المصاري كل شيء

[Big H]

السلام عليكم ورحة الله وبركاته
"المال والبنون زينة الحياة الدنيا " صدق الله العظيم
المال مهم جداً لراحة ورفاهية ومتعة الإنسان وسبب رئيسي لسير الحياة بأمان ولكن :
عندما توفي والدي وبالرغم مما تركه لي إلا أنني أشعر حتى اليوم بحزن شديد لفراقه
وأموال الدنيا لن ترجعه
عندما رحلت زوجتي إلى بلدها وهي نصف "روسية عربية" حتى اليوم أحلم بها بجانبي
وأموال الدنيا لن تعيد المودة التي كانت بيننا
عندما تعرض ابن أخي لحادث وتشوهت شفته كلما رأيته تألمت له رغم عملية التجميل
وأموال الدنيا لن تعوضه عن التشوه
عندما كاد أخي المقيم في فرنسا أن يموت لحالةٍ مرضية خاصة ارتعبت من مجرد الفكرة
وأموال الدنيا لم تكن لتشفيه إلا بإذن الله
عندما ولد لصديقي ابن معتوه ثم ابنه معتوهة تعقدت مع الأبوين من حالتهما الخاصة
وأموال الدنيا لن تغير في حكمة الله شيئاً
والخلاصة أننا كلما تقدمنا في العمر مع التفكر بأحداث الحياة كلما زهدنا في الدنيا
وفي اللحظة التي تنهال فيها الأتربة على عزيز أثناء دفنه تشعر أن الدنيا وهم خالص
بمالها وملذاتها وأن الحياة عبارة عن منام طويل

ملاحظة : إلى الزميلات والزملاء الذين في العشرينيات من العمر عدم الاكتئاب مما ذكرته
سابقاً فالحياة أمامكم ببدايتها وستستخلصون تجاربكم بأنفسكم حول كثير من المواضيع

[best time]

يمكننا بالمال ان نجلب أشياء وأحاسيس تجلب لنا شئ من السعادة ولكن هناك الملايين من الأشياء التي لا يمكن شرائها باموال الدنيا والتي بفقدانها لا يمكننا ان نشعر بالسعادة مهما كان معنا من اموال.

أشياء كثيرة (لا تشرى بالمال) + مال = السعادة
أشياء كثيرة (لا تشرى بالمال) - مال = تعاسة
أشياء كثيرة (لا تشرى بالمال) - مال + قناعة وايمان = سعادة منقوصة
مال - أشياء كثيرة (لا تشرى بالمال) = تعاسة واكتئاب

أشياء كثيرة (لا تشرى بالمال) مثل الإيمان والصحة و الحب والأهل و الأصدقاء و الأمل و الأمن والطموح ...الخ

نتيجة: المال ليس كل شئ
نتيجة: كل شي بدون المال سعادة منقوصة
نتيجة: المال عصب الحياة

[Dnouri]

اقتباس: المشاركة الأصلية كتبت بواسطة qusay22    موصحيح المصاري ليست سعاده لانو الي راكب طياره خاصه ورايح فيها عفرنسا يتعالج من مرض مستعصي ماحيكون سعيد الي بيدبح مية خاروف بعزا ابنو مالو سعيد يعني فينا نحكي انو الفلوس بتحقق جزء من السعاده وفينا ناخد مثالين واحد رايح هو وخطيبتو قاعدين ادام شي محل فطاير وعم ياكلو ومبسوطين اكتر من الي رايح على مطعم بالفور سيزن عم يحل مشاكل الشغل وئدامو سفره بتشهي الشبعان الي راكب هو وولادو ومرتو بطرطيره ورايحين على شي بستان يفردو هل المجدره مع صحن المخلل واللبن مبسوطين اكتر من الي بياخد ولادو كل يوم عمزرعتون وياكلو مشاوي من كل الاصناف لناخد مثلا كل واحد معو مصاري يحقق رغبة ببالو لما يحققها بيصير مابفكر فيها في ناس عندها الفلوس احتياجات اساسيه وناس كماليه * براي السعاده لما يكون الواحد مرتاح البال وبصحه جيده *

أستاذ قصي مو فطاير بدها مصاري حتى يشتريها ! من دون مصاري ما كان قدر يروح هو و حبيبتو على محل الفطاير يعني ما بدو تياب يلبسها يلي باخر حقها مصاري !
يعني من دون مصاري ما فينا نعمل شي و لا شي كل شي حقو مصاري

[Dnouri]

اقتباس: المشاركة الأصلية كتبت بواسطة وليد متعب هزيم    وجود المال لا يجلب حتما السعاده --ولكن غيابه يجلب حتما البؤس

أستاذ وليد انا قلت انو هي مفتاح السعادة مو السعادة بحد ذاتها

[Dnouri]

اقتباس: المشاركة الأصلية كتبت بواسطة tareq    دانة صحيح انتي صغيرة بالسن بس كبيرة بالعقل والثقافة يلي عندك. صحيح المال أمر ضروري لكن لا يمت للسعادة باي صلة . وانا عمري 22 سنة كنت ادرس عند شيخ مع 3 شباب. كنا مرة طالعين من الدرس وراجعيين مشي ما معنا 5 ليرات لنركب سرفيس وكنت حاسس بسعادة والله العظيم مستعد ادفع كل شي حصلتوا من هداك الوقت لهلا لحتى ارجع بس حس بهالسعادة يوم واحد بس . السعادة لا تكون الا بالعطاء وليس شرط ان يكون مادي ولكن معنوي . احيانا مشوار على كتف نهر مع سندويشة جبنة بيسوى مية بوفيه مفتوح . القناعة هي من يحقق السعادة هذا من تجربتي. الله يارب يكملك بعقلك ويهني صاحب النصيب لانو امثالك صاروا نادرين كتير

شكراً أستاذ طارق
هلا انت كنت مبسوط بالمشوار مع رفقاتك و بسندوشية سؤال صغير مو حق الخبز و الجبنة مصاري

[مجد]

ليش الدليل عنا ليش عم تحرق بلدنا مشان المصاري .كم واحد يريدوا عواض ما تكون ثروتهم 50 مليار دولار عم يتسابقوامين راح يوصل ليملك 100 مليار دولار مع انه لا احد سيصرف مليار واحد من هذه المليارات والناس ماصارت تبحش بالزبالة من قليل فقر متقع للكثيرين!!!!!!!!!!!!!!!!!!!!!!!!!!
تصوروا بالمطار كان من زمان في 10 شركات ليموزين لنقل المسافرين الى دمشق الان شركة جوليا دومنا بس موجودة ومافي سيارات بالليل بس بالنهار (حين كنت هناك وسالتهم).احتكار مقيت .لك مو شايفين المؤيدين .باي قانون هذا .

[Dnouri]

اقتباس: المشاركة الأصلية كتبت بواسطة iass    كل واحد بيشوف سعادتو بمكان. يمكن الحب والعاطفة هي أهم من كل مال الدنية. يلي بيعيش بين الناس يلي بيحبوه عنجد. حتى لو كان عم يموت بالسرطان. رح يكون سعيد. أما يلي ما عندو حدا يحبو. لا أخ ولا أخت. لا رفيق ولا صديق. لا أم ولا أب. لا جار ولا جارة. ما رح يكون سعيد لو كان معو مال قارون. ما حدا بيقدر يشتري الحب المصاري. شوفي الولد الصغير. كتير من الأهل بيعطوه مصاري. بس ما بيكون مبسوط. بدو أنو يحضنوه. بس تحضن الأم ابنها. بيحس العالم كلو بهالحضن. لا بدو أكلات طيبة. ولا بدو شي. الفرح ما بيجي غير من المحبة. او الحب. أو العواطف الإيجابية.

هلا أكيد مشاعر ما فينا نشتريها بمال الدنيا بس هدية صغيرة من اب لابنو بتخليه ينسا الدنيا يلي باخر حقها مصاري و حتى اكلات الطيبة مو حقها مصاري
سعادة مو مصاري اكيد بس مصاري هي من اهم اسباب الحصول على سعادة

[arnouri]

قال تعالى : المال والبنون زينة الحياة الدنيا والباقيات الصالحات خير عند ربك ثوابا وخير أملا .

[مجد]

في ملاحظة لكي لا نصل الى حالة فقر بعد غنى علينا بعدم التبذير وديننا يدعونا لهذا.لان الوصول لهذه الحالة يمكن الموت اهون على البعض من هذا.وايضا ديننا يدعوننالعدم البخل. افضل شئ الوسطية في كل شئ .

[Dnouri]

اقتباس: المشاركة الأصلية كتبت بواسطة ام محي الدين    حبيبتي دانة صحيح المصاري هي سبب السعادة في كثير من الحالات ولكنها سبب تعاسة لكثير من الناس واكبر مثال ما يعانيه شعبنا وهو بالاساس المصاري لولا طمع اصحاب النفوذ بالمصاري ما كان عانا شعبنا ما يعانيه الان نسأل الله ان يفرج عنهم وعنا

مدام أم محي الدين
هلا يلي عم بيصير بسوريا هو طمع مو لمال لا طمع لنفوذ و القوة و فيك تقولي انا بحسو جكر مو اكتر !
بس لولا المصاري ما رح نقدر نرجع نعمر سوريا احلى من قبل