dr-hussein
|
آخر نشاط: 10-09-2014 05:19 PM
رسائل الزوار
عرض رسائل الزوار 1 إلى 9 من 9
-
-
تتمة
4- القطع الأجنبي بالبنك عالي وفيك تعرف هالشي من حجم أرباح وخسائر القطع يلي عم تطلع عندو
5- رأسمالو كامل ومالو بحاجة لزيادة رأسمال بالمستقبل مما يعني فرصة إنو يوزع الأرباح أكبر عندو من أي بنك تاني"
وأنا محفظتي أخي فيها قطر ولسا بدي عادل فيه السعر أكتر
هلأ في حقيقة كانت مخوفة بعض الناس هية إنو القطع الأجنبي تبع بنك قطر سورية مودع بودائع عند بنك قطر الأم بقطر
بس الحقيقة أنا ما بشوف مشكلة أو خطورة بهالشغلة لأنو هاد بالنهاية بنك إلو سمعة عالمية ما رح يخربها بحجز ودائع فرع سورية كرمال كم مليار سمعتو المنيحة بتخايه يربحون بشكل يومي وخاصة إنو هي الأموال مو أموال حكومة
الله يوفقك أخي ويخترلك الخير يا رب
وتكرم عينك بأي سؤال -
هي جزء من رسالة أخي كنت باعتتها لأحد الأعضاء
"رح قلك أخي ليش قطر مع إنو نازل أقل من الإسلامي برأيي في عدة عوامل :
1- اليوم سعر قطر 60 وبكرة بأول جلسة رح يكون تحت الستين ولما الناس تجي تشتري ما بتتطلع مين نزل أكتر بحياتو وإنما مين سعرو هلأ أقل "أو خلينا نكون دقيقين سعرو أقل بالنسبة لوضعو كبنك"
2- إذا بتتطلع أخي على القوائم المالية لقطر بيتلاقي إنو كل قروضو والإئتمانات يلي مانحها حالياً مليارين وأربعمئة مليون "يعني مقارنة برأسمالو والبنوك الأخرى " ولا شي. لأنو أخي صايرة قصة القروض يلي مانحتها المصارف مشكلة بالفترة الحالية لأنو في كتير ناس كان عليها قروض ماعاد سددت الأقساط يلي عليهون يا لإنون سافروا برا البلد أو ما عاد قدر البنك يوصللهون بسبب سوء الأوضاع وما عم يعرف وين صارت عناوينون وأصولون الله أعلم شو صار فيها. لو قطر اضطر يعدم كل ديونو لسبب ما فما رح يتأثر كتير لأنو المبلغ مو كبير
3- عدد فروع البنك قليل وخاصة بالأرياف شبه معدوم ففرصة تعرضو للسرقات أو الأضرار المادية أقل
يتبع -
هلأ بصراحة أخي الدكتور حسين أنا مستغربة كتير إنو الإسلامي لسا طالع
بس أنا مو متوقعة هالصعود مستر وبتوقع إنو إذا بتستنى شوي ممكن تاخدو عند الـ 70 تقريباً
وكون دخلك بالدولار فهاد شي كتير إيجابي في الفترة الحالية بتخليك تاخد الأسهم على مهلك لأنك مو مضطر تشتري حفاظاً على مدخراتك
أنا الحقيقة أخدت شوية إسلامي عند الـ 66.5 وعم حاول اقنع الوالد يبيعون بس هو مو رضيان "خوفاً من الليرة" لأنو المحفظة للوالد أنا بس محرك المحفظة
اليوم أنا نصيحتي هية قطر بصراحة وكمان للشراء على مهل برأيي "يعني أخي قسم الكاش يلي عندك" 3 أو أربع اقسام حسب حجم الكاش وكل يوم اشتري شوي وبس تشوف السوق طالع خود ببقية الكاش و؟إذا ضل نازل خليك عم تاخدو على أقسام
أنا هاد رأيي كتور والله يوفقك بقرارك
آسفت عالتأخير بس أنا ما عم فوت عالمنتدى تقريباً غير بالجلسة -
-
-
بس قلي أخي الدكتور حسين هاد النمر حقيقي؟؟ وهاد انت يلي جنبو
-
تتمة :
حالياً بتذكر إنو عقد سيرياتيل خلص يمكن 2010 ورجعوا جددوه كم سنة بس مو متأكدة لإيمتى بس فيك تسأل عن هي المعلومة والتواريخ بسيرياتيل نفسها "قسم المساهمين" أو شي شركة وساطة، لأني بصراحة مو متأكدة منون
وبالنهاية اخي هدول مصاريك وهاد استثمارك أنا شرحتلك أسبابي لتقدر إنت تفاضل الأمور بعقلك وتشوف شو بدك تقرر وتدرس اكتر من رأي بضوء الأسباب وتتخذ قرارك
وبالتوفيق شو ما قررت وإذا بدك أي توضيح أو استشارة فنحنا موجودين وتكرم عينك -
أخي الدكتور حسين
أنا بفضل متل بروكرنا الإسلامي لأنو سهم مدرج والبورصة هي أول شي بيطلع عند انفراج الأوضاع السياسية ومعظم الأسهم المدرجة "الإسلامي احدها" سعرو حالياً أقل من قيمتو الدفترية والإسمية وبالميتة عند تحسن الأوضاع عندك طلعة للإسمي "100" هاد بالميييييتة
أما سيرياتيل أنا خايفة حالياً لأنو قدامو إحتمالين باعتبار عقدو BOT : هاد أخي نوع من العقود بيسمح لأشخاص أو شركات عادية تستثمر الشغلة لمدة معينة بعدين بترجع ملكية هالشغلة "يلي هية هون شركة سيرياتيل للدولة":
الاحتمالين بعيداً عن أي نقاش سياسي ولكن غير بعيد عن احتمالاته
:
1- عدم سقوط النظام الحالي "كنا موعودين يطلع قانون ينظم هالموضوع و يقول إنو الشركة رح تضل للمساهمين للأبد لأنها انطرحت للإكتتاب العام" طبعاً هاد لسا ما طلع بسبب الضروف
2- سقوط النظام الحالي : ساعتها ممكن النظام الجديد "وباعتبار راماك ورامي مخلوف مالك شي نصها " تقوم بخطوة إنتقامية منو باستملاك الشركة باعتبار العقد بيعطيها الحق وما تعوض شي لحدا فتضرو وتضر معو كل مساهمين سيرياتيل
يتبع.......