kloush

أضافة رأي

بما أن خبر أضافة محفظة بقيمة 20 مليون دولارفي
البورصة طلع خبر فالصو فالمنطق يقول أن من أطلق
هذا الخبر هو متنفذ في السوق و يملك أسهم معتبرة
و كبيرة فيها و هدفه رفع قيمة هذه الاسهم الى أعلى
قيمة ومن ثم بيعها سواء دفعة واحدة أو على دفعات
مما ينبئ ببمزيد من التدهور في قيمة الاسهم و قد
يؤدي الى موجة هلع و بيع عشوائي و من ثم وهنا
بيت القصيد سيؤدي الى أرتفاع الدولار بشكل ملحوظ

الليرة السورية

والله يا عزيزتي و انتي كمان يظهر ما الك خبر قديش انباعت عقارات بالمناطق الامنة و اصحابها قبضو دولار لان الشاري جاي من مناطق تانية وما معو سوري و بدهن يحولو كل هالارصدة لليرة و عالاغلب عن طريق الحكومة " يعني عملة صعبة جديدة " بايد الحكومة للتدخل او تمويل مستوردات او او او او
يعني كمان عومال هبوط
تحياتي

__________________
دمشق صبرا على البلوى فكم صهرت
سـبائـك الـذهـب الغـالـي وما احـتـرقـا

shereen

مظبوط

__________________
يارب

ابن البلد البار

شكراً عالرأي والنصيحة

__________________
’’من يتق الله يجعل له مخرجاً ويرزقه من حيث لايحتسب’’

mak

الظاهر في كتير ما عندهم خبر بهيك شي و انا منهم......ممكن توضحلنا شو قصدك بالمناطق التانية؟....يعني اذا من خارج سوريا فكل التحويل يتم اساسا بالليرة ...يعني يللي بدو يبيع ما رح يقبض دولار.......ولا الدولار فايت تهريب؟......و لا المناطق التانية يللي بيتعاملو فيها بالدولار مو بالسوري هي داخل سوريا؟!!....من جهتي ما سمعت هيك شي غير بالمناطق المحررة .....ياريت تعذر جهلي و توضحلي شو قصدك بهي المناطق و كمان حجم عمليات البيع و الشراء التي تتم بينها و بين مناطق التعامل بالليرة.....و اذا كان يللي عم يقوم بهيك عملية اساسا عم يخالف القانون السوري ليش متوقع انو يروح و يبيعهم للدولة بسعر المركزي؟

AYMTAL

اقتباس:

المشاركة الأصلية كتبت بواسطة جوليت اسعار المواد بشكل عام اصبحت هي الاساس لقيمة الدولار الفعلية واضعف مادة تسعر عا اساس 230

الترويج للارتفاع بهالطريقة مو مقبول اقتصادياً أو علمياً أو حتى نفسياً لانو بعد اسبوع او شهر أو شهرين أكيد سعر المواد راح يصير حسب سعر الصرف و لاحظنا نزول الاسعار بشكل واضح عن الوقت يلي كان فيه الدولار ب 280 و فوق مثلاً الزيوت نزلت بشكل ملموس

__________________
أبو هادي

جوليت

صدقا الموضوع مو ترويج , انا هيك شايفة مو اكتر , اعتبرو تحليل متل كل هالتحاليل

جوليت

الارتفاع يلي انا متوقعتو بين 225 -227 وهادا بعتقد رح يصير نقاط دعم

shereen

اخي لاشرحللك ياها بالتفصيل يعني واحد عندو بيت بضاحية قدسيا عارضو ب 20 مليون فبيجيه زبون معو دولار وهادا الزبون حسب راي الاخ (الليرة السورية )جاية من برا يعني فرضنا سوري مغترب بكندا جايب مصاريه واجا فبجي صاحب البيت بياخود سعر البيت ال20 مليون بيقسمهم على 203 وبيقبضهم دولار من المغترب السوري وبيروح بيصرفهم بالمركزي على اساس 173,5 مشان يفيد اقتصاد البلد وبعدين بياخدهم سوري وبيحطهم ببنك البركة مثلا بيعطيه على كل مليون 3000 ليرة هداك اليوم سئلتهم وهيك بيكون باع بيتو وفاد البلد وضحت اخي

__________________
يارب

جوليت

دير بالك لموضوع مهم , كلامك صح انو اسعار المواد نزلت عما كانت عليه لما كان سعر الصرف 280 بس مانزلت تحت 225 (اخفض مادة) بتعرف ليش لانو نتيجة الهزات المختلفة لسعر الصرف خلال الفترات الماضية(طبعا الخبراء الاقتصاديين بيعرفو شو عم احكي) اصبحت 225 نقطة دعم حقيقة , ولكن هناك محاولات حثيثة لعدم جعلها نقطة دعم وانشالله تنجح ولكن سيتم اختبارها قريبا وبشكل قوي ,فالطلوع 300 او النزول 190 أو 180 لايام لا يعول عليه بيستفاد منو بس المضاربين لكن المهم للاقتصاد نقاط الصرف الحقيقة لليرة والتي على اساسها يتم التسعير