بيتزا عائلية منزلية

[غالب]

بيتزا عائلية منزلية

ملاحظة عائلية( تفضل مشاهدة الموضوع برفقة شريكة حياتكم )

الوصف: بيتزا عائلية منزلية محضرة في المنزل اشهى واطيب وانظف الف مرة من مطاعم السوق .

المواد: العجين =طحين , خميرة ,ماء دافئ , لبن ,زيت , ملح ,.

الحشوة = بندورة , بصل , فطر , صوصج ,جبنة قشقوان ,كشب ,زعتر اخضر ,.

المقادير : 1 كيلو طحين ,ملعقة ونصف كبيرة خميرة فورية ,ماء حسب الحاجة ,لبن كوب واحد ,زيت ربع كوب , ملح ملعقة صغيرة ,ملعقة صغيرة سكر .

طريقة العمل : ينخل الطحين , وتضاف الخميرة الفورية وملعقة السكر الصغيرة ويخلط باليد قليلا ثم نضيف كوب اللبن ويخلط جيدا قبل العجن ومن ثم يعجن مع اضافة الماء الدافئ بالتدريج الى ان تتكون عجينة لا تلتصق باليد ثم نضيف ربع كوب الزيت ونعجن مرة ثانية ونغطي العجين بكيس نايلون شفاف غذائي , ثم نضع صينية فوق الوعاء ونتركها تختمر في مكان دافيء لمدة ساعة ونصف .

بعد ان تختمر العجينة جيدا نحضر صينية الفرن بقياس 90 *60 سم او 60*60 سم او اي صينية اخرى متوفرة وندهنها بالقليل من السمن , ونمد العجينة بشكل متناسق وبأرتفاع نصف سم . ونبدأ باضافة المواد عليها وبالتدريج وحسب الرغبة .

نمد الكشب اولا ثم نقطع البندورة شرائح والبصل جوانح ونوزعها على العجينة ونضيف الفطر والصوصج والزعتر الاخضر ونضيف اخيرا الجبنة المبروشة وما تبقى من الزعتر البري .

يمكن اضافة الزيتون المنزوع النوى وفليفلة خضراء او حمراء او صفراء وحسب الرغبة .

الخبز: نضعها في فرن حامي مسبقا (ربع ساعة قبل الاستعمال)ونخبزها لمدة نصف ساعة ثم يتم تحمير الوجه لمدة 5-10 دقائق .

نخرجها من الفرن ونقطعها حسب الرغبة والف صحة وهنا

[احمد]

يا سلام انا رايح جيب لحالي بيتز جاهزة وبلا وجعة هالراس
مع انو انا طباخ على كيفك استاذ غالب ومشهور بين رفقاتي بنفسي الطيب للاكل
وخصوصا المامونية تبعي اطيب من مامونية المستت بحلب
عموما استنو وصفاتي الشهية

[غالب]

باقي صور بيتزا عائلية منزلية

[BROKER]

اييييييييييييييه


شو هاد ؟؟

والله شي بشهي

جوعتنا

لاء وفيها ابداع ..... لاني بعرف البيتزا مدورة بس هي مستطيلة

شي طيب والله

انا شفت عالصور بس ما قرات الوصفة

[Ahmadhsn]

اقتباس: المشاركة الأصلية كتبت بواسطة broker    اييييييييييييييه شو هاد ؟؟ والله شي بشهي جوعتنا لاء وفيها ابداع ..... لاني بعرف البيتزا مدورة بس هي مستطيلة شي طيب والله انا شفت عالصور بس ما قرات الوصفة

الصور ما بتخليك تقرأ ....
مشكور ابو النور .... والله شهيتنا ....

[saeed]

عنجد شي بشهي كتير ....
الله يعطيك العافية ... والصور أحلى وأحلى ....

[Rihab]

شكراً أخ غالب على هالوصفة

وفي بيتزا بالخضار بيتنجان وكوسا، نفس المقادير بس بدون الصوصج والتي هي نقانق

[Rihab]

اقتباس: المشاركة الأصلية كتبت بواسطة احمد    يا سلام انا رايح جيب لحالي بيتز جاهزة وبلا وجعة هالراس مع انو انا طباخ على كيفك استاذ غالب ومشهور بين رفقاتي بنفسي الطيب للاكل وخصوصا المامونية تبعي اطيب من مامونية المستت بحلب عموما استنو وصفاتي الشهية

نحن ننتظر سر وصفة المامونية

[Aziz]

شو هالابداع اخي ابو النور رح بساويها وبعطيك النتائج