سعر صرف الليرة مقابل الدولار 16-7-2012 في السوق السوداء

[M3Maher]

اقتباس: المشاركة الأصلية كتبت بواسطة مجد    سؤال لم يساله احد لماذا لا تقوم الدولة بمساعدة النازحين الذي هجرتهم الاحداث (العصابات المسلحة حسب التوصيف الرسمي للمسلحين او المنشقين) .

السلام عليكم جميعاً
في سؤال تاني مهم أكتر
أنه ليش العصابات المسلحه أو المنشقين أو الجيش الحر أو شو ما كان يكونو
ليش ما يطلعو عالبراري والجبال والوديان والصحارى يقاتلو النظام أو الجيش النظامي أو الشبيحه أو شو ما كان يكونو ولا يدخلو بين الأبرياء والآمينين بالأحياء السكنيه فيتم قصف الأبنيه بمن فيها من أجل مسلح واحد مختبأ فيها !!!!
الثوار زمن الفرنسيين كانو يتخبو ببساتين الغوطه والجبال مو بين السكان والأحياء الآمنه
والله وصلنا لمرحلة القرف من كل الأطراف المتقاتله

[BROKER]

اقتباس: المشاركة الأصلية كتبت بواسطة f.fatina    طمنا أخونا بروكر وصلت عالأردن بالسلامة ؟؟؟؟؟؟؟ وكيفك انت وأهلك انشالله بخير أمانة طمني وإذا امك بتعتاز لأي مساعدة لأن أنا قريبة أنا جاهزة والله مارح قصر الك اخت هون بالشام

الحمد لله وصلت بالسلامة


شكرا الك اخت فاتنة انتي ما بتقصري

[عدنان و لينا]

اقتباس: المشاركة الأصلية كتبت بواسطة broker    الحمد لله على سلامتك انسة فاتنة "السنفورة" المشاغبة يعني يا غافل الك "الله" الناس بتكون في بيوتها وبعملها فجأة بشوفو الجيش "الوطني" عم يقصف يعني على الاقل لو كان هنالك حرب مع العدو بعرف انو في شي اسمو صافرات انذار لحتى تنزل العالم على الملاجئ وتحتمي من القصف ..... وصافرات لحتى تطلع وترجع لحياتها لكن جيشنا "الله يحميه" مو سائل على حدا إلا على البلد وامن البلاد وحماية البلاد آمنا وصدقنا وعرفنا وفهمنا الاسطوانة تبع العصابات الارهابية المسلحة يلي روعت العالم ..... طيب انتو شو عملتو ؟؟؟ يا محلى ترويع العصابات أما ترويعكم الحمد لله على سلامة الجميع وحسبنا الله ونعم الوكيل

هلأ عرفت مين هي سنفورة

[عدنان و لينا]

اقتباس: المشاركة الأصلية كتبت بواسطة broker    الحمد لله وصلت بالسلامة شكرا الك اخت فاتنة انتي ما بتقصري

الحمد لله على السلامة أستاذ رامي والله الظاهر أنك محبوب كتير

[Tareq]

اقتباس: المشاركة الأصلية كتبت بواسطة broker    الحمد لله وصلت بالسلامة شكرا الك اخت فاتنة انتي ما بتقصري

الحمد لله على سلامتك رامي. عم حاول اتصل معك بس كانو رقمك متغير او غلط

[عدنان و لينا]

اقتباس: المشاركة الأصلية كتبت بواسطة m3maher    السلام عليكم جميعاً في سؤال تاني مهم أكتر أنه ليش العصابات المسلحه أو المنشقين أو الجيش الحر أو شو ما كان يكونو ليش ما يطلعو عالبراري والجبال والوديان والصحارى يقاتلو النظام أو الجيش النظامي أو الشبيحه أو شو ما كان يكونو ولا يدخلو بين الأبرياء والآمينين بالأحياء السكنيه فيتم قصف الأبنيه بمن فيها من أجل مسلح واحد مختبأ فيها !!!! الثوار زمن الفرنسيين كانو يتخبو ببساتين الغوطه والجبال مو بين السكان والأحياء الآمنه والله وصلنا لمرحلة القرف من كل الأطراف المتقاتله

استاذي الكريم بس بتمنى منك ما تنسا انو هدول الناس اللي عمتحكي عليهن هن أبناء سوريا و من كل الأحياء بسوريا و يمكن يكونوا أبناء نفس الحي اللي عميدافعوا فيه عن أهلن و لما بيدخل لعندك حرامي عالبيت بده يقتلك أو يسرقك بتمنى منك لا تقعد بالبيت تروح و تقعد بالبراري مو مشان شي مشان ما تأذي أهلك وابقا لا تتدافع عنهن
الله لا يدوأك اياها قول آمين

[سندباد]

لا حدا يجي للميدان ماحدا عم يقدر يهرب ولا حدا عم يقدر يدخل.... قتال عنيف عم يصير بكل احيائه......اصوات تكبير و انفجارات و رصاص مصفحات قناصة يعني فلم اكشن بكل المعايير الهولودية ...وراصاص دخل للبيت ...يعني فرطت الشغلة ياشباب .....

ادعولنا الله يصبرنا ويثبت اقدامنا وينصرنا على القوم الظالمين...........

[M3Maher]

اقتباس: المشاركة الأصلية كتبت بواسطة عدنان و لينا    استاذي الكريم بس بتمنى منك ما تنسا انو هدول الناس اللي عمتحكي عليهن هن أبناء سوريا و من كل الأحياء بسوريا و يمكن يكونوا أبناء نفس الحي اللي عميدافعوا فيه عن أهلن و لما بيدخل لعندك حرامي عالبيت بده يقتلك أو يسرقك بتمنى منك لا تقعد بالبيت تروح و تقعد بالبراري مو مشان شي مشان ما تأذي أهلك وابقا لا تتدافع عنهن الله لا يدوأك اياها قول آمين

بشكرك على ردك أخي الكريم
أولاً أنا ما عم دافع عن حدا أبداً
وثانياً أنا كل يلي بهمني هو حقن الدماء بالوقت الحالي
لأن كفانا دماً ودماء أهلنا ليست رخيصه
يعني لحتى نقاوم المخرز لازم تنقلع عيون تلت رباع السوريين !!!

[f.fatina]

اقتباس: المشاركة الأصلية كتبت بواسطة broker    الحمد لله وصلت بالسلامة شكرا الك اخت فاتنة انتي ما بتقصري

إنشالله يارب ماقصر معك ولا مع أي حدا من أخواتي لي بحبن هون

[جنى]

اقتباس: المشاركة الأصلية كتبت بواسطة f.fatina    تسلم أخي طارق شفتو أن لسا خير بالبلد الحمدلله ع كل حال وع كل دريت أن بالميدان الوضع اليوم كمان مو منيح وأن الجيش الحر (أو العصابات المسلحة ) تمركزت ببعض مناطق بالميدان والزاهرة الله يحميكن انتو كمان

على فكرة العصابات المسلحة هنن يلي عم يقصفو ويهجرو
مو يلي عم يدافعو عن النفس؟