الكرش و استخداماته

[manar]

استخدامات الكرش للرجال :

1- يمسك في البنطلون ما بخليه يسلت,,,,,(ستر)
2- يسندك وانت نايم على جنبك كرمال ما تقلب على وشك,,,,(امان)
3- يمنح حامله الكثير من الهيبه و الوقار,,,,(عزوه)
4- يطلع أصوات مضحكه اذا طبلت عليه ,,,,(ترفيه)
5- ممكن تحط عليه كاسة شاي أو صحن وأنت قاعد,,,,(اثاث منك وفيك)
6- شكله جميل ويلفت النظر ,,,,(ستايل)
7- يعمل عمل الأكياس الهوائية في حال تعرض لحادث,,,,(تقنية)

[ماهر محمد]

حلوة يا معلم

[سندباد]

1- يمسك في البنطلون ما بخليه يسلت,,,,,(ستر)

هههههه لا ما بنصح يلي عندو كرش يغامر بهيك شغلة

لان اذا شاف الجنس اللطيف وحب يعمل جسموا سنبتيك شوي و شفط كرشوا

ساعتها مصيبة ههههههه

[BROKER]

مالي مصلحة فيه شو ما كانت ميزاته

بس حلوين

[مجد]

اقتباس: المشاركة الأصلية كتبت بواسطة broker    مالي مصلحة فيه شو ما كانت ميزاته بس حلوين

راح نشوف بعد كم سنة .

[iass]

يا زلمة الكرش هو يلي بيخلي البنطلون يسلت. وعلى طول بدك تقشطو لفوق كل شوي. يا أما لازم تلبس شيالات.
الكرش أخخخخخخخخخخخخخخخخخخخ. لازم نعمل رياضة نروحو.
بالليل ما بيخليك تنام لانك حاسس أنو كابس على نفسك. غير صوت الشخير يلي بيخلي نومتك فضيحة. إن كان بالمسرح ولا بالبيت.
بس مع ذلك. بالمجتمع الشرقي. الكرش يفترض احترامو.

[iass]

غير الكرش، صاير ما عندي رقبة. راسي موصول دغري مع القفص الصدري.

[SyrianWolf]

اقتباس: المشاركة الأصلية كتبت بواسطة iass    غير الكرش، صاير ما عندي رقبة. راسي موصول دغري مع القفص الصدري.

الله يديم الصحة والعافية أخونا إياس , ويديم عليك هالنفسية الحلوة .

[عابر مجيب]

اقتباس: المشاركة الأصلية كتبت بواسطة iass    غير الكرش، صاير ما عندي رقبة. راسي موصول دغري مع القفص الصدري.

يعني متل قطرميز مصر لا رقبة ولا خصر

وين اللي واعدني بزيارة ؟
تحياتي .

[iass]

اقتباس: المشاركة الأصلية كتبت بواسطة عابر مجيب    يعني متل قطرميز مصر لا رقبة ولا خصر وين اللي واعدني بزيارة ؟ تحياتي .

قريبا :-)