صالة أسعار صرف الدولار وباقي العملات مقابل الليرة السورية ليوم الجمعة 17-5-2013

[عابر مجيب]

اقتباس: المشاركة الأصلية كتبت بواسطة المضارب الحسكاوي    طيب يا اخي انت شو كنت تقترح الشعب السوري صار بين امرين احلاهما مر وصدقني كل العالم بتعرف العملة السورية راح تتدهور بس ايمتى هاد هو السوال ما حدا بيعرف وكلام اخواننا عن رجوع العملة بجوز طولت فترة التدهور شوي وهاد لصالحنا كلنا يعني لو كل العالم توجهت للدولار العملة السورية بتموت بيومين وما تنسى عندك نص العالم عايشة على الراتب بالعملة السورية ولذلك ارجوك انو كتاباتك تكون لصالح الليرة السورية حتى لو انت غير مقتنع مشان ما يموت الشعب جوعا

واضح من كلامك حرصك وطيبة قلبك ، بس مو كل الناس بتعرف ، لو بيعرفوا لا كانوا سألوا ولا كانوا تضرروا ، انا بعرف بنت وحيدة ورثت من ابوها سبع ملايين ، حطتهم بالبنك وسافرت للدراسة ، كل أهلها وقرايبها ما بيعرفوا شي لا عن العملة ولا عن التضخم ولا عن الانهيار ، كل اللي بيعرفوه ان الأسعار عم ترتفع وكل يوم أسوأ من اللي قبلو .
البنت مطمئنة ومتأملة انها رح ترجع وإذا ما صار نصيبها بتشتري بيت وبتعيش من شي وظيفة .
شو شعورها لما رح تلاقي كل ماتملك ما بقى يساوي غرفة مع جيران ؟
شو رأيك نعطيها أحلام وردية ونأجل ؟
البنت الكل بيتعاطفو معها ، مع ان الأولى الرجل اللي رح يكون مسؤول عن اسرة
انت في بلد لسا الناس فيه بياخدو علبة الدواء القديمة للصيدلي لأنهم ما بيعرفوا غير لونها وبيقارنو شكلها مع القديمة ، والمتنورين ما بياخدو العلبة كاملة ، بيقصوا منها قطعة ، وبس يقول الصيدلي في بديل بيتركوه وبيطلعوا لغيرو ، او بيتصلوا بالطبيب وبيقولوله انت قلو اسم الدواء.
إذا في ناس راحت بيوتها ضروري نكمل على البقية ؟
على الاقل تصرف بقناعة إذا مو منشان حدا منشان ضميرك
أكيد لو عدت النظر في مداخلتك رح تلاقي انو ما كان قصدك تنصح باتباع ما يخالف القناعة ، لأن الاعمال دوما بالنيات .

[sajed]

مشكوور أخونا الكريم باسل على أسعار الدولار والذهب بحلب

الأسعار مطمئنة للخير الله يبشرك بالجنة

[خبير تكتيكي]

تحاتي للجميع : موظفوا المركزي عاجزون عن التدخل بسبب الرعب اذا تدخلوا وفشلو كالعادة خائفون من المحاسبة وتركوا التدخل لمن يتدخل على مسؤليته ...اي لا تدخل حتى هذه اللحظة واذا تدخلوا سيكون تدخلهم هزيل وسيكون له مفعول عكسي ..وليس لديهم سوى التصريحات وهذه لن تصمد الا لساعات كقصة الراعي الكذاب .اي مهما قالوا او فعلوا لا احد ياخذ تصريحاتهم على محمل الجد ...يعني الدولار اخر الشهر مابين 250 و300 ليرة .حتى من يريد المساعدة من الخارج بات مقتنعا بانه يرمي دولاراتة في بئر ليس له قرار .ومع ذلك سيرمي مالدية في هذا البئر ,لأن ليس لديه اي خيار .

[omar1964]

مساء الخير
اذا كان في زر شكرا حتى الواح يشكر يلي كتب المشاركة المفيدة و يلي عاجبتو .
خطر ع بالي سؤال ( ما الو علاقة بالمشاركات المنشورة اليوم او غير اليوم !! منشان ما حدا يزعل ) ممكن يكون في زر عكس الشكر ( تبا , سحقا أو .... بهالمعنى ) .
شكرا و شكرا و الف شكرا

[عابر مجيب]

اقتباس: المشاركة الأصلية كتبت بواسطة abdulmajed    يسلم هل التم استاذ عابر مابفوت على المنتدى إلا لاقراء كتاباتك ياكيدهم big grinbig grinbig grin

والله انا بشكرك على تقديرك ، بس انا بكل أمانة بكتب وأنا خارج عن الموضوع بما يمليه ضميري فقط
أنا لا ناقة لي ولا جمل ، واقتصاديا انا بحكم المتقاعد من زمان ، بس انا بطبعي ما بحب الافتراء من اي طرف كان ، والله ما حدا آذاني بحياتي بالقدر اللي عملو معي خالي ، لأنو كان يغار مني ، ما كنت حبو ، بس وقت اللي كانت أمي تنزعج وتتجنى عليه أوقفلها ودافع عن الحق واتخلى عن مشاعري الشخصية .
يمكن هاد اللي بيخلي كلامي مقبول لأني بكتب بصدق عن تجارب حقيقية ،خارج عن اي مصلحة شخصية أو تحيز ، ما بزين ولا بحاول نافق أو جمل الصور إلا حسب الواقع ، لذلك بيكون كلامي مؤذ بواقعيتو ومفحم لمن لا يرضى بالإنصاف .
شكرا لاطراءك .

[alternative]

[عابر مجيب]

اقتباس: المشاركة الأصلية كتبت بواسطة المضارب الحسكاوي    ارحمو عزيز قوم قد ذل يا صديقي ساجد والله الشعب السوري انذل لما تم طرده من بيوتهم وصار لاجئ ويعيش بالمساعدات والله يكون بعونهم وما ضل شي نفتخر فيه طار كل شي والله يستر من الاعظم

العزيز يبقى عزيزا والذليل من أصلو ذليل ولا يهمك

[أبو وحيد]

اقتباس: المشاركة الأصلية كتبت بواسطة لقماان    مساء الخير للجميع و الشكر الجزيل لأخونا أبو وحيد على افتتاح المتابعة و نحن بنتشرف بافتتاحك للجلسة مو بس منسمحلك... بس بدك تعطينا وعد انو ما يضل ابنك وحيد ...وحيد... يعني بدنا تشد حيلك ..شي عشرة اخوة و اخوات لألو ,,,,,,, بس ما يؤوم هالحكي ما يعجبوا ...لوحيد مشان يتموا وحيد ... و ما يخدم بجيش الوطن...........

ههههههههههه تكرم عينك أخي لقمان .. بس ليجي وحيد منجبلو أخ تبقى

[عابر مجيب]

اقتباس: المشاركة الأصلية كتبت بواسطة aymtal    أخي العزيز عابر أنا عطول بهتم و بتابع كل مشاركاتك لانها قيمة رؤيتك بالفعل قيمة و مفيدة و لو لاحظت اجابتي أنها بتضمن رأيك نفسو أنا الت اذا انتهت الازمة و لا سمح الله بطريقة اخرى متل لبنان مثلا أو العراق فبأكدلك انو العملة السورية راح تكون متل العملة اللبنانية . يعني رأيك من رأيي بس انا حطيت احتمال أخر و لو كان ضعيف و هو عودة سوريا متل ما كانت ابل الازمة بدون تقسيم بدون كنتونات و هادا الخيار ربما يخفف من الاضرار و يصير نص مصيبة أهون من مصيبة كاملة يعني حل وسط أقل من الكويت و أحسن من لبنان و العراق و الك عطول كل الشكر

فشر حدا يعمل خلاف بيننا ، وأنا ما خالفتك أنا شرحت بطريقة تانية تخيلتها أكثر توسع .
اليوم فرحان بالنت ، شغال وسريع وعم عوض الأيام الماضية وما تركت حدا وما تحركشت فيه

[عابر مجيب]

اقتباس: المشاركة الأصلية كتبت بواسطة shereen    انا برايي بهالبلد دائما اليوم احسن من بكرا واللي بيسبق بياكول بندق

خير الكلام ما قل ودل
قمة البلاغة والايجاز