سيارة شام Cc 1600 في السوق اعتباراً من اليوم

[سليم نجار]

سيارة شام CC 1600 في السوق اعتباراً من اليوم
المرسوم 31 يدعم صناعة السيارات المحلية

شركة سيامكو ستقوم اليوم بطرح سيارة شام من فئة cc1600 في السوق الداخلية السورية.. وأكد مصدر مسؤول في المؤسسة الهندسية إلى سعر هذه السيارة مع الفراغ والرفاهية 595 ألف ليرة سورية أي أنها أقل بنحو ثلاثين ألفاً عن سيارة شام فئة cc1800.

وأشار المصدر أن السيارة يمكن شراؤها نقداً أوتقسيطاً على أن يستلمها المواطن بنفس اليوم في كلتا الحالتين..

أما إذا رغب المواطن بتقسيط السيارة فتكون الدفعة الأولى 195 ألف ليرة سورية والقسط الشهري يبلغ 8813 ل.س بالتعاون مع مصرف التسليف الشعبي.

[Speculator]

على فكرة كسيارة صنع محلي .... غالية...

[NetPro]

مو على أساس رح يكون سعرها 575 ألف ... بطلت اشتريها.
هلأ اذا دفعت كاش بيراعوني بـ 20 ألف؟؟؟؟
أنا عجبني شكل السيارة ودوماً بحب الصناعة الوطنية وبشعر أنه واجبي اشتري شامبو وصابون ودواء و .... صنع في سوريا.
وبالمناسبة على سيرة الشامبو الوطني كثير ظريف وأرخص بكثير من الأجنبي ورفيقي صيدلي أكدلي أن معظم الأجنبي "مضرب كما يسمونه" مثل بانتين وكلير وغيره أي مغشوش وهو صنع حلب او لبنان ولا يمكن للشخص العادي التفريق بين الأصلي والتقليد.
بالنسبة لي اشتري شامبو العكبر صنع بي فارما وشامبو (نسيت اسمه) صنع دعبول.
طبعاً لا يمكن مقارنة ما سبق بصناعة السيارات لأن حتى اللحظة يوجد سيارتين فقط صنع في سوريا والأسعار برأيي غير منطقية والمفروض تكون سابا بـ 400 وشام بـ 550.

[ado]

اقتباس: المشاركة الأصلية كتبت بواسطة netpro    مو على أساس رح يكون سعرها 575 ألف ... بطلت اشتريها. هلأ اذا دفعت كاش بيراعوني بـ 20 ألف. أنا عجبني شكل السيارة ودوماً بحب الصناعة الوطنية وبشعر أنه واجبي اشتري شامبو وصابون ودواء و .... صنع في سوريا. وبالمناسبة على سيرة الشامبو الوطني كثير ظريف وأرخص بكثير من الأجنبي ورفيقي صيدلي أكدلي أن معظم الأجنبي "مضرب كما يسمونه" مثل بانتين وكلير وغيره أي مغشوش وهو صنع حلب او لبنان ولا يمكن للشخص العادي التفريق بين الأصلي والتقليد. بالنسبة لي اشتري شامبو العكبر صنع بي فارما وشامبو (نسيت اسمه) صنع دعبول. طبعاً لا يمكن مقارنة ما سبق بصناعة السيارات لأن حتى اللحظة يوجد سيارتين فقط صنع في سوريا والأسعار برأيي غير منطقية والمفروض تكون سابا بـ 400 وشام بـ 550.

أهلاً أ.نت برو
وأنا من رأيك .... ياريت كمان الصناعة السورية ... تشجعنا نشتريها أكتر من هيك ....
ونتخلص من مشاكل الصناعة ... بالخاص ... والعام على حد سواء ....

في أخطاء قاتلة بالصناعة الوطنية ..... بس عم نشوف تحسنات حلوة .... والوضع للأحسن...

تحياتي لحسك الوطني

[AllooOoodY]

مع كامل احترامي

بس لازم يسمو السيارة

طهران بدل شام

لأنو فارسية بحتة و ما لها علاقة بالسيارات من ناحية التصميم

يعني هالموديل التغى من شي 15 سنة متلو متل سيارة سابا

يعني حرام يعملوا تسهيلات لشي شركة أوربية أو يابانية أو كورية

مشان تعمل مصنع لتجميع السيارات هون بسورية

بس ما لاقو غير ايران خودرو (( ايران خرضة ))

مشان يعملو معها شراكة

و الله كل ما شوف سيارة شام بالشارع بفكر حالي صرت بايران

و الله شكلها بخجل و قديمة و مالها طعمة

مع احترامي للآراء التانية طبعاً

هادا رأيي الخاص

[NetPro]

مثل ما قلت هذا رأيك الخاص.
وبالنسبة لرأيي الي بيهمني أكثر من رأيك .....
1- أعترض على كلمة فارسي لأننا نعيش بعام 2009 يعني بعد انتهاء الفارسية بمئات السنين وحالياً يوجد دولة اسمها إيران.
إيران دولة صديقة وأحترمها أكثر من 90% من الدول العريبة.
2- سيارة شام شكلها انسيابي وحلو كثير ... وهي بالأصل سيارة بيجو. ولا ينقصها الفخامة من الداخل وهي أفضل من الكثير من السيارات الصينية التي تملأ البلد.
3- اعتراضي على سعرها المرتفع والمفروض يكون أقل بحوالي 50 ألف.
4- أتفق معك فقط عن قدم وسخافة تابلو سيارة سابا.

وأؤكد مرة ثانية على اعتراضي على كلمة فارسي.

[AllooOoodY]

و الله الموضوع مو موضوع أنو الفرس انتهوا من مئات السنين و لا لاء

بس الموضوع أنو مشروع احياء الفارسية بدأ من عشرات السنين

و هلئ هوي بأوج ازدهاره و القيادة فيه لدولة ايران

و هالشي فيك تلمسو بالعراق و بأفغانستان الجهة الغربية المحاذية لايران

و بصراحة شغلة الاحترام مو للدولة و لكن للشعب

يعني أنا احترم الكثير من الشعوب العربية و لكن لا احترمها كدول ...

أما بالنسبة لايران فما في أي سبب لاحترمها لا هي كدولة و لا كشعب

مع كامل احترامي للآراء الأخرى يعني هيدا رأيي الخاص فيني

و بالنسبة لرأيك على عيني و راسي

و نسيت شغلة صحيح أنو سيارة شام هي أصلها سيارة بيجو موديل 1985

بس يمكن هالموديل بطل من زمان كتيييييييييييير

يعني لو عم تقلي موديل مرسيدس سنة 1980 بقلك أنو لهلئ بيبقى حلو و حلو كتير

أما أي ماركة تانية غير المرسيدس فالموديل تبعها خلال خمس سنين بالكتير بيبطل و بصير قديم

لذلك فسيارة شام هي عبارة عن سييارة موديل الـ 85 ......و صناعة ايرانية و تجميع سوري

يعني ما لها علاقة بالسيارات

و أما بالنسبة للصيني فأنا بايدك بشكل كامل

بس لا تنسى أنو مو كل الصيني نفس بعضو

يعني في سيارات الشيري chery كتييييير ممتازة

جودة تصنيع عالية جداً و كفالة حقيقية لمدة سنتين من قبل الوكيل

و المحرك مجمع في سويسراو أغلب قطعه ألمانية

أما بالنسبة للهيكل فكتييير قوي و بتميز بصلابتو

و قوة المحرك كتير عالية لأنو ألماني و ممتاز كتير

يعني هالسيارة بالذات ما لها علاقة بالصيني متل جيلي و غيرها من الشيارات الصينية التانية

و شركة مللوك للتاجرة هي اللي جابت الفشل الصيني على سورية

أما شركة البروج هي اللي جابت الشيري الممتازة على سورية

يعني الجيلي اذا قضت مع الشخص بتقضي سنتين أو تلاتة كحد أقصى و بتحسها بعد ذلك أنو صرلها شي عشرين سنة

أما الشيري فبتقضي معك 10 سنين و برياحة تامة لأنو الجودة المصنوعة فيها عالية نوعاً ما بالنسبة للصيني الأنواع الأخرى

[NetPro]

ما بدي فوت بنقاش سياسي لأن شكله رأيك بعيد كثير عن المنطق الي أنا بحكم على أساسه عالدول الصديقة وغير الصديقة.
يعني اذا حضرتك ما حكمت على ايران بمواقفها الداعمة لقضايانا ولسوريا ولحزب الله ولحماس .... ما بعرف على أي أساس بدك تحكم.
يعني بمقارنة بسيطة بين موقف ايران وموقف تلك الدولة العربية التي تمنت وعملت لمساعدة اسرائيل على هزيمة حزب الله وبعده حماس نستطيع أن نحكم من فيهم الصديق ومن يهمنا التحالف معه. (أو هذا رأيي على الأقل)
أما بالنسبة للفارسي وغيره فهي تسميات لا تهمني وهي حكم على النيات .... أنا فقط بحكم عالأفعال والمواقف المعلنة ... وليس على نيات داخل الصدور.
ثم اذا لم تحترم ذلك الشعب الذي أنتج كل ما نقرأ ونسمع من أسلحة وتطور نووي "سلمي" فمن سنحترم .... هل نحترم الشعوب العربية التي تأكل مما لا تزرع وتلبس مما لا تصنع.
أخي شام كأول سيارة منتجة وطنياً تعد خطوة جيدة.
بالنسبة لشام يا أخي أنا وغيري كثير بنشوف السيارة حلوة والحلو فيها كلاسيكيتها وبما أنه ما عندي مجال لأعمل استقصاء رأي لأثبت وجهة نظري فسأحاول الاستعانة بالمقالة التالية:
http://www.fannat.com/Magazine.aspx?NewsID=2592
بالنسبة للصيني: سمعت كثير ناس بيشكروا من BYD ومن 3 سنين نزلت عالسوق سيارة شانا CV6 وحتى اللحظة عندما ترى السيارة بالشارع تظهر كأنها جديدة أما شيري وجيلي فبعد سنة تظهر وكانها خايضة حرب.

[AllooOoodY]

بصراحة التعليقات بمجملها غير مؤيدة لا بالسيارة ولا بسعرها

و لا بموديلها

و اللي هوي حالياً أهم شي بالنسبة للسيارات قبل الميزات و المحرك و السعر

و أنا برجع بقول أنا مو ضد أنو يكون عنا سيارة وطنية

بس لازم تكون وطنية بحتة و يكون سعرها مقبول و رخيص مشان يحفزوا الناس على شراءها


و بالنسبة للنقاش الأول ما رح كمل لأنو رح يتحول إلى سياسي بحت و أنا ما بحب السياسة

و خصوصاً بأنو المنتدى منتدى اقتصادي

شكراً على المناقشة الممتعة