ابراهيم الدعبول

يا رب ترجع بلدنا متل قبل مو سنتين خمسين سنة وقت كان في اكتر من 300 سينما موزعة بكل سوريا وقت كان وزير الاوقاف فارس خوري المسيحي وبعدها صار رئيس حكومة هي سوريا اي بدي ياها ترجع مو الي كانت من قبل سنتين عم تنباع شقفة شقفة للمستثمرين الاجانب

تتمة 3

أما في حال ساءت الظروف "بس بشكل دراماتيكي" يعني أكتر من هلأ "متل يعني تشوف المعارضة عم تسنخدم سلاح ثقيل والقتال صار يومي بالمناطق يلي لساها حاليا شبه آمنة بالشام "أو خلينا نقول خالية من الإشتباكات" فحيصير هبوط أكتر بس متل ما قلتلك أخي ما في صفر

إجمالاً في ظل استمرار الأزمة أخي وما صار الحث الإيجابي يلي نوهتلك عنو فوق لا تستعجل بالشراء لو شفت السهم طالع لأنو بيرجع بينزل لمستواه السابق يعني +-15 ليرة تقريبا والشراء دائما لما يكون السهم أحمر ومعروض " لا تشتري بالأخضر والصعود" استنى يومين وبأكدلك بيرجع بينزل إلا إذا فاجأونا بموعد الحوار يلي قلتلك عنو

وراجع أخي محادثاتي مع الدكتور حسين dr.husain هون برسائلي تبع الزوار أكيد بتلاقي شي يفيدك وإذا بدك وضحلك أي شي تكرم عينك

تتمة 2

الأسهم هلأ أخي تقريباً بالقيعان +- 20 ليرة حسب السهم، بس أهم شي أخي إنك تحدد إنو استثمارك قصير أو طويل الأجل
- يعني أخي بدك تحط المصاري وتقلبون كل كم يوم أو كل شهر "بس هي أخي بدها متابعة يومية وخبرة فيك تكتسبها من المتابعة "هي منسميها مضاربة
ولا بدك تحطون وتخليهون سنة أو سنتين "يعني للمستقبل القريب" منسميه إستثمار

بس بكل الأحوال أخي لازم يكون الكاش يلي بدك تشتغل فيه زائد عن حاجتك "يعني مارح تضطر عليه" مشان ما تضطر بيوم _لا سمح الله_ تبيع بخسارة مشان تأمن الكاش

ولازم أخي العزيز تحاول تقسّم الكاش تبعك بالشراء "يعني لا تشتري بيوم واحد ضربة وحدة بسعر واحد " قسمو أخي 3-4 أجزاء _حسب حجم الكاش تبعك_ واشتري جزء وإذا بعد يوم أو يومين لقيتو نازل ارجاع اشتري جزء تاني وهكذا...

لأنو أخي فعلياً وعلى أرض الواقع طالما الوضع على الأرض السياسية متل ما هو هلأ فما رح نشوف صعودات أو هبوطات كبيرة

أما في حال تحسن الوضع عالأرض السياسية تحسن حقيقي "يعني مثلاً حددوا موعد فعلي للبدء بالحوار بين الطرفين" فحيصير موجة صعود منيحة

أهلاً فيك أخي ابراهيم الدعبول وبتمنى أقدر فيدك

فعلياً أخي الكريم مافي شي بالبورصات اسمو هبوط للصفر لأنو بهداك الوقت الشركة المدرجة "الشركة يلي انت شاري فيها الأسهم" إذا انخفض سعرها بالسوق كتييير بتصفّي أعمالها وبتبيع موجوداتها وبترجع المصاري للمساهمين تبعاتها.
وطبعاً بيرجع تقدير السعر المنخفض للخبراء بهالمجال غالباً بيكونوا المدقيقين الداخليين والخارجيين متل شركات المراجعة "ارنست أند يونغ وعوني زكية وkpmg وديلويت" ما بعرف إذا حضرتك بتعرف عنون.

متل ما بتعرف أخي رأسمال الشركة يلي عم تشتري فيها هو موجودات ومطاليب "يعني السهم تبعك اخيك فيك تعتبرو جزء من مكتب الشركة وعفشها ومنتجاتها إذا عندها منتجات أو جزء من الخدمات يلي بتقدمها وبتاخد عليها مصاري" يعني أخي هنة موجودات وأشياء حقيقية بتنباع وبتنشرى

هذا شرف لي

يسرني أن أتعرف عليك لنكون أصدقاء جدد