قال الأخ (غ) ضاحكا :
شكرا اخي لقمان لانك تؤجج الصراع ههههههه
و قال الأخ حضرتي .......
لا شكر على واجب تكرم عيونكون بس أخي أبو(الن..) :
من لسانك أدينك
اذا انت تعترف بوجود الصراع....
يا خيو لي ما بتؤعدوا على طاولة مستديرة انت و الأخ (ب) ....ما هيك كانت نصيحتك بزمناتوا لأهل حمص .....اخطيطك انت و حامل هالطاولة و راكيض فيا من مكان لمكان مشان يؤعدوا ...و ما كانو يؤعدوا ....
روح عود على الطاولة المستديرة انت و الأخ (ب )..
و تيناتكون بالشام .......و بعدين جبلنا الطاولة المستديرة على حمص ...بتوقع الحواجز على مداخل حمص بتسمحلك تفوتا للطاولة المستديرة ........
أخي (غ) هللأ انت والأخ (ب) ممكن تتصالحوا
أو بالأصل انتو صحاب ....
(هيك كان شايف الكل أو انتوا أوحيتوا هيك للكل )
بس اذا استمر التراشق بالكلمات بينك و بينو بهالشكل راح يصير بشكل طبيعي انت الك أتباع و مؤيدين متشددين و كذلك الأخ( ب) راح يصير عندوا أتباع و مؤيدين متشددين ............
و راح يصير الدم للركب بيناتون ..و انتوا عمتؤولوا انو انتو أصدقاء ...وولاد وطن و بلد واحد .....
يعني ذكرتوني بصورة كاريكاتورية للفنان العالمي علي فرزات كان راسما أبل ما ياكل أتلة و يكسرولوا أصابعوا .....
كان راسم رسمة انو فارسين موجودين على صهوة حصانيهما ة هنن عميسلموا على بعض بابتسامة ود......
وجوات بطن كل حصان كان راسم جيوش و مسلحين في حرب طاحنة بين بطني الحصانيين ....(ممكن الأخ فراس السكري يفيدنا انو يجيب الصورة من شي موقع باعتباروا ما شاء الله عنو أنشط شخص بيناتنا بهالأمور )
أخي (ب) و أخي (غ) لازم تأعلنوا بصريح العبارة انكون أصدقاء و يلاحظ هادا الشي كل أتباعكون من خلال تصرفاتكم و تصريحاتكم و بالأصح من خلال تنقيراتكم على بعض ....و الا بتتحملوا المسؤولية كاملة عن الخسائر البريئة التي ستسقط من الجانبين سواء المادية أو المعنوية ....
أي راح تدبحوا بعضكون و انتوا عمتؤولوا نحن أصدقاء بس نحن ما عمنفهم عليكون ........
أي شو بنستنا شي واحد منكون ليروح التاني لتصيروا انتوا تفهموا علينا و نحن نفهم عليكون ......
بعدين اذا استمر هذا المزاح البريء بيناتكون
و على أولة الشيخ نابليون بونابرت جوزا لجوزفين (نادرا ما يكون هناك مزاح بريء......)
راح يجي وأت و تصيروا انتوا ما عاد تفهموا على حالكون انوا انتو عنجد أصدقاء و لا .......


ملاحظات هامة :
1-هذه المداخلة جاهزة من أشهر لكن لم يكن يوجد لا نت و لا كمبيوتر ...و لحد ما رب العالمين يسرلي أمري للتغلب على هذه العقبات اللوجستية في المشاركات
(و الله يجزيه الخير كل من ساعدني على تجاوزها .....و هنن
الأخ (أ) الملقب أبو (م...)و الأخ (أ) الملقب أبو (ع....))
لا أعرف الى أي درجة وصل مستوى الصراع عفوا المزاح بين الأخ (غ ) الملقب أبو (الن..) و الأخ (ب ) الملقب أبو (ط...)
2- جوزفين :هي زوجة نابليون بونابرت و قد سميت بهذا الاسم لأن السوريين بفرنسا كانوا يستفهموا و يسألوا علطول :
وين جوزا لهي مشان يضبضا شوي ....يحرء الشيطان شيتو..كل أوربا و العالم عمتتغني باسموا (نايلويون العظيم ) حتى صار في خطة بالشطرنج اسما خطة نابليون ......
كل هالشي و مرتوا مانا شايلتوا ...لنابليون من أرضوا .....
لحد ما راح على مصر يعني جوزا يلي هو نابليون العظيم (ما يبلى ) .......
.فصارت الصعايدة الموجودين في فرنسا يؤولوا :
جوزا فين الحورمة دي .....تاركها و رايح عندينا البلد يعميل ايييه .....
فصارت كل الناس تستغرب أفعالها و تسأل جوزافين دي ...حتى مع الوقت أصبح اسمها جوزفين ...........برأيكون ...صحيح هللأ جوزا فين ...يعني نابيليون ...شو بيكون عميساوي و شو هو مصيروا بين ايدين ربوا ......