في المدن غالبا اما في الارياف فلم يسرق كرسي واحد من دائرة واحدة حيث القيم الاجتماعية والعشائرية في الريف اقوى والسرقة عيب مجتمعي وحرام دينيا والسارق يعامل اجتماعيا بالنبذ. مثال 2 لا احب ان اشوش على صديقي العزيز لقمان واسئلته الصعبة ولكن اعرف اكثر من شخص تمت سرقة سيارته او تم خطفه وتم اعادته بعد فترة بفدية او بغيرها وبقيت السيارة ويتصلوا السراق به بعد فترة ويقولون له هل تريد سيارتك ارسل لنا 200 الف وخذها .حقيقة موضوع صعب جدا وفيه شيء من العاطفة انها سيارته وقيمتها بحدود 800 الف ويعرضها عليها السراق ب 200 الف ماذا يفعل اعتقد ايضا ان الحالة معقدة ؟؟؟ فهل من جواب

شكرا لك على هذه المشاركة أخ غالب
و هذا دليل على المستوى العالي في التأثير الذي وصل اليه التبادل الثقافي في هذا المنتدى المميز.........

__________________
أبو حكيم الدين

لقماان

اقتباس:

المشاركة الأصلية كتبت بواسطة najm الاخ ابو حكيم يمتلك الشجاعة الكافية لطرح هذا الموضوع ولا أعرف لو كنت مكانه ماذا أفعل وان فعلت قد لا أصرح بما فعلت لكن الان أقول وأنا لست برجل دين ولا ناسك أفضل أن انام على الارض ونموت انا وأولادي من البرد على ان انام على عذاب الضمير . والمثال الذي كتبه الاخ غالب اكبر دليل على قوة الرأي القائل حراااام حيث عاد الحلال لأصحايه بفضل هذا المبداء .

شكرا لك أخي نجم ..........
الموضوع لا يتعلق بي بشكل شخصي ...
فبيتي لم يسرق...
انما بيتي بين احتمالين و كلاهما بأمر من الله سبحانه و تعالى....
اما هدم : فانا لله و انا له راجعون و حسبي الله و نعم الوكيل .......
أو سلم و كذلك :انا لله و انا اليه راجعون و حسبي الله و نعم الوكيل ....
...أكرر أخي نجم الموضوع ليس شخصي و انما يمكن اعتباره ..قضية رأي عام....

__________________
أبو حكيم الدين

Salam L

اقتباس:

المشاركة الأصلية كتبت بواسطة لقماان شكرا أخ مجد 99 على المشاركة الوافية .... فقط للعلم الأخ سلام الذي ذكرت ..... هو أختنا الغالية اللماحة سلام .. صاحبة نظرية الخمسين بالمية .......

ايييييييه شو رجعتني لايام ماضية.. ونظرية الخمسين بالمية اللي سجلتوها باسمي رسميا ههههه

بتعرف من كتر مافي هلق خمسينات ميات حواليي تخيل اني بطلت فكر!! وساكتة وناطرة القدر كيف بده يمشينا؟؟ ولوين رح ياخدنا؟؟؟

يعني فيك تقول تم الانتقال من نظرية الخمسين بالمئة.. الى النظرية الصفرية (سجلي ياها هي اذا بتريد).... حيث اللاشيء هو الذي يحكم ....

وطالما مابقدر قول اللي عم فكر فيه عن جد وبحرية... التزمت الصمت بكتير نواحي من الحياة.. لانه بيضل اشرف من اني قول شي مالي مقتنعة فيه او عم اكذب فيه على حالي والناس...

__________________

ابوحمزه

أهلين أخي لقمان

معلش من كتر مشاركاتي بالمنتدى عملو علينا حظر بحلب ...
ومن كتر ما اسعار البورصة جيدة وأخبارها ما عم نتابع مجريات الاحداث لأنو الاحداث عنا بحلب متلاحقة وبدون فاصل إعلاني ..

والله يا اخي لقمان لو قسنا على جيتك لحلب فبعد ما تركتنا لاصت الامور عنا .. فنحن من مصلحتنا ترجع لحلب بلكي بترجع الامور متل ما أجيت أول مرة لعنا ...

الموضوع المطروح موضوع يستحق النقاش لكن بالنسبة للفتوى فلا يجب أخذها إلا من أهل العلم لأن كل حالة تختلف من شخص لآخر ..



(فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ)

__________________