اللحمة بكرز

[nct]

بداية الشكر لكم على افتتاح هذا القسم الظريف

وأنا بدي أسبق الأخ سمير وأضع وصفة اللحمة بكرز

وهي أكلة شامية لذيذة Big Grin

المقادير
- كيلو لحم غنم مشوي سابقاً على الفحم ( كباب مشوي ) ، ومن الممكن أن يكون قد تم تحضيره في المنزل بشوي كرات من اللحم ( بخلطة الكباب المعروفة ) بحجم حبة الكرز في صينية بالفرن مدهونة بالزيت
- 500 مل ( كأسين ) من شراب عصير الكرز المكثف ( الوشنة تحديداً )
- كأس ماء
- كمية قليلة من الفستق الحلبي المبشور والبقدونس المفروم للتزيين
-خبز عادي مقطع بشكل مربعات ضلعها 5 سم .. طبقة واحدة ..
- صحن فاضي مشان نحط فيه الطبخة Big Grin
- 2 شباب أكيلة

الطريقة
-يتم تسخين العصير مع كأس الماء في وعاء حتى يفتر
- ثم يضاف إليه كرات اللحم
- يخلط جيداً ..

يترك على نار هادئة ليغلي حتى تتشبع الكرات بالسائل ويصبح السائل كثيفاً ..

يوضع الخبز في الصحن بشكل تزييني جميل
توضع الكرات فوق الصحن في المنتصف
يسكب العصير المغلي والمكثف فوقه وفوق الخبز

يتم تزيين الصحن بالفستق الحلبي المبشور والبقدونس المفروم

يقدم ساخناً

وصحتين وهنا ..

وإليكم الصور

http://esyria.sy/sites/images/idleb/096037_2009_06_21_10_44_34.image2.jpg
عملية التحضير


http://esyria.sy/sites/images/idleb/096037_2009_06_21_10_44_34.jpg
صحتين وهنا

[saeed]

الله يعطيك العافية أخي العزيز أبو ايهاب ...
شي بيشهي كتير .... اممممممممممم شي طيب ...
أكيد أطعم من المطعم لأنو مافي سكر ..... ( دايت Big Grin)
شكراً جزيلاً أبو ايهاب ...

[غالب]

اخي ابو ايهاب انت كمان طلعت مضارب طباخ كمان مضارب بالطبخ مو بس بالاسهم , الله يعطيك العافية وبالتأكيد الاكلة حضرتها اختنا الكريمة ام ايهاب مع اطيب تحيات ام نور الى ام ايهاب بس ما بصدق انها كثير طيبة للدرجة الي فرجيتنا اياها بالصورة .

[Salem_mestow]

و الله منظرها بشهي بس في مجال شي سكبة لحتى ندوقها

[nct]

الله يعطيك العافية أخي العزيز أبو ايهاب ...
شي بيشهي كتير .... اممممممممممم شي طيب ...
أكيد أطعم من المطعم لأنو مافي سكر ..... ( دايت big grin)
شكراً جزيلاً أبو ايهاب ...

الله يعافيك

منيح اللي ذكرتني

بدها شوية سكر إذا كان العصير حامض كتير

[nct]

اخي ابو ايهاب انت كمان طلعت مضارب طباخ كمان مضارب بالطبخ مو بس بالاسهم , الله يعطيك العافية وبالتأكيد الاكلة حضرتها اختنا الكريمة ام ايهاب مع اطيب تحيات ام نور الى ام ايهاب بس ما بصدق انها كثير طيبة للدرجة الي فرجيتنا اياها بالصورة .


تسلم يا أبو النور

والله الحقيقة هالصورة لقيتها على الإنترنيت

يعني لا طبخنا

ولا أكلنا
ههههههههه

[nct]

و الله منظرها بشهي بس في مجال شي سكبة لحتى ندوقها
تكرم عينك

بس بدها وقت عالنار لحتى يتعقد العصير شوي ..

وبس تستوي ببعتلك سكبة

[Rihab]

هه هي أكلة مو سندويشة مرتديلا وبيتزا

يسلمو إيديك أخ أبو أيهاب

[BROKER]

الله يسلمون ابو ايهاب

بس ما حبيت الاكلة كتييير باريحا ... لانو طعمها حلو

هلا هي الاكلة ... شامية ولا حلبية لاني ما عرفتها غير باريحا

الله يعطيك العافية وصحتين وهنا ..... الاستاذ عبد الكريم رح يفرح فيها

[غالية]

الله يسلمون ابو ايهاب



بس ما حبيت الاكلة كتييير باريحا ... لانو طعمها حلو

هلا هي الاكلة ... شامية ولا حلبية لاني ما عرفتها غير باريحا

الله يعطيك العافية وصحتين وهنا ..... الاستاذ عبد الكريم رح يفرح فيها






صحتين للجميع
بس الاكلة مو شامية اطلاقا ........ المطبخ الشامي لا يضع الفواكه او مشتقاتها مع الطبخ اطلاقا ........ مثلا رز مع زبيب ليست شامية ............ اقصد بالشامية......... الدمشقية
اناما اكلها في حياتي ولم اعرف احدا من سكان دمشق القديمة يطبخها ... مع العلم اني شاغورية اصيلة من الصمادية
وشكرا

[سمير]

صحتين للجميع
بس الاكلة مو شامية اطلاقا ........ المطبخ الشامي لا يضع الفواكه او مشتقاتها مع الطبخ اطلاقا ........ مثلا رز مع زبيب ليست شامية ............ اقصد بالشامية......... الدمشقية
اناما اكلها في حياتي ولم اعرف احدا من سكان دمشق القديمة يطبخها ... مع العلم اني شاغورية اصيلة من الصمادية
وشكرا
اللحمة بكرز أكلة حلبية
أريحا موطن زراعة الكرز
أبو ايهاب عم يمزح وقت قال "أكلة شامية" وكان عم يغمز بعينه

[hesham]

صحتين للجميع
بس الاكلة مو شامية اطلاقا ........ المطبخ الشامي لا يضع الفواكه او مشتقاتها مع الطبخ اطلاقا ........ مثلا رز مع زبيب ليست شامية ............ اقصد بالشامية......... الدمشقية
اناما اكلها في حياتي ولم اعرف احدا من سكان دمشق القديمة يطبخها ... مع العلم اني شاغورية اصيلة من الصمادية
وشكرا
هادا أول افصاح عن شخصية الأخت غالية

[hesham]

تكرم عينك


بس بدها وقت عالنار لحتى يتعقد العصير شوي ..

وبس تستوي ببعتلك سكبة

ماشاء الله عنك يا أبو ايهاب
نيالنا فيك ( نحنا محظوظين فيك )
محترف بالأسهم
محترف بالخطوط البيانية
محترف بالشرح

وكمان محترف بالطبخ
نيال مرتك فيك

والخير لقدام باكتشاف مواهب جديدة بل احترافات جديدة

[البلخي]

شكرا للشيف ابو ايهاب
و ذكرتني بأكلة أكلتها في احدى السفرات
لحم سمك مطبوخ مع الاناناس و الموز
بس مابعرف المقادير Big Grin

[nct]

هه هي أكلة مو سندويشة مرتديلا وبيتزا

يسلمو إيديك أخ أبو أيهاب

الله يسلمك أختنا رحاب

[nct]

الله يسلمون ابو ايهاب

بس ما حبيت الاكلة كتييير باريحا ... لانو طعمها حلو

هلا هي الاكلة ... شامية ولا حلبية لاني ما عرفتها غير باريحا

الله يعطيك العافية وصحتين وهنا ..... الاستاذ عبد الكريم رح يفرح فيها







طبعاً لا شامية ولا حلبية
ريحاوية يعني من أريحا - إدلب
بس أنا حبيت أمزح مع أخونا سمير اللي تكرم بإعطائي طريقة الطبخ بمعونة المطعم

على فكرة طعمة عصير الكرز حامض قليلاً .. والأكلة لازم تكون حامضة + حلوة شوية
وكلما كان الكرز المستخدم للعصير مستوي أكتر بتخف طعمة الحموضة وبتزيد طعمة الحلاوة
ولكن يبدو أن بعض المطاعم تستخدم بعض السكر في حال كانت الطعمة الحامضة قوية شوي ..

[nct]

صحتين للجميع
بس الاكلة مو شامية اطلاقا ........ المطبخ الشامي لا يضع الفواكه او مشتقاتها مع الطبخ اطلاقا ........ مثلا رز مع زبيب ليست شامية ............ اقصد بالشامية......... الدمشقية
اناما اكلها في حياتي ولم اعرف احدا من سكان دمشق القديمة يطبخها ... مع العلم اني شاغورية اصيلة من الصمادية
وشكرا
الأخت غالية
متل ما ذكرت الأكلة إدلبية على ريحاوية وليست شامية ( كنت عم إمزح )

وعذراً إذا كانت المزحة غير مناسبة

[nct]

ماشاء الله عنك يا أبو ايهاب
نيالنا فيك ( نحنا محظوظين فيك )
محترف بالأسهم
محترف بالخطوط البيانية
محترف بالشرح

وكمان محترف بالطبخ
نيال مرتك فيك

والخير لقدام باكتشاف مواهب جديدة بل احترافات جديدة
تسلم أخي أبو عدنان
كلماتك طيبة
وهي شهادة أعتز بها

[nct]

شكرا للشيف ابو ايهاب
و ذكرتني بأكلة أكلتها في احدى السفرات
لحم سمك مطبوخ مع الاناناس و الموز
بس مابعرف المقادير Big Grin

أخي أبو عمار
أكلتك سهلة
المقادير : سمكة مشوية وحبة اناناس وموزة ..

وباعتبارك هامور
معناتها بتعرف تطبخ السمك وتاكله بلا ملحBig Grin

[iass]

طبعاً لا شامية ولا حلبية
ريحاوية يعني من أريحا - إدلب
بس أنا حبيت أمزح مع أخونا سمير اللي تكرم بإعطائي طريقة الطبخ بمعونة المطعم

على فكرة طعمة عصير الكرز حامض قليلاً .. والأكلة لازم تكون حامضة + حلوة شوية
وكلما كان الكرز المستخدم للعصير مستوي أكتر بتخف طعمة الحموضة وبتزيد طعمة الحلاوة
ولكن يبدو أن بعض المطاعم تستخدم بعض السكر في حال كانت الطعمة الحامضة قوية شوي ..



أكيد أصل أهل أدلب من تايلاند لأنو المطبخ التايلندي مشهور بوضع الفواكه والسكر مع اللحوم المطبوخة، مرة أكلت بمطعم تايلندي شي بيشبه هي الأكلة، بس فعلا حاطين سكر مع الصوص، أنا ما حبيتها، بس يمكن يلي بيتعود عليها بياكلها

[farah]

هاي ياجماعة صحتين بس بما انو فتحتو مطعم هذا يدل على انو مافي شغل وبدنا نقضيها بالمطبخ ؟؟؟؟؟ انا بحب القلوبة بس صعب جدا اعرف اطبخها لذلك حدا من الزملاء يعلمنا الطريقة ورجاء بالصور او بدي اضطر اكل عند مطعم اوتوماتيك !!!!!!!!!!!على فكرة اكلو كتير فظيع

[farah]

قصدي المقلوبة وعلى فكرة اكلة الحمة بكرز اكلة حلبية

[غالية]

هادا أول افصاح عن شخصية الأخت غالية

ان شاء الله يكون الافصاح ايجابي ههههههههههه
ما شاء الله على الشباب كل واحد كاتب عن اكلة ولا الشيف زمري
على فكرة يمكن هذا القسم من ابغض الاقسام على قلبي ( المطبخ ) لآن بلشت تظهر عيوبنا هههههههههههههه وهي افصاح ثاني ........ ما بحب اطبخ ههههههههه
وبدي لاقي عريس يكون طباخ........ يعني ورجونا همتكن بالطبخ هههههههههههههههه

[Ahmadhsn]

ان شاء الله يكون الافصاح ايجابي ههههههههههه
ما شاء الله على الشباب كل واحد كاتب عن اكلة ولا الشيف زمري
على فكرة يمكن هذا القسم من ابغض الاقسام على قلبي ( المطبخ ) لآن بلشت تظهر عيوبنا هههههههههههههه وهي افصاح ثاني ........ ما بحب اطبخ ههههههههه
وبدي لاقي عريس يكون طباخ........ يعني ورجونا همتكن بالطبخ هههههههههههههههه
ممممممممم نصيحة تابعي هالقسم كتير منيح منشان تتعملي تطبخي ...!!!
منشان العريس ... ههههه