جوني حلاق

علم موقع الاقتصادي من مصدر مطلع أن وزارة الاقتصاد والتجارة صادقت على النظام الأساسي لتأسيس شركة جديدة باسم شركة راماك للمشاريع التنموية والإنسانية المحدودة المسؤولية في دمشق.

ويبلغ رأسمال الشركة 500 مليون ليرة سورية موزعة على 50 ألف حصة قيمة كل حصة 10 آلاف ليرة سورية.
ويساهم بتأسيسها رجل الأعمال رامي مخلوف، بنسبة 99.98% من رأس المال إلى جانب شركة صندوق المشرق الاستثماري المساهمة القابضة والتي تغطي الجزء المتبقي من رأس المال وقدرها 0.002%.

وأكد المصدر للاقتصادي أن الشركة الجديدة ستقيم المشاريع العقارية والتجارية والصناعية والزراعية والخدمية وإدارتها واستثمارها وتطويرها، وستنشط بأعمال الإنشاء والتعهدات والمقاولات وذلك في جميع المجالات واستيراد وتصدير جميع المواد الزراعية والغذائية بها بما فيها المواشي واللحوم الطازجة والمجمدة الحمراء والبيضاء وكل ما يتعلق به.

وستمارس الشركة الجديدة التصنيع الزراعي والغذائي بما فيه تصنيع اللحوم والحليب ومشتقاته والزيوت وجميع المواد الزراعية والغذائية بما فيها تصنيع الأسمدة والأعلاف وإنتاجها والاتجار بها وإنشاء المزارع لتربية المواشي ولإنتاج الأعلاف والمواد الغذائية واستيراد الآليات والتجهيزات اللازمة لذلك وصناعة الحليب المعقم والمبستر والألبان ومشتقاتها بالإضافة إلى الحليب المنكه والحليب مع العصير والعصائر بأنواعها وكل ما يتعلق بها ويتفرع عنها وصناعة الأجبان.

ابو تيم

ما بعرف شو بدي قول بس من وين عم ينبعوا هالملايين ما كانوا يخلصوا

__________________

سمير

الملايين بيزيدو مابيخلصو

__________________

BROKER

ستقيم المشاريع العقارية والتجارية والصناعية والزراعية والخدمية وإدارتها واستثمارها وتطويرها

خزيت العين اما شركة كاملة شاملة كل القطاعات .... ووقت خلصت القطاعات تم وضع احتياطا ( ادارتها - استثمارها وتطويرها ) .... مشان الله حدا عندو شي كلمة نسيانين تنزل بالترخيص ؟؟؟؟!!!! خطي بركي جابوا علكة وطلعت من ضمن الرخصة ؟؟؟

Ahmad Hamdi AlSharif

ياخوفي بكرا هالشركة تحتكر سوق الغذائي والزراعي والصناعي بهل البلد ويصير كل شي منتجات عند سوبر الماركت من تصنيعها بس اللي أحلى من هيك إنه يكون قرار وقف الاستيراد عملوه بس مشان الشركة تحتكر السوق بس تبلش شغل

Ahmad Hamdi AlSharif

صحيح نسيت قول كمان ياريت بكرا نساوي ورقة تواقيع جميع المستثمرين في البورصة من أجل إدراج شركة راماك في البورصة والتداول بأسهمها قبل مايصير سعر سهمها شي مليون لانه هي المؤسسة الوحيدة اللي مابتخسر بهيك بلد مهما كانت الظروف

سمير

ياشباب خلونا نشوف الجزء المملوء ماء من الكوب

ووقت اللي بيطلع الكوب فاضي بينكسر

__________________

eyad_m

بس كأنو رأس مال الشركة متواضع شوي

Ahmad Hamdi AlSharif

ايه بكرا انتظر شوي بس يصير في طلبات شراء على الاسلامي شي 200 الف سهم رح بيع الاسهم تبعي وزيد راس مال شركتي شوي وخليه يصير مليار بس انا ناطر شوف عالم بدها تشتري بكمية كبيرة مشان صرف الاسهم تبعي بدفعة منيحة

وائل77

ما عرفت ليش انسانية يعني رح يوزعوا الارباح على الفقراء لانه على اساس انه لن يدخل في اي عمل استثماري جديد