صالة أسعار الدولار و باقي العملات مقابل الليرة الخميس 20-6-2013

[الياطر]

اقتباس: المشاركة الأصلية كتبت بواسطة عابر مجيب    الياطر بجاوبك أفضل بالنسبة للوضع الراهن طالما أنه جوهرجي . بس بحثتلك بالموقع اللي باخد منه أسعار ، اقدم تسعير فيه لعام 1995 والذهب أول تسعيرو كان عام 1997 في شهر اغسطس (آب ) كان الذهب 324.0974336967 إذا بيرجع الزمن باخدلي شي عشرة أونصات

استاذنا العين ما بتعلى عن الحاجب
وانا كتير معجب بطريقة صياغتك للكلام
انا شفت السؤال وعملت حالي مطنش
لانو بسنة ١٩٩٠كان عمري ٦سنين
بس سويت جولة بالسوق وسالت الصياغ العتيقين
قالولي بحدود ٥٠٠ليرة

[ابراهيم طاهر]

اقتباس: المشاركة الأصلية كتبت بواسطة abdullah.id    طيب سيد ابراهيم لو سمحت فيك توضحلنا ليش ما طبق هالقاعدة المركزي عند قرار طرح ال 100 مليون يورو وقت كان السعر 152؟؟؟؟ وشكرا

اخي الكريم الآن قد تكون جاءت تعليمات من جهات عليا جدا" جدا" صاحبة امر ونهي باعادة لليرة السورية قيمتها لان الدولة تعرف اذا انخفضت الليرة السورية اكثر من ذلك ستنهار الدولة حتما" بسبب ثورة جديدة اسمها ثورة الجياع فتم جعلها من اولويات الحكومة وهي حسب قول احدهم تمثل الامن الاجتماعي والوطني لسوريا وقد يكون هناك احكام بالاعدام لمن يثبت مضاربته بالليرة السوري من الآن وصاعدا" وسيتم بث ناس مخبرين تفتكرهم معارضين وهم موالين ويتم اعطائهم نسبة من الاموال المصادرة عند تبليغ مجدي ودسم من قبلهم .

[عابر مجيب]

اقتباس: المشاركة الأصلية كتبت بواسطة مجرد إنسان    استاذنا عابر مجيب يا ريت تزيدنا من علومك القديمة بلكي منقدر نفهم شو عم يصير معنا لانو هالعلوم الحديثة مبينة مو نافعة وليست اكثر من استقراء لواقع مستند على تحليل اساسي من العلوم القديمة وللاسف هذه العلوم تدوينها قليل ولا يتم نقلها الا مشافهة او مجالسة وقد تذكرت كتب الشيخ علي الطنطاوي رحمه الله خاصة ذكرياته وهي نافعة ماتعة مليئة بالفوائد والطرائف والحكم في كل فن .. قال ابن مسعود رضي الله عنه : "لا يزال الناس بخير ما أخذوا العلم من أكابرهم ،فاذا اخذوه عن أصاغرهم وشرارهم هلكوا" ومثله قول ابن عباس : "البركة مع أكابركم" لازم تفتحلنا مدونة خصوصي إلك

دخيل عيونك أنا .
يادوب بالصالون وصفحة الدولار ، أي مدونة !
عم اظلم أولادي وما عم لحق درسهم ، وتنيناتون بالجامعة ، بنقيم المحاسبة بنحط الأنجليزي ، بنقيم الاقتصاد بنحط الفرنسي . بلكي بالعطلة الصيفية ، إذا ضل الشغل دائر .
أحلى شي خايلو لأبني ، قلي انت مهندس شو بيعرفك ؟ بتصدق كل شي كنت تحكيه عم نتعلمو هلأ بالجامعة
التجربة والممارسة بتوصل لنفس نتيجة الدراسة ، بس الدراسة بتوصلك أسرع وبتسهل الإلمام بكل الجوانب بأقصر الطرق ، إذا كنت بدك اختصاص معين لتشتغل بشهادتو ، بس إذا بدك ثقافة عامة وعلى فضى الحياة بتكفي وزيادة . ممكن بس تخترع تسميات من عقلك لنفس الموضوع النظري . ووقت التطبيق حط فرنك بتاخد قرص . يعني كل الدروب عالطاحون .

[مضارب سوري 1]

الله يجزيكن الخير عهالموقع المفيد بس انا الي اعتراض يعني هالكم جدبة اللي عنكم بالموقع احجبوهن او وقفولن اشتراكاتهن هادا الفضائي والتاني البديل يعني والله عيب في ناس عبتراقب هالموقع بشكل جدي وبتقيم شغلها عأساسه متلي انا وشكرا لجهودكن والله يعطيكن ألف عافية

[باسل غ]

اقتباس: المشاركة الأصلية كتبت بواسطة محمد عامر النجار    سؤال لأصحاب الخبرة رجاء واذا الياطر موجود بما أنه مجوهراتي و شكراً سلفاً لكم جميعاً اذا بدي أشتري أونصه وأدفع بالدولار بحاسبوني مثل السعر العالمي ولا في عمولة و أديش تقريبا لأنو سألت واحد وقت كان السعر 1294 تقريبا قللي اذا دولار بدو 1365 وسؤال للمعرفة فقط حدا بيعرف كم كان غرام الذهب بسنه 1990 و شكرا مرة ثانية عملت استخارة و رح أشتري بعد مشورتكم

بتاخد الاونصه باقل من السعر العالمي بسبب تعامل السوق على انها ذهب

كسر ....... http://www.kitco.com/gold.londonfix.html

هيدا الرابط فيه اسعار المعادن في اخر عشرين سنه

[الياطر]

اقتباس: المشاركة الأصلية كتبت بواسطة محمد عامر النجار    شكراً جزيلاً أخي معناها بطلت أشتري لأنو بدو 70 دولار عمولة

السلام عليكم
بس سبعين دولار بدو
والله الزلمة قنوع وظالم نفسو
طبعا بطل وروح انزل على الحريقة اوشارع العابد
وبتشوف اكيد صياغ ببيعوك اقل بكتير

[tareq773]

مرحبا جميعا
منين بدون يزيدو رواتب شي بيحير
وبعدين شئد بدو يصير كيلو البندورة ٥٠٠مثلا
بتصور بعد الزيادة تتحرر الاسعار ويلغوا الدعم

[(( أبو جهاد ))]

السلام عليكم ورحمة الله وبركاته

الذهب شراء : 6500

الذهب بيع : 6700

الدولار شراء : 182

الدولار بيع : 184

حلب

[محمد عامر النجار]

اقتباس: المشاركة الأصلية كتبت بواسطة عابر مجيب    الياطر بجاوبك أفضل بالنسبة للوضع الراهن طالما أنه جوهرجي . بس بحثتلك بالموقع اللي باخد منه أسعار ، اقدم تسعير فيه لعام 1995 والذهب أول تسعيرو كان عام 1997 في شهر اغسطس (آب ) كان الذهب 324.0974336967 إذا بيرجع الزمن باخدلي شي عشرة أونصات

قصة : زر الشكر لحاله ما بكفي لازم يكون في زر شكراً جزيلاً لذلك شكراً جزيلاً أستاذنا بس اذا ما فيها عذاب واذا كنت فاضي ممكن عالسوري قديش كان سنه 1997 لأني وقتها كنت 3 إعدادي وما بفهم لا بالدولار و لا بالذهب ولساني لهلأ مو فهمان بس ذكرني واقع الحال و بعض المشاركات اليوم بقصة فلم أطفال ما بنساها وقت كنت صغير بتحكي عن ملك أصدر قرار بإبعاد كل العجائز من بلده باعتبارهم أعضاء مستهلكين و غير فعالين وكان في عقوبات للي بخالف و تفتيش و الى آخره
المهم كان في شب مرضي وما رضي يبعد أبوه فحفر قبو تحت بيته و صار يخبيه فيه و كل يوم يرجع من الشغل و يهتم فيه و يطعميه و أبوه يترضى عليه لحد ما أجا يوم صار معلمه بالشغل بدو مدير لأنه صار مشغول ( طبعاً قد ما تكون التفاصيل صحيحة تمامأ بس عم حاول جيب المغزى فسامحوني كنت صغير و ذاكرتي مو كمبيوتر) منرجع للقصة
فطلب مديره من العمال طلبات غريبة كان يطلبها قبل نهاية الدوام و لازم يجيبوها ثاني يوم فكانوا العمال الشباب ما يعرفوا ينفذو الطلبات الا هالشب المرضي لأنو كان يسأل أبوه العجوز و يستفيد من خبرته لحد ما صار صاحب العمل معجب بالشب خيرات الله و طلب منه آخر طلب ما بذكر شو كان بس بشرط أنو يعطيه الحل قبل ما يروح للبيت و يا حزركون شو صار
طبعا ما عرف لأنو ما قدر يستشير أبوه و هون بقا يا سادة يا كرام استغرب صاحب العمل و اللي كان مقرب جدا من الملك و طلب من الشب أنو يجاوبه بصدق شو السر لأنو هالطلب كان أسهل من غيره و عطاه الأمان ولما جاوبه الشب بصدق راح هالتاجر لعند السلطان و خبره بالموضوع بطريقة حكيمة و رجعوا كل العجائز على بيوتهم و صار الشب المرضي مدير العمل و تجوزوا و جابوا صبيان و بنات ؟؟؟ عفوا عفوا غلط مطبعي فتنا بقصة تانية
بس سؤالي اللي رح أسأله لأول مرة و أتدخل بالأمور السياسية أنو هالحركة الشبابية اللي صارت عن حق و ظلم ووووو بدون وعي و حكمة لو استشارت كبارها و حكمائها كانت وصلت البلد لهون ؟؟؟؟ طبعا مع الانتباه للقانون الالهي ان البلاء يعم الصالح والطالح اذا كثرت المعصية أعتقد فكرتي وصلت بس قدر الله و ما شاء فعل و حتى تكون ترباية لكل مغضوب و ظالم و قاطع رحم و آكل ربا و آكل مال يتيم و مانع زكاة وووووو ولا يظلم ربك أحدا ولا يعني هذا ان كل من اصابه بلاء سيئ وانما لحكمة ارادها الله ولسه في حساب جايه عالطريق للي ما تحاسبو و توتة توتة خلصت الحتوتة حلوة ولا فتفوتة

[سوري للصاجة]

أسعار أونصة الذهب في عام 1990

اختار اليوم يللي بدك ياه