نقاش حول بلاد للهجرة والسفر ....

[محمد s]

سؤال اي محافظة تعد من اكثر محافظات امان في الوقت الحالي واجار شقق فيها تكون مقبولة نرجو من جميع الاخوة الاعضاء تسليط ضوء على هذا موضوع ولكم جزيل الشكر والاحترام

[GoldMan$]

اقتباس: المشاركة الأصلية كتبت بواسطة محمد s    سؤال اي محافظة تعد من اكثر محافظات امان في الوقت الحالي واجار شقق فيها تكون مقبولة نرجو من جميع الاخوة الاعضاء تسليط ضوء على هذا موضوع ولكم جزيل الشكر والاحترام

أخ محمد عندك الساحل بأغلبه منطقه هادئة بس بضمنلك هالحكي لليوم وكل يوم بيومه فقط لانو الله اعلم شو بيطلع براسهم غدا او بعد غد كلنا عايشين على اعصابنا الله وكيلك بقصف او بلا قصف
على كل حال اهلي من حلب ما عم يقدروا يجو على اللاذقية الطريق صعب كتير حسب ما عم اسمع
الاجارات باللاذقية مقبولة وبالاحرى ما ارتفعت لانو في عالم كمان عم تعطي البيوت ببلاش للمضطررين .. الحمد لله في ناس بقلبها خير بهالايام ...

[Ziad AlRifae]

اقتباس: المشاركة الأصلية كتبت بواسطة محمد s    سؤال اي محافظة تعد من اكثر محافظات امان في الوقت الحالي واجار شقق فيها تكون مقبولة نرجو من جميع الاخوة الاعضاء تسليط ضوء على هذا موضوع ولكم جزيل الشكر والاحترام

الحمد لله على سلامتك
وإن شاء الله نطمن على جميع إخواننا بحلب

بتوقع أهدى المحافظات إلى الآن السويداء ثم طرطوس

ومتل ما أفاد السيد الخطيب مابنقدر نعرف متى يبدء ومتى ينتهي الهدوء

[GoldMan$]

اقتباس: المشاركة الأصلية كتبت بواسطة محمد s    الله يجزيك الخير اخ قتيبة بالفعل اخر ماسمعت ان طريق حلب اللاذقية تعج به لصوص و وقطاع طرق ولا يوجد حجز بالطيران الا لبعد شهر من الان

أخ محمد .. اولا انا من بيت k ... وثانيا حلبي كمان ...
الموجودون على الطريق هم نفسهم من يقوم بالقصف والتدمير .... وهدول اللي بينخاف منهم
اما في حلبية وصلوا على حدود لبنان ( المصنع ) من اي طريق ما بعرف ؟؟؟؟
شوف عندك طرطوس اذا بتعرف حدا فيها هادية واذا ما بتعرف حدا فيها خبرني
او عندك مصيف كسب ... كمان الاجاارات ضمن الحدود وبعيدة عن المشاكل بس طريقها باتجاه اللاذقية صعب جدا وبالاغلب مقطوع كمان ... وبرجع وبقلك اللاذقية هادئة بس الله اعلم لامتى انا كنت حاطط حلب ضمن مخططاتي اذا صار شي هون .. آخر مخططاتي انو ضل بالبيت اذا صار شي ...والله بيعتلنا اللي فيه الخير

[Humam]

اقتباس: المشاركة الأصلية كتبت بواسطة محمد s    سؤال اي محافظة تعد من اكثر محافظات امان في الوقت الحالي واجار شقق فيها تكون مقبولة نرجو من جميع الاخوة الاعضاء تسليط ضوء على هذا موضوع ولكم جزيل الشكر والاحترام

بالشام الإجارات فضائية يعني بيروت أشرفلك
بالسويداء صار في حواجز لجان شعبية وما عمفوتو غير جماعتهون نكاية بمنتهى الأطرش لأنو قالت بيوت أهل السويداء مفتوحة لكل النازحين
عندك الرقة أو طرطوس اذا بتقدر

[f.fatina]

أخي محمد المحافظات الأمنة هي السويداء - طرطوس - الرقة - الحسكة

بس الأمان لله لأن ماحدا بيعرف ايمتى بتخلق المشكلة
عكل حال الرقة جوها مو حلو أبدا (لاتزعلو منا ياأهل الرقة بس نحن مو متعودين ع جو الصحرا، بس يلا النازح أكيد ماح يفرق معو الجو لأن مو رايح يصطاف)
شوب حراقي ومافي خدمات بالمقارنة مع دمشق وحلب ، يعني أنا ب 15 يوم طقت روحي هنيك ورجعت سمرا من كتر الشمس
والأجارات متل النار لأن كل أهل الدير صاروا بالرقة بس ممكن تلاقي بيت بسيط بحدود ال 15 ألف مثلا

الله يهوناعليك ويخترلك الخير وين ماكان
ومابعرف إذا طريق حلب الرقة سالك (لأن كان من كم يوم مسكر عند مسكنة)

[iass]

اقتباس: المشاركة الأصلية كتبت بواسطة محمد s    سؤال اي محافظة تعد من اكثر محافظات امان في الوقت الحالي واجار شقق فيها تكون مقبولة نرجو من جميع الاخوة الاعضاء تسليط ضوء على هذا موضوع ولكم جزيل الشكر والاحترام

صديقي محمد. إذا مصر على سوريا. فالخيارات أغلى بكتير من غير بلدان. حاليا أجور المنازل كتير كبيرة. وقطاع الخدمات بانحدار. وغلاء أسعار فاحش. الحلول ضمن البلد. دمشق. مساكن برزة مسبق الصنع. بس بشك تلاقي بيت للأجار فيها. باب توما والقصاع. المهاجرين. مشروع دمر. عدرا العمالية. هي كلها مناطق عم بيصير فيها مشاكل من فترة لفترة. هلق الخيارات الخارجية. ماليزيا. الجزائر. مصر. لبنان. تركيا. المصروف بتراوح شهريا بين ال1000 لل1500 دولار بحسب كبر العائلة. طبعا لبنان هي الحل الأقرب، بس الأغلى. بتترواح أجار البيوت فيها بين ال600$ بالشهر. حتى ال1500 دولار بالشهر. حسب المنظقة. فيك تاخد سيارتك من سوريا. وباقي المصاريف أرخص من الشام( باستثناء الخبز)
ماليزيا: المصروف بحدود الألف وخمسمية دولار شهريا. بمنطقة منيحة.
الجزائر: ما بيتجاوز المصروف الألف دولار شهريا.
تركيا: ما ضروري تروح على استنبول أو أنقرة. في مناطق الأسعار فيها بتتراوح بين ال500$ لل900 دولار الأجارات. ومصاريف الأكل والشرب طالما عم تطبخ بالبيت فكل شي رخيص.
مصر. أجارات البيوت بحدود ال30000 ألف لل50000 ليرة. بمناطق ممتازة. طبعا إذا ما بدك تسكن بالقاهرة. الأسعار بتنزل للنص.
هي كلها دراسات عملتها بنفسي منشان عائلتي.
طبعا يمكن تحس أنو غالي. بس أول الشي. المناطق والأجارات والبيوت. هي تعادل الأجارات بمناطق راقية. غير هيك. خلينا نفكر بسيناريوهات غياب الخدمات. في حال مثلا انقطع الخبز. أو الكهربا. أو المياه. أو أي شي.

[NetPro]

اقتباس: المشاركة الأصلية كتبت بواسطة iass    صديقي محمد. إذا مصر على سوريا. فالخيارات أغلى بكتير من غير بلدان. حاليا أجور المنازل كتير كبيرة. وقطاع الخدمات بانحدار. وغلاء أسعار فاحش. الحلول ضمن البلد. دمشق. مساكن برزة مسبق الصنع. بس بشك تلاقي بيت للأجار فيها. باب توما والقصاع. المهاجرين. مشروع دمر. عدرا العمالية. هي كلها مناطق عم بيصير فيها مشاكل من فترة لفترة. هلق الخيارات الخارجية. ماليزيا. الجزائر. مصر. لبنان. تركيا. المصروف بتراوح شهريا بين ال1000 لل1500 دولار بحسب كبر العائلة. طبعا لبنان هي الحل الأقرب، بس الأغلى. بتترواح أجار البيوت فيها بين ال600$ بالشهر. حتى ال1500 دولار بالشهر. حسب المنظقة. فيك تاخد سيارتك من سوريا. وباقي المصاريف أرخص من الشام( باستثناء الخبز) ماليزيا: المصروف بحدود الألف وخمسمية دولار شهريا. بمنطقة منيحة. الجزائر: ما بيتجاوز المصروف الألف دولار شهريا. تركيا: ما ضروري تروح على استنبول أو أنقرة. في مناطق الأسعار فيها بتتراوح بين ال500$ لل900 دولار الأجارات. ومصاريف الأكل والشرب طالما عم تطبخ بالبيت فكل شي رخيص. مصر. أجارات البيوت بحدود ال30000 ألف لل50000 ليرة. بمناطق ممتازة. طبعا إذا ما بدك تسكن بالقاهرة. الأسعار بتنزل للنص. هي كلها دراسات عملتها بنفسي منشان عائلتي. طبعا يمكن تحس أنو غالي. بس أول الشي. المناطق والأجارات والبيوت. هي تعادل الأجارات بمناطق راقية. غير هيك. خلينا نفكر بسيناريوهات غياب الخدمات. في حال مثلا انقطع الخبز. أو الكهربا. أو المياه. أو أي شي.

وفي ضاحية قدسيا آمنة.
سؤال حبيبي:
الجزائر الأجارات بكم وشو وضع فرص العمل ؟
مصر سمعت انه الأجار المفروش بمناطق معدومة بالقاهرة وبيت 70 متر وعفش سيء بـ 50ألف وشو وضع فرص العمل؟
عندك فكرة عن ليبيا أجار مصروف معيشة وفرص العمل؟

[iass]

اقتباس: المشاركة الأصلية كتبت بواسطة netpro    وفي ضاحية قدسيا آمنة. سؤال حبيبي: الجزائر الأجارات بكم وشو وضع فرص العمل ؟ مصر سمعت انه الأجار المفروش بمناطق معدومة بالقاهرة وبيت 70 متر وعفش سيء بـ 50ألف وشو وضع فرص العمل؟ عندك فكرة عن ليبيا أجار مصروف معيشة وفرص العمل؟[/right]

بمصر. عندك أجارات من 300 جنيه وأنت طالع. حسب المنطقة. مدينة نصر. بتلاقي ب3000 جنيه. بالداون تاون بتلاقي بخمس تالاف. ما تسمع كتير ليلي بيهولك كتير بهاد الموضوع. في ضواحي حوالين القاهرة رخيصة وممتازة. بس بدك مين ياخدك عليها ويدورك فيها. أما سماسرة التكاسي والسياح هدول يلي بيجيبولك أسعار خيالية بمناطق سيئة.
الجزائر. الحقيقة أنا ما عندي حدا بالجزائر. بس من فرنسا عرفت. أنو معدل أجور المنازل والأسعار بحدود الألف دولار للألف يورو بالشهر. فرص العمل جيدة بالقطاع الحر بكل هي الدول باستثناء ماليزيا. ليبيا ما بعرف. المغرب ما بعرف. على فكرة. عم أكتشف أنو الدول العربية عم تصير بغلاء أوروبا الشرقية. نسيت قلك. أنو في شب سوداني خبرني أنو في 5000 سوري موجودين بالخرطوم. وبيشتغلو بالتجارة. وقلي أنو الخرطوم أرخص بكتير من الشام. هلق بقيان دولة واحدة ما بدها فيزا كمان. هي تنزانيا. بس ما بعرف هي شو الوضع فيها.

[سوري وطني]

الآجارات في تركيا رخيصة هذه الأيام في بعض المناطق على الطريق ما بين ألانيا و قونيا و ما بين قونيا و كابدوكيا أنني ففي أوقات السياحة كانت الآجارات تقدر ب 25 ألف سوري بالشهر و قالوا لي وقتها أن الأجار يصبح أرخص في الشتاء و خارج أوقات السياحة و ما بين العيدين و ترتفع الأجارات في اعياد رأس السنة و في أشهر الصيف.