الدولار يقترب أكثر من كسر حاجز الـ 70 ليرة هبوطاً ...!

[ابراهيم طاهر]

الدولار يقترب أكثر من كسر حاجز الـ 70 ليرة هبوطاً ...!؟ 18/03/2012

دمشق – خاص – سيرياستيبس: يواصل الدولار انخفاضه بهدوء أمام الليرة , ففي الوقت الذي حددت اللجنة المكلفة بالتسعير سعر صرفه في نشرة التدخل بـ 78.5 مبيع و 75.5 شراء, كان سعره في السوق السوداء يتراوح بين 73 و 77 ليرة ...ما يعني أن الدولار يقترب أكثر من كسر حاجز الـ 70 ليرة هبوطاً و هو هدف وضع منذ البداية عبر مراحل التدخل .. هذا و سجل سعر صرف الدولار أمام الليرة في لبنان 75 ليرة في حين كان سعر صرفه في الأردن 74.5 ليرة .. هذا و لدى سؤال مدير عام المصرف التجاري السوري السيد أحمد دياب – عضو اللجنة المكلفة بتسعير الدولار - عما إذا كان تفجيري دمشق الإرهابيين قد أثرا على سعر صرف الدولار ...أكد عدم تأثر سعر الصرف بالوضع الأمني نتيجة التفجيرين , ما يدل على أن التدخل في سوق الصرف يتم بهدوء و حكمة .. ولافتاً إلى أن الكميات التي يتدخل بها المركزي يومياً لا تكاد تذكر خاصة و أن السوق بدأ يغذي نفسه بنفسه مع الإقبال على بيع الدولار من قبل المتعاملين .. هذا و تسعى السلطات النقدية إلى إحداث التقاء بين السعر الرسمي الذي يصدر بشكل يومي عن المركزي ضمن نشرة أسعار الصرف الرسمية و سعر التدخل في السوق و الذي أدى إلى انخفاض منذ بدء التدخل قبل أسبوعين بمقدار 40 ليرة , إذا ما أخذنا الحد الأعظمي الذي وصل إليه الدولار و هو 107 ليرات ... و يبدو أن المرحلة الأقرب للتحقق هو تأمين انخفاض الدولار إلى سعر 65 ليرة و من ثم العمل على تأمين استقرار سعر صرفهِ ...

[مجرد إنسان]

هالكلام من اي كوكب جاي ؟
تفجيرات وتبديل عملة ، ومدري شو وبضلو بقناة الدنيا يقولو 60 60 60 60 60 60 لحتى الناس يعلق ببالها الستين وتخاف وتبيع وآخر شي بيطلع اللي عم يشتري هو هالدولة اللي عم تضارب عالسوق !
نصيحة لوجه الله : اذا ما بدك تشتري دولار وذهب (لاسبابك الخاصة) ، خدلك شوية مونة : زيت ، سمنة ، رز ،أدوية ، أغذية أطفال ، أغذية عادية لك ولعائلتك يعني ضرورات الحياة لحوالي سنة قادمة ، مشان ما تزعل كتير اذا طلع الدولار ، خصوصي اذا كنت من اصحاب الدخل المحدود :متلي

[نضال العلي]

في عالم الرياضة يقولون :
من السهل الحصول على اللقب ، و لكن من الصعب الحفاظ عليه.

و عليه : ليس المهم تخفيض سعر صرف الدولار الى 70 ل.س، و لكن المهم هو عدم السماح له بالأرتفاع مرة ثانية .

[GoldMan$]

اقتباس: المشاركة الأصلية كتبت بواسطة مجرد إنسان    هالكلام من اي كوكب جاي ؟ تفجيرات وتبديل عملة ، ومدري شو وبضلو بقناة الدنيا يقولو 60 60 60 60 60 60 لحتى الناس يعلق ببالها الستين وتخاف وتبيع وآخر شي بيطلع اللي عم يشتري هو هالدولة اللي عم تضارب عالسوق ! نصيحة لوجه الله : اذا ما بدك تشتري دولار وذهب (لاسبابك الخاصة) ، خدلك شوية مونة : زيت ، سمنة ، رز ،أدوية ، أغذية أطفال ، أغذية عادية لك ولعائلتك يعني ضرورات الحياة لحوالي سنة قادمة ، مشان ما تزعل كتير اذا طلع الدولار ، خصوصي اذا كنت من اصحاب الدخل المحدود :متلي

الله ينور عليك انا هيك عملت كان معي مبلغ صغير واشتريت فيه حاجات ضرورية للصغير تكفيني سنة ما مشان الغلاء ولكن خوفا من انقطاع المواد من السوق لقلة الاستيراد
وجب موونة للبيت ... بس ياخوفي يجي حدا ويقول اني عم احتكر واطلع غير وطني

[فهد]

قبل ما يتدخل المركزي
كان بيقولو سعر الدولار بالسوق السوداء 90
وبعد ما ادخل صار بيقولو والله كان موصل 107 يعني بشان يضهرو انو والله خفضناه كتير 40
بس بدي اعرف من وين اجت هالاربعين ليرة

[GoldMan$]

شباب انتبهتوا الى جملة (ولافتاً إلى أن الكميات التي يتدخل بها المركزي يومياً لا تكاد تذكر خاصة و أن السوق بدأ يغذي نفسه بنفسه مع الإقبال على بيع الدولار من قبل المتعاملين .. )
شو معناه هالحكي ؟؟؟؟ برأيكم المركزي عمل فلم هندي وطرح كميه صغيرة وخلى الناس المساكين ترتعب وتبيع كل ما عندها خوفا من الهبوط ... وبس يخلصوا هالدراويش بيع دولاراتهم وخاصة انو معلوماتي انو في تجار لسى عم يلموا .... لوين رايحين ؟؟؟؟؟