غالب

اقتباس:

المشاركة الأصلية كتبت بواسطة m.watson لفت نظري تعليقك مسيو ...حضرتك بالصورة مالك مربي شوارب بقا كيف قسمك بدو يتنفذ !!!! Big grin

مسيو الشوارب موقف مو كام شعرة فوق الفم

__________________

M.Watson

شي اكيد.....


قبل بعهد اجدادنا الاولين كانوا مايربوا شوارب بس كانت كلمتون كلمة للموت

بعدين على عصر جدي و جدك دخل الجهل صاروا يهتموا بالشوارب لدرجة كانوا يقولوا يلي مالو مربي شوارب مو رجال
بس عندون العهد بدرجة الشوارب يعني كلمتون كلمة

بعدين اجا عصرنا لا شوارب و لا عهد و لا كلمة ولا هم يحزنون

Salam L

اقتباس:

المشاركة الأصلية كتبت بواسطة غالب اخي طارق شكرا لك موقفك نبيل - مو مثل بعض جماعة - بعدين جماعة المنتدى بالمشروع مساويين نقطة تفتيش اي واحد غريب بيشلحوا قناني الغاز الفاضية والمليانة. - بحمد الله تم تأمين قنينة امس عصرا عن طريق محل فروج جيراننا بالمنطقة بسعر 800 ليرة وهلء بتقضينا بين 25-30 يوم ولوقتها بيفرجها الله . .

مبروك قنية الغاز ابو النور.. عقبال عنا يارب....

واكيد الاخ طارق كفو وكان رح يكون قد كلمته....

__________________

غالب

اقتباس:

المشاركة الأصلية كتبت بواسطة m.watson شي اكيد..... قبل بعهد اجدادنا الاولين كانوا مايربوا شوارب بس كانت كلمتون كلمة للموت بعدين على عصر جدي و جدك دخل الجهل صاروا يهتموا بالشوارب لدرجة كانوا يقولوا يلي مالو مربي شوارب مو رجال بس عندون العهد بدرجة الشوارب يعني كلمتون كلمة بعدين اجا عصرنا لا شوارب و لا عهد و لا كلمة ولا هم يحزنون

بالتاكيد ولكن التعميم خطأ دائما . لسه الدنيا بخير - والاخ طارق مواقفه قول وفعل ونحن نعرفه حق المعرفة ومجربينه وهو رجل اذا وعد وفى . شكرا لك .

__________________

M.Watson

ارجوا انو ما تفهمني غلط كلامي مو موجه على الاخ طارق...!!!!

انتقادي لاسلوب والفاظ الاخ طارق ((القسم على الشوارب..!!!))

اما هو نحسن الظن به و بفعله

ومتل ماقلت ان خليت خربت

غالب

اقتباس:

المشاركة الأصلية كتبت بواسطة salam l مبروك قنية الغاز ابو النور.. عقبال عنا يارب....big grinbig grin واكيد الاخ طارق كفو وكان رح يكون قد كلمته....

اكيد ما انقطعتو مو وفي عندي السفير يعني الغاز الصفير فيه نصه بس تنقطعي انا حاضر

__________________

Salam L

اقتباس:

المشاركة الأصلية كتبت بواسطة غالب اكيد ما انقطعتو مو وفي عندي السفير يعني الغاز الصفير فيه نصه بس تنقطعي انا حاضر

ههه

ابي عامل احتياطاته وجاب من زمان ببور كاز ! ابصر وين كان مخبيه مشان امي ما تخفيله ياه...

وحاليا عم قول للعائلة الكريمة انو يعتمدوا على المايكرويف قدر الأمكان ... حتى انو بالمستقبل اذا لزمنا فيه نظام طبخ وفك تجميد الخ وكتير ممكن يوفر او يحل ازمات .. طبعا انا جبته من فترة فيه هي الميزات ... وفي عنا راسين كهرباء موجودين مع فرن الغاز...

__________________

rainbow

بأزمة الغاز في الشتاء الماضي عانيت من نفس الازمة وكان الحل عند سائق لمعرفته شخص بالمزة 86 وحمل اكثر من 40 جرة وحل الازمة موقتاً ، ولكنه تعهد أن لايذهب مرة آخرى لانه تعرض للضرب والاهانة على الحاجز

فأن كان لك معرفة بأحد الاشخاص بالمزة 86 أو مساكن الضباط فمن الممكن أنو يدبروك ،
أن تصل أزمة الغاز لداخل كل بيت في دمشق العاصمة من لن يكون بصالح النظام لا اقتصادياً ولا احتجاجياً

iass

كأني قاري هالموضوع من قبل؟. وفي نفس الردود تقريبا. بس وين؟؟ .. وين؟؟؟... وين؟؟؟...

iass

اليوم مريت على مركز برزة. كان في وحدة عندها نفس هي النظرية. بعد شي نص ساعة حملت حالها ومشيت عقد ما تعرضت لغلاظة وقلة حيا. غير أنو كان في ضرب الناس بالعصي والقشط.