|
سعر صرف الليرة مقابل الدولار 16-7-2012 في السوق السوداء
أسعد الله صباحكم شهد يوم أمس تصحيح مسار المشاركات من حيث العدد والنوع على الأقل خمس أعضاء أفادونا بالأسعار طمنونا عن السنفورة |
رد: سعر صرف الليرة مقابل الدولار 16-7-2012 في السوق السوداء
صباح الخير الله يحمي الجميع ويفرج يارب لانه الفتيش مبارح مالو والي وانشا الله سنفورة و الجميع يكونوا بالف خير |
رد: سعر صرف الليرة مقابل الدولار 16-7-2012 في السوق السوداء
اقتباس:
اطمنت على سنفورة مبارح الساعة العشرة وكانت منيحة والله يحميها ويحمي البلد يارب ...... |
رد: سعر صرف الليرة مقابل الدولار 16-7-2012 في السوق السوداء
اقتباس:
|
رد: سعر صرف الليرة مقابل الدولار 16-7-2012 في السوق السوداء
صباح الخير |
رد: سعر صرف الليرة مقابل الدولار 16-7-2012 في السوق السوداء
يسعد صباحكن اخواتي
شفتو ليش أنا بحب هاد المنتدى أديش الجو حميم وأخوي شايفين كيف كلكن سألتو عني واستفقدتولي وأختي ياسمين ميارح كتيييييييييييييير انبسطت بتلفونا رح قلكن مبارح شو صار من طأطأ لسلام عليكم امبارح بدقلي أبي شي الساعة 5 وتلت بقلي أوعك تتأخري اليوم لأن الأمور خربانة ولا تجي من طريق المخيم لأن في مشاكل عند قسم شرطة التضامن تعي من طريق التضامن الجواني بين الحارات مافي مشاكل طبعاً هون دقتلي ياسمين تطمن علي (تسلم لقلبي ريتها) وكمان كنا عم نسمع أصوات قصف وشو أنا مفكرة أن القصف من كفرسوسة مو عرفانة أن القصف قريب من بيتي المهم أنا رجعت بمكيرو ميدان وكان في بنهر عيشة عالطريق مظاهرة وحرق دواليب وبس وصلت عالميدان وقفت انطر ميكرو وماكان يجي ميكرو أبدا أبدا طبعاً التكسي بس يعرف أنك طالعة عالتضامن أو عالمخيم لحالو بيهرب لهيك ماعزبت حالي ووقفت تكسي المهم وبعد طول انتظار اجا ميكرو فلسطين ركبت فيه قام نزلني عند القاعة لأن مافي طريق لجوى أبدا طبعاً أصوات القصف وأصوات الرصاص مو معقولة ورجعت من القاعة عالبيت مشي شي شوف نسوان عن تبكي وشي شوف مرة معانقه ابنها وخايفة عليه وعم تبكي وأنا مو عرفانة شو القصة (متل الأطرش بالزفة) المهم كان كأن يوم قيامة مشيت شي نص ساعة بسرعة كبيرة وأنا عم شوف هالمناظر واسمع أصوات الرصاص وبعد ماوصلت عالبيت عمتى زلغطت من فرحا (تخيلو) المهم شبكة موبايل مافي كهربا مافي أصوات الرصاص بتأشعر البدن وأصوات القصف الله يجيرنا قلي أبي بكرا مافي روحة عالشغل قلتله ماشي اليوم تركتو نايم وطلعت من البيت الصبح شي 8 مافي ركب ولا ميكرو ولا تكسي ولاشي مشيت نفس مشية مبارح لحتى لقيت تكسي فيو 3 قام دحشني معن من ورا هيك لوصلت اليوم عالشغل الله يعينا عالرجعة اليوم لأن عندي دورة مابتخلص ل 8 المسا تخيلوا روااااااااااااااق |
رد: سعر صرف الليرة مقابل الدولار 16-7-2012 في السوق السوداء
نسيت قلكن أن هدول لي كانو عم يبكو مبارح هن النازحين من تحت القصف
وفتحولن المدارس لينامو فيها واليوم شفت النازحين بعضن نايم بالشوارع (نسوان ورجال وأطفال) اليوم الصبح وأنا جاية الله يجيرنا ويحمي البلد من الظالمين والخونة |
رد: سعر صرف الليرة مقابل الدولار 16-7-2012 في السوق السوداء
اي الف الحمد لله على سلامتك والله يرضى عليكي بطليلي ياها الجأرة مرة تانية وسمعي كلام ابوكي |
رد: سعر صرف الليرة مقابل الدولار 16-7-2012 في السوق السوداء
اقتباس:
الله يحمي السوريين كلن |
رد: سعر صرف الليرة مقابل الدولار 16-7-2012 في السوق السوداء
اقتباس:
شكرا لك تم تصحيح التأريخ |
| الساعة الآن 05:20 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks