دعم الليرة السورية واجب ومطلب وطني بإمتياز

[البلخي]

الفرق بين ازمة الثمانينيات و هبوط الليرة في ذلك الوقت
و بين الازمة الحالية فرق كبير ،
الثمانينيات كنا نملك اقتصاد مركزي اشتراكي مغلق تماما و كان اعتمادنا في الموارد
هو على المساعدات الخارجية التي كانت تعطينا بلا حدود ، ثم توقفت فجاة بسبب حرب الخليج ، مما وضعنا في ورطة لم نكن نعرف كيف نخرج منها بظل حكومة يرأسها شخص غبي و اقصد الزعبي ، لكن مع ذلك أدت هذه الازمة الى تعلم دروس هامة مثل الاعتماد على الذات في انتاج الاساسيات كالقمح و الدواء و تطوير الزراعة ،
الآن لدينا اقتصاد سوق "نسبيا" و تحويل اموال من المغتربين وصناعات معقولة و حركة تجارية واسعة لا نعتمد مثل اول على المساعدات الخارجية ، لهذا أعتقد أن سرعة الشفاء من الوضع الاقتصادي الحالي ستكون بسرعة كبيرة و سيعود الاقتصاد الى وضع جيد خلال 6 اشهر الى عام و لكن هذا مربوط بالتطورات السياسية بالدرجة الاولى

[فراس السكري]

اقتباس: المشاركة الأصلية كتبت بواسطة البلخي    الفرق بين ازمة الثمانينيات و هبوط الليرة في ذلك الوقت و بين الازمة الحالية فرق كبير ، الثمانينيات كنا نملك اقتصاد مركزي اشتراكي مغلق تماما و كان اعتمادنا في الموارد هو على المساعدات الخارجية التي كانت تعطينا بلا حدود ، ثم توقفت فجاة بسبب حرب الخليج ، مما وضعنا في ورطة لم نكن نعرف كيف نخرج منها بظل حكومة يرأسها شخص غبي و اقصد الزعبي ، لكن مع ذلك أدت هذه الازمة الى تعلم دروس هامة مثل الاعتماد على الذات في انتاج الاساسيات كالقمح و الدواء و تطوير الزراعة ، الآن لدينا اقتصاد سوق "نسبيا" و تحويل اموال من المغتربين وصناعات معقولة و حركة تجارية واسعة لا نعتمد مثل اول على المساعدات الخارجية ، لهذا أعتقد أن سرعة الشفاء من الوضع الاقتصادي الحالي ستكون بسرعة كبيرة و سيعود الاقتصاد الى وضع جيد خلال 6 اشهر الى عام و لكن هذا مربوط بالتطورات السياسية بالدرجة الاولى

كلامك يكون صحيح لو ازمة شهر شهرين وماكان ولكن نحن على قرابة سنة جميع مابناه بسنين نفقده تدريجيا ومع وقبل ان تقول عنا وعنا لازم تطلع الاتفاقيات المربوطة بهذه المواد
وصمودنا الى هذا الوقت بسبب الكلام الذي قلته وعند انهيار العملة لاسمح الله نكون استنفذنا اخر مكون مما تتكلم به
فالله يجيرنا ويعنينا على ماهو قادم

[al-rd]

والله على مايبدو الحكومة مستفيدة من ارتفاع اسعار الدولار لذلك مطنشتو في الوقت الحالي والله اعلم
المصرف المركزي الايراني تدخل لمرة واحدة في صرف الريال الايراني واعاد الامور الى طبيعتها
مصرفنا المركزي الكريم تتدخل عشر مرات ولم يعطي نتيجة

[Salam L]

اقتباس: المشاركة الأصلية كتبت بواسطة ahmad hamdi alsharif    إلى الأخت سلام وجميع الاخوة في المنتدى أتمنى أن أكون قد وفقت في خدمتكم تحياتي ملف مرفق 3455

شكرا كتير ... وجاري القراءة...

بس مالنا عرفانين انك عم تدرس اقتصاد بالافتراضية

[Salam L]

يعني هلق في رأيين...

الاول انو قلب مدخراتنا لدولار امر بيسبب الضرر بالاقتصاد الوطني... الخ الخ.

الثاني انو الاقتصاد الوطني مو واقف علينا... في مين خربه ولسا ناوي يخربه.. الخ الخ...


انا شخصيا... لو معي مصاري كنت بحولها لدولار .... لانو هالكم ليرة مارح يأثروا على الاقتصاد الوطني اولا...

تانيا انا بهيك حالة بكون حولت جزء بس وهو المدخرات...وكل شي تاني من وراد ومن مصروف هو لساته بالليرة... وبالتالي انا حولت جزء فقط من اموالي....ولسا القسم الاكبر من داخل وخارج هو لساته بالليرة.....

[ابو ايهم]

مساء الخير للجميع
دعم النقد المحلي يبدء بأرتفاع في

1- الناتج الصناعي
2- الناتج الزراعي
3- الميزان التجاري
4- ثقة المستثمر
5- ثقة المستهلك
6- معدل الوظائف
7- معدل الأجور
8- انفاق المستهلك

بشكل متوازي والا ( تضخم )

[ابو ايهم]

اقتباس: المشاركة الأصلية كتبت بواسطة salam    يعني هلق في رأيين... الاول انو قلب مدخراتنا لدولار امر بيسبب الضرر بالاقتصاد الوطني... الخ الخ. الثاني انو الاقتصاد الوطني مو واقف علينا... في مين خربه ولسا ناوي يخربه.. الخ الخ... انا شخصيا... لو معي مصاري كنت بحولها لدولار .... لانو هالكم ليرة مارح يأثروا على الاقتصاد الوطني اولا... تانيا انا بهيك حالة بكون حولت جزء بس وهو المدخرات...وكل شي تاني من وراد ومن مصروف هو لساته بالليرة... وبالتالي انا حولت جزء فقط من اموالي....ولسا القسم الاكبر من داخل وخارج هو لساته بالليرة.....

لا نصيحة شتري هلاء وبيعيه بكرا بسعر الرسمي حتى تدعمي الليرة

[Nawar]

الموضوع للأسف أكبر مما يتصور البعض
أنا باعتقادي (الشخصي غير المبني على أخبار أو معلومات و ما حدا يشيلو من أرضو و لا يعتمد عليه بليرة) أنو الاحتياطيات بالمركزي منخفضة لحد خطير لأسباب بعضها معروف و بعضها لا أستطيع ذكره هنا, لذلك ما لازم حدا يعول على تدخل المركزي
الشي الوحيد يلي كان ماسك الليرة خلال الفترة الماضية أنو الدولة كانت لسا مسيطرة على الأوضاع و متكتمة على الاحتياطيات و لكن بمجرد انكشاف هالأمور تخيلو شو رح يصير
و كمان موضوع تبديل الليرة بدولار من البنوك الخاصة ما حدا حكا فيها كتير بس حركة مو نضيفة أبدا برأيي
و بعد هاد يا أخي بتطلب من مواطنين عاديين يدعمو الليرة ... يعني ننزل نبيع هالكم دولار و نتفاجأ بعد فترة أنو صفينا عالبلاطة!! ... لأنو مخطئ من يظن أنو أي دولار بينزل للسوق أو بيدخل للدولة في هذه الظروف سيستقر في الخزينة العامة
و بموضوع التمانينات ما حدا حكى عن البنك المركزي يلي رجع كيوم ولدته أمه ... و لازم نقرا التاريخ كتير منيح

و الله يستر أحسن شي

[العربي]

أين الجيش الاقتصادي السوري الذي تعهد و أخذ على عاتقه الدفاع عن الليرة و البورصة ؟؟؟!!!!

[beshr]

الشكر لصاحب الموضوع الاخ ترند الغالي

انتني اثق تماما بحكومتي وقيادتي . ويكفي انا سوريا بلد غير مدين للاي بلد اخر في العالم
واستطاع بفترة 10 سنوات من الاعتماد على الذات
والسؤال المطروح الان ؟؟
نحن الان بحالة حرب حقيقة .... ما الفرق بين الوضع الحالي الان .... او وضع الحرب مع اسرائيل ...
الاوضاع مشابة تماما اقتصاديا من حالة تقشف و تقنين بالمواد الرئيسية (( كهرباء-غاز ومحروقات ))

من المستفيد من الوضع الحالي للبلد ؟؟؟
الجميع خاسر
من الفائز من الوضع الحالي ؟؟؟
بالتأكيد ليس الشعب السوري بكل اطيافة ...بل اعداء الوطن
ما الحل ؟؟؟
ان نعود الى منطق العقل ومنطق كلنا نحب سوريا وهمنا هو الحفاظ على امنها والاعتداء على اية محاولة
للاثارة الفتنة بيننا كلنا سوريين وطائفتنا هي سورية

اثق بقدارات بلدي وحكمتة رئيسا وقيادة وشعبا
وانني اتوقع ان تدخل الدولة عن طريق المركزي خلال 48 ساعة ((الاحد - الاثنين )) ليس من صالح
احدا ارتفاع الدولار وانهيار الليرة السورية

اتوقع تدخل المركزي ان يكون عنيفا جدا جدا لحماية الليرة السورية

ولا انصح بالشراء بهذة الاسعار المبالغ فيها ((65-68 )) ليرة

هناك هبوط عاموي قريب وقريب جدا

وتذكرو كلامي جيدا ...