najm

اقتباس:

المشاركة الأصلية كتبت بواسطة عابر مجيب يسعد مساك حبيبي ما انخرب بيتو ، تأخر موعد قطافو وبس . ومحصوله بنسبة اقل من اللي اشترى قبلو .

يسعد مساك استاذنا
قصدت يلي اشترى من القمة وخرج باسعار متدنية أو لم يخرج الخسارة تحققت وسعر الدولار تراجع لاكتر من 150 ليرة وبحسب ما سمعت في ناس اشتروا باسعار مابين 350 الى 380 وكتار الله يكون بعونهم.
كلامك فيه بعض الصواب بحال طالت الازمة اكيد رح نشوف اسعار اعلى من يلي شفناها بكتير وكلو بعلم الغيب وبالحالتين الدولار تبع 220 اوفر بكتير للجيبة من دولار 350 مع اني بشوف الدهب افضل للتحوط والاستثمار حاليا .

__________________
لطف حديثك فالنفوس مريضة
ومن الكلام محنن ومجنن

ابو بلال

نشرة تمويل المستوردات في البنك المركزي حتى نهاية دوام 16-07-2013
اليورو 293 ليرة.
مايعادل 225 للدولار .
عشر اشارات تعجب واشارتين استفهام
اذا مانزل هالسعر ما منستفيد شي من الانخفاض الوهمي والمؤقت يلي بالسوق

__________________
....الحمد لله على كل حال....

عابر مجيب

وكالعادة تم اقفال الصفحة اثناء تحضيري لمشاركة ، واستميحكم عذرا في ايرادها هنا

جميل ماتراه في الكواليس من خلف الستارة
يكاد المريب يقول خذوني
أغبطك على نظرتك اللماحة
لو راجعت بعض المشاركات ستجد ردودا تمت بالنيابة عن الغير بالخطأ
وقد تكرر هذا في اليومين السابقين ايضا
لذلك ينصح البعض بقولهم :
إذا كنت كذوبا كن ذكورا .

جمعتني الصدف بخبير قضائي فرنسي وقال لي أنه يحضر بعض جلسات المحاكم ليتبين كيفية سير الجلسات
قلت له ولكن القاضي إذا علم بوجودك سيتظاهر بالنزاهة وسيؤدي بأفضل ما لديه
فأجابني بأن الطبع يغلب التطبع ، سيبدأ بحرص ، ولكن سرعان ما ينسجم وينسى، فأكتشف اصطناعه ونفاقه .

يظن البعض وقياسا على سفاراتنا ، أن سفارات الدول الأخرى جاءت إلى بلادنا للتسلية واطلاق التصريحات الغبية ، والمتاجرة بالعملة والعودة بالتحف والكريستال البوهيمي والمهربات في البريد الدبلوماسي ، إضافة إلى التجسس على ولاء مواطنيها وطق البراغي .

little_man

كتب الاستاذ رامي العطار:

المسار واضح رغم هبوط الدولار، لكن هنالك ارتياح بالنسبة للمضاربين، لأن من يتابعنا يعرف تماماً أن النقاط العليا "للتصريف" وليست للدخول كما يفعل 90% من المستثمرين.

قام التحليل السابق بالتوضيح على الخروج من القمم، وإعادة شراء الليرة وبيع الدولار ليتجه بدوره للعودة هبوطاً الى آخر محطة بغرض الراحة (أماكن الدخول) عند النقطة \240\ .

ولكن لا زلنا بسوق الإشاعات، أي ربما يعمل المؤشر على "كـسر" هذه النقطة بحالة ( Selling Climax ) ذروة البيع، وهنا لا بد له من الارتياح بغرض "الارتداد" عند نقطة أخفض من \240\ وذلك في حال استمرار المركزي ببيع شركات الصرافة.

نقاط الذروة تكمن عند ( النقطة \240\ ضعيفة لقوة الروح النفسية الهابطة، والنقطة \230\ ارتدادية، وأخيراً النقطة \200\ ألا وهي هدف المركزي) .

بالتالي سوف نقوم باستخدام استراتيجية "سوق الشائعات" المتمثلة بـ ( 3-3-3 ) .
وذلك بالدخول عند النقطة الأولى بثلث رأس المال، والثانية بالثاني، وأخيراً استعمال الثلث الأخير للدخول الأخير، ثم احتساب نقطة "رأس المال" بتقسيم وسطي أسعار الدخول.
(240+230+200 \ 3)=223.33 وهو السعر الوسطي.

تحليل لسعر الدولار مقابل الليرة ملاحظة هامة: يجب التركيز بحالة تجاوب السوق مع هذه النقاط، فربما يطرأ عليها تعديلات في حال قوّة "المركزي" بالضخ وأثره على نفسية السوق، وفي حال استمرار نفسية الهبوط لا بد من الغاء النقطة الأولى واعتبار الثانية نقطة "ضعيفة" وهذا ما سيتم اكتشافه اليوم.


بالتوفيق للجميع
رامي العطار


*********************************
************************************************** ****

سؤال لتعم الفائدة:

بما انو حالياَ 240 تجاوزناها
و بما انو 230 وصلناها

شو رأي الاخوة ؟؟؟؟ رايحين عالميتين بدون توقف؟؟؟؟ لما في شروط او محطات من هون للميتين؟؟؟


رجاء!!!! السؤال للي بيشوف حالو عندو معطيات او عندو قراءة واضحة

S.O.S

بداية .... يسعد مساكم جميعا
بدي قول للسيد عابر .... في مثل بيقول سماههم في وجوههم
وانا بقول استاذ عابر انا متابع لست مضارب و من عالشعب الدرويش ...... يلي ناطر تنخفض اسعار البضائع .
*من زمان حابب اشكرك على مشاركاتك وهلأ اجت الفرصة ..
انا واحد من الاشخاص يلي عم اعمل بنصيحتك وبنطر اي تعليق او مشاركة منك لانك عم تنصح بضمير ووجدان ......
شكرا استاذنا.
مع احترامي للجميع
*

Dynamic Pulse

سياسة المركزي بإعتقادي تعتمد على إثارة الرعب في قلوب المدخرين لوقف الحركة المتزايدة لإستبدال الليرة بالدولار
وهي سياسة ناجعة وهي أفضل الحلول في الوقت الراهن
أنا إشتريت 3000 دولار على ب275
وإذا ركدت وبعت بكرة بكون خسرت 150000 ليرة على فرض سعر الشراء 225
هي إذا مو أقل
هاد هيك والمبلغ صغير
بالنسبة للمبلغ أنا نسيتو ومارح أصرفو هلأ لأني تاجر وحافظ درسي عن غيب

بس بالنسبة لمعظم المدخرين بتوقعي غالبيتون باعوا أو رح يبيعوا بكرة
واحد من جيراني إشترى 10000 دولار على 310
وباعون على 235
قللي بعمري ماعاد قرب على هالمضروب خربلي بيتي
بهالطريقة بيكون زرع الخوف في قلوب الناس من الدولار
وهاد الموضوع ممكن يثبت سعر الدولار كم شهر
بإعتقادي أن مبالغ التدخل التي طرحت أكبر من الأرقام المعلنة
يعني معقول 250000 $ لخمس شركات و 100000$ لعشر مكاتب لثلاث مرات نزلت سعر الدولار 100 ليرة
بس الدكتور ميالة بدو يفرجينا أنو 7000000 $ خربوا الدنية
شلون إذا ضخوا شي 500000000$
بيصير كل 3$ بليرة
ملاحظة : أنا متأكد أن هناك في سوريا من هو قادرعلى إعادة سعر الصرف لتحت ال50 لو أراد
لكنه بإنتظار المعطيات الميدانية والدولية لأنو الإحتياطيات (الغير معلنة) مقننة حاليا لضبابية المشهد الميداني
بس الله ينهي الأزمة على خير وأنا متفائل بالمستقبل

__________________
<<أبو محمد>>

جوليت

نصيحة
غدا هو افضل يوم للبيع وبكرا اذا بدو حدا يبيع بشوف الحقيقة المرة بشوف 230 وبشوف 240 وبشوف 220 (ماحدا بيأخد بهيك سعر)
الاستراتيجية والتحليل المنطقي
بيع بكرا ابل ماتكبر الخسارة واليوم يلي بعدو اذا ماعجبك الوضع اشتري لأنو بتلاقي الف واحد ببيعك لأنو يلي بيشتريك بيرجع ببيعك

ابو الدهب

صباح الخير

little_man

بناء على التجربة العراقية

مجرد عودة سورية لتصدير النفط == دفعة كبيرة لليرة

بناء على التجربة السورية بالثمانينات:

نزلت قيمة الليرة بشكل صاعق (حوالي 6 اضعاف) مع هاد كلو بال 1994 رغم انتهاء الحرب و انتعاش الاقتصاد نسبياَ

فاجئنا المركزي يومها بيتخفيض لقيمة الليرة حوالي 8 ليرات

المضارب الحسكاوي

يوم سعيد للجميع
جولة اخرى ناجحة بامتياز للثعلب الاقتصاد السوري الدكتور اديب ميالة يفوز بها بذكاءه بعد ان عرف الجميع الانهيار الاقتصادي في البلد
ولكن المثل يقول ان البقاء في القمة اصعب من الصعود الى القمة ((((((((( واضييف انا اذا لم تكن لديك خطة لللبقاء في القمة فسوف تسقط بسرعة اكبر من سرعة الصعود بكثير اي بدك تتدحرج )))))))
دكتور اديب ميالة اتمنى يكون لديك خطة للمحافظة على هذا الانتصار والا فالجولة القادمة سوف تكون صارمة لانو اغلب المضاربين والمدخرين صار عندن سوري واي ارتفاع بسيط في سعر دولار او حدث سياسي سلبي فسوف نرى سقوط بل دحرجة

__________________
يا الله ما النا غيرك يا الله