وتتأخر الأفكار حتى تنجح

[beautiful life]

لعله من أصعب المواقف التي تمر على الواحد منا هي حين يملك فكرة جديدة، تساعد فعلا على تقليل النفقات والإنتاج الوفير ومن ثم تأتي بالربح الكثير، لكن رغم ذلك يرفض الناس الاقتراب من الفكرة أو شراء المنتج الذي يجعل كل هذا يتحقق. لكن الأصعب منها حين تسيطر هذه الفكرة على عقل الفرد منا، لكنه لا يجد الأدوات والتقنيات التي تساعده على تحويلها من مجرد فكرة إلى منتج فعلي ناجح.

كان هذا حال الأمريكي روبرت ماكورميك والمولود في عام 1780، الذي عمل كمزارع ثم انتقل للعمل في ورشة حدادة يصنع للمزارعين معداتهم ويصلحا لهم، لكنه كان كذلك ذا عقل مخترع، أردا أن يوفر للمزارعين الأمريكيين وقتهم وتعبهم ويزيد إنتاجية حقولهم ومن ثم إنتاجهم من حقول القمح، ففي هذا الوقت من الزمان، كان الوقت المناسب لحصاد وجمع محصول القمح يستمر عدة أيام قليلة، وكانت قدرة الحاصد الواحد من بني البشر فدانا واحدا من القمح لكل يوم عمل في الحصاد اليدوي، يليها فترة خمول طويلة يقضيها المزارع في مراقبة محصول القمح التالي وهو يكبر حتى يبلغ وقت الحصاد. (تكلفة الاستعانة بعمالة مؤقتة أو شراء عبيد للحصاد كانت أكبر من منافعها، كما أن هذه العمالة كانت نادرة في هذا الوقت).







وفق هذه المعادلة، لم يكن من المجدي زيادة المساحة المزروعة بالقمح، ما لم يكن لدى المزارع الأيدي العاملة القادرة على حصاد كل المحصول قبل أن يفسد ويذبل على أرضه، وشغلت هذه تفكير روبرت، الذي أخذ ينمي مهاراته ويقرأ ما توفر تحت يده من منشورات تحدثت عن عالم الزراعة، وتبادل المعلومات والخبرات مع أقرانه من المزارعين. كان روبرت مخترعا يصنع ما يريده من آلات مستخدما ما توفر تحت يده من موارد، حتى أنه سجل براءات اختراعات لعدة آلات زراعية، ركزت كلها على محاولة تسهيل عملية زراعة القمح.

رزق الله روبرت ابنا شاركه حبه للآلات وللاختراعات، اسماه سايروس، ورث عنه اهتمامه بالوصول إلى حل آلي يساعد على حصد مساحات أكبر من محصول القمح. تعود محاولات حل هذه المعضلة الزراعية إلى أيام الرومان، ورغم أن أفكارا كثيرة تجسدت في صورة حاصدات شبه آلية خرجت من أذهان مخترعين كثرة في انجلترا وأمريكا، لكن إقناع المزارعين المتشككين كان عملية شديدة الصعوبة، يزيد من وعورتها ارتفاع أثمان هذه الحاصدات بشكل يفوق قدرات المزارعين العاديين، كما أن عددا كبيرا من هذه الآلات الحاصدة كان يعطي نتائج متواضعة في أفضل الظروف.

في صيف 1831، حين بلغ سايروس الابن عامه الواحد والعشرين، كان يعمل على تحسين اختراع حاصدة آلية معدنية اخترعها أبوه في عام 1816 ثم انصرف عنها إلى أشياء أخرى، على أن روبرت لاحظ أن هذه الأخيرة تحمل مؤشرات إيجابية تفيد على قدرتها على النجاح، رغم ما فيها من عيوب ونواقص. بالتعاون معا، تمكن الأب والابن من صنع حاصدة يجرها الحصان (أو الثور) تمكنت من حصاد ثمانية فدادين في يوم واحد. في هذا الوقت، كانت الحاصدة تقتلع سيقان القمح وتجمعها معا ثم تضعها على الأرض.

في سبتمبر 1833 بدأ سايروس في الدعاية لآلته الحاصدة الجديدة بعدما أدخل عليها تعديلات عدة، مقابل 50 دولار، لكن لم يشتريها أحد. كان المزارعون يشاهدون العروض التجريبية لآلة الحصاد، ثم يحجمون عن الشراء، خوفا من تجربة شيء جديد عليهم تماما، لكن خوفهم من ترك عاداتهم القديمة والموروثة كان أشد. كان البعض يشكو من جفول الجياد خوفا من هذه الآلات، والبعض الآخر شكا من تعطل هذه الحاصدات وعدم قدرتهم على إصلاحها بعدها. كان هذا الخوف مبررا، فمن يشتري آلة يخزنها طوال العام ثم يستعملها لمدة أسبوعين استعمالا كثيفا، كان يفكر في إجابة السؤال: ما العمل إذا حدث وتعطلت هذه، من سيصلحها للمزارع بشكل سريع، خاصة وأن المحصول لن ينتظر أحدا.

[BROKER]

لعله من أصعب المواقف التي تمر على الواحد منا هي حين يملك فكرة جديدة، تساعد فعلا على تقليل النفقات والإنتاج الوفير ومن ثم تأتي بالربح الكثير، لكن رغم ذلك يرفض الناس الاقتراب من الفكرة أو شراء المنتج الذي يجعل كل هذا يتحقق. لكن الأصعب منها حين تسيطر هذه الفكرة على عقل الفرد منا، لكنه لا يجد الأدوات والتقنيات التي تساعده على تحويلها من مجرد فكرة إلى منتج فعلي ناجح.

شعور بيحرق القلب .... واذا شفتي حدا من الحكومة وحكيتي المشروع وانتي في غاية التفاؤل انه رح يوافق ويمكن يقوم ويضربلك تحية لانك شابة عم تخدمي الوطن متل ما هنن بقولوا شعارات ليل نهار .... رح تتفاجأي انو رح يحطلك مليون عثرة امامك .... واول عثرة رح تشوفيها هي "الموافقة الامنية" معضلة التطور والنهضة في بلاد القطب الواحد الاعوج ..... وبس تروحي لعند القطاع الخاص يلي على اساس بيفهم، رح تلاقي عقليتو متحجرة ورح تنصدمي انو انتو قطاع خاص ليش هيك انتو كمان "حيطان"؟؟؟؟... رح يقلك ويخبرك ان الموضوع بدو دولة بحالها تخدمو ولو كانت فكرتك صغيرة بس المهم انو بدو يصعبها عليكي ..... وفي حال توجهتي للمؤسسات الاهلية ومنها احيانا بتكون دولية ومستقلة... رح تشوفيها عبارة عن مركز للحزب او فرع اضافي للفروعة العشرطعش بالبلد ... ومالها لا مستقلة ولا محايدة ... ورح يقلك مديرها بعد ما تنسلا عافيتك لحتى تقابليه .... والله مو من صلاحياتنا هاد العمل ... فوقت بتورجيه الشعار يلي حاطو ورا ضهرو شو بقول .... رح يقلك (هاد حكي جرايد لحتى نعلقو عالحيط )..... وبس تسأليه "يعني انت معترف.؟؟" بقلك (روحي دوري على وظيفة لشو عم تعذبي حالك وتتعبي ؟؟؟)
وآخر شي ممكن يوصلك اتصال فحواه ( "تعي لعنا" ) مشان يسألوكي بعد ما ينطروكي خمس ساعات لا شغلة ولا عملة غير دقات قلبك النابضة بسرعة ..... وبالآخر بيجي واحد مو عرفان الله وين حاطو ... وبينظر الك بنظرة فوقية وكأنو صرلو عم يصرف عليكي دهر ... وبقلك "شو اسمك إنت؟؟" وبس تقولي اسمك بقلك اي خليكي متنتظري لكان .... وبس يخلص الانتظار يلي كان مقصود لحتى تحرمي تفكري هيك افكار "ارهابية" بتفوتي لعند سماحتو ابو سنان مكسورة مشان يسألك أذكى سؤال بالعالم ( من وين جايبة هالفكرة هااا ؟؟ قولي من وين ؟؟ مين عباها براسك ؟؟ ) وكأنك جايبة فكرة بتخرب الدنيا مو فكرة بتساعد اهلك وناسك واخوتك ببلدك لحتى تكون احلى واجمل وارقى ....... وآخر شي بقلك لا بقى تعيديها للجريمة .... وبس تطلعي رح يجي لعندك يلي شافك برا "أبو فهمي" ورح يقلك عطينا الحلوان .... فانتي رح تنبسطي وتفكري انو كانوا عم يمزحوا معك وهلأ رح يفاجؤوكي انو فكرتك رح تعرض للتبني .... ولكن بيطلع اخونا بالله بدو الحلوان لانو دخلك بعد خمس ساعات مو ستة ..... وياترى السؤال ::::: رح تبقى الفكرة ببالك ولا عملولك عليها شيفت مع ديليت ولهيك منشوف البلد بحالة تطور دائم ومستمر ؟؟؟؟؟

[عابر مجيب]

مسا الخير
أحلى شي لما بيجيك واحد لبناني أو أردني وبيتفلسف عليك ، أنو أنت ليش ما بتحرك الشغل ؟ وبيحكي عن تجربتو بأتوبيس بحري أو جولة بسكليتات يا أخي مخيمات أو منطاد، طبعا المنطاد مكشوف ، حيلة ،لكشف عوراتنا العسكرية، لأنو ما حدا بيعرف الأقمار الصناعية ،العالم كلو عم ينتظر السياح يجوا ويصوروا وبعدين ينقض علينا .
طبعا انت بيدور ببالك المشروع من بداية أبو فهمي وأبو سنان مكسرة ، لحد الاحباط وخسارة الوقت والمال .
أحلى جواب : تبتسم امتنانا لنصيحته وبتوعده انك تفكر بالموضوع ، غير هيك بتكون عم تنشر غسيلنا الوسخ ! تخيل ! بدل ما يغسلوه منيح .
بس والحق يقال أي مشروع بتصرف عليه منيح بينجح وألف مين بيشاركك .
بلكي بنعمل سيرياستوك المساهمة المحدودة
تحياتي .

[beautiful life]

شكــــــــلي كبست عالجرح .......... بس سؤالي يلي ما اله جواب ... شو الحل ؟؟؟

[عابر مجيب]

اقتباس: المشاركة الأصلية كتبت بواسطة beautiful life    شكــــــــلي كبست عالجرح .......... بس سؤالي يلي ما اله جواب ... شو الحل ؟؟؟

للحياة سنن وقوانين ، ولا يصح إلا الصحيح .
حتى الأنهار مهما تعرج مسارها ، تحت ( من الحت ) من جانب وترسب في الجانب الآخر حتى تستقيم .
تحياتي .

[عابر مجيب]

صباح الخير
آنسة بيوتيفل لايف (ما بعرف اسمك غير هيك) بس بعرفك طالبة اقتصاد، ممكن أذا بتعرفي تحلي هالمسائل ؟
مطلوب كتابة خوارزميات لما يلي :
-ادخال مجموعة من الأعداد وحساب مجموعها ومتوسطها الحسابي والعدد الأكبر والأصغر .
-ايجاد قواسم عدد محدد
-ايجاد الأعداد الأولية من 1 حتى عدد آخر محدد
-ايجاد عاملي عدد محدد
-ايجاد المضاعف المشترك الأصغر والقاسم المشترك الكبر لعددين
-ادخال وترتيب مجموعة من الأعداد بشكل تصاعدي
-البحث عن عدد ضمن مجموعة أعداد مرتبه
-ادخال علامات طلاب السنة الأولى في المعهد وحساب المتوسط الحسابي والانحراف المعياري والتقدير لكل طالب
-اصدار كشف حساب لزبون يتضمن تفاصيل فواتيره ودفعاته

يمكن وظيفة صعبة ، لا تخجلي إذا ما عندك وقت .
تحياتي .

[Tigerssound]

ان الفكرة في البلاد اللتي تحترم العلم والعقل هي كاشجره جزرها بالأرض وفرعها في السماء وسرعان ما تجدون من يشجع ويدعم حتى تقطف الثمار للابد

اما في البلاد المتخلفة الجاهله فهي كالخس كلما كبر قطعوه واذا اعجب الزراع وضعوك جانبا وزرعوه لأنفسهم وانت تنظر وتتنتظر ويمر العمر دون ان تدري.

[BROKER]

اقتباس: المشاركة الأصلية كتبت بواسطة beautiful life    شكــــــــلي كبست عالجرح .......... بس سؤالي يلي ما اله جواب ... شو الحل ؟؟؟

الحل عم يصير حالياً .... بس ما بينحل لحتى يكون بدنا ياه فعلاً

[فراس السكري]

[beautiful life]

اقتباس: المشاركة الأصلية كتبت بواسطة عابر مجيب    صباح الخير آنسة بيوتيفل لايف (ما بعرف اسمك غير هيك) بس بعرفك طالبة اقتصاد، ممكن أذا بتعرفي تحلي هالمسائل ؟ مطلوب كتابة خوارزميات لما يلي : -ادخال مجموعة من الأعداد وحساب مجموعها ومتوسطها الحسابي والعدد الأكبر والأصغر . -ايجاد قواسم عدد محدد -ايجاد الأعداد الأولية من 1 حتى عدد آخر محدد -ايجاد عاملي عدد محدد -ايجاد المضاعف المشترك الأصغر والقاسم المشترك الكبر لعددين -ادخال وترتيب مجموعة من الأعداد بشكل تصاعدي -البحث عن عدد ضمن مجموعة أعداد مرتبه -ادخال علامات طلاب السنة الأولى في المعهد وحساب المتوسط الحسابي والانحراف المعياري والتقدير لكل طالب -اصدار كشف حساب لزبون يتضمن تفاصيل فواتيره ودفعاته يمكن وظيفة صعبة ، لا تخجلي إذا ما عندك وقت . تحياتي .

هههههه .. باتمنى حلها .. بس أنا ماني طالبة اقتصاد .. أنا عم ادرس علم حياة واسمي جوهر ... ليش عطيتني هالمسألة شو المقصود ؟؟