صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[ابن البلد البار]

اقتباس: المشاركة الأصلية كتبت بواسطة abd73fr    أحاول أن أستوعب الأمور التي يقوم بها المركزي هذا الأسبوع ولكن حتى الآن لا أستطيع فهم ذلك!!!! علما أنني أحاول ذلك أثناء الصيام وبعد الإفطار big grin 1- لماذا لم يتدخل المركزي إلى أن وصل سعر الدولار 370-380؟؟ مما أدى إلى رفع أسعار كل السلع في السوق!!! 2- من أين جاء المركزي بالدولار؟؟.. على أساس أنه حول الاحتياطي إلى يورو وفي كل مرة كان يعلن عن تدخله بمبلغ معين من اليورو!!! 3- إلزام شركات الصرافة بحضور جلسة شراء الدولار تحت طائلة المسؤولية!!!!!!!!!!!!!!! 4- تدخل المركزي لتخفيض الدولار بمعدل عشر ليرات كل جلسة وبمعدل جلستين كل أسبوع - حسبما هو معلن- طيب لماذا العالم تشتري اليوم ب 230 إذا كان بعد يومين راح يصير ب 220؟؟.. وإذا لم تبع شركة صرافة كل الدولارات التي أخذتها ب 227.70 هل تعيد المتبقي إلى المركزي؟؟.... صراحة مالي كتير مبسوط بهبوط الدولار لأنه لا تأثير له يذكر على الأسعار .... والله أعلم كيف ومتى سينعكس انخفاض سعر الدولار على أسعار السلع في الأسواق

مرحبا
أسئلتك بتحط العقل بالكف
على قولة الاستاذ عابر قلة إيمان يمكن ههههههه
مزحة أوعى تزعل
بس صدقاً معك حق ليش عم يشتروا وين عم تروح الدولارات؟

[عابر مجيب]

اقتباس: المشاركة الأصلية كتبت بواسطة lamita    يسعد مساكن ورمضان كريم ... حابة اخد رأيكن بخصوص الدولار ممكن ينزل لتحت قاع 200 ؟؟؟ عندي مبلغ اصرفو دولار ولا ممكن ينزل شو بتنصحوني ؟

سؤال بعلم ميالة وقرايبو واصحابو ومعارفو حصرا ، شوفي حدا منهم .
أو اضربيها ضربة غشيم واشتري بهاليومين ، بالناتج أكيد ما بتخسري
بس بيروح عليك فرصة كم ليرة زيادة ويمكن لأ

[ابن البلد البار]

الله أكبر
وقت الاذان مع صوت المدفع
تفضلوا الفطور عنا يا جماعة

[shereen]

اقتباس: المشاركة الأصلية كتبت بواسطة جوليت    اذا عم تعزي حالك انو الهبوط وقف جد الهبوط مستمر وربك وحدو هو يلي بيعرف شو القاع يلي ناوي المركزي يثبت عليه بعدين السوق عم يتجاوب معو والاغلب الخميس جلسة قادمة وبسعر 217-218

ياريت ينزل لل 200 حتى حول السوري اللي معي لدولار وبشكر المركزي على هالفرصة للواحد يجمع السوري اللي معو ليقلبهم دولار

[جوليت]

اقتباس: المشاركة الأصلية كتبت بواسطة kloush    نحن ليس في مجلس عزاء أولا هذا مجلس تحليل مالي زيادة في معلوماتك و التحليل الفني عبارة نظريات و تطبيق تحتمل الخطأ و الصواب و على كل الاحوال أسألي نفسك سؤال بديهي جدا و ساذج جدا و هو لماذا لم يتدخل المركزي منذ فترة و بكمية واحدة لفرض سعر القاع و على كل في النهاية (المي بتكذب الغطاس )

انو تحليل هاد , اي أكبر الاقتصاديين بالعالم مابيعرفو كيف ماشي اقتصاد سوريا , المنطق كلو مابيحكم هالسوق, والسوق السودا هو العالم والمواطنين والمركزي عرف يلعبا واكيد رح يكمل ,’ لعلمك الدولارات يلي انباعت للمركزي اكتر من الدولارات يلي دخل فيا .
والخميس قريب .......

[جوليت]

اقتباس: المشاركة الأصلية كتبت بواسطة عابر مجيب    سؤال بعلم ميالة وقرايبو واصحابو ومعارفو حصرا ، شوفي حدا منهم . أو اضربيها ضربة غشيم واشتري بهاليومين ، بالناتج أكيد ما بتخسري بس بيروح عليك فرصة كم ليرة زيادة ويمكن لأ

أكيد الدولار القاع تبعو تحت الميتين , انتظري لجلسة الجاي وشوفي السعر وبعدين لحالك رح تحكمي ,بدون رأي حدا

[أبو العلاء المعري]

اقتباس: المشاركة الأصلية كتبت بواسطة ذكرى انسان    أنا معك بكل كلمة بس البرستيج والهوبرا تبع المركزي هي اللي بتخليه يعمل هيك يعني مانستبعد انو المركزي هو اللي نزل السعر لل325 ونشف السوق من الدولار ورجع هلأ بيغرق السوق بالدولار لينزلو ع 150 لحتى يقول انا موجود واتصرف ومن هالحكي اللي بلا طعمه وينسي الناس انو الدولار كان ب47 ويقبلو بالمركزي انو هو بطل الاقتصاد والاقتصاد بخير وننسا انو اتدبل سعر الصرف هذا التخطيط الاستراتيجي للفكر الاقتصادي الممنهج الذي يخدم المواطن فقط طبعا السطر الاخير مقتبس من خطابات المحللين اللي صارو بالازمة اقتصاديين.

طيب ليش ما بتقول المركزي باع عن طريق شركائو بالسوق مليار بسعر300 ل.س للدولار، و بعدها بدو يشتري نفس المليار اللي باعها بعد كم يوم بسعر 200 ل.س للدولار، و هيك بكون ربح 100 مليار ل.س صافي ارباح و دفع الرواتب و مستحقاتو الداخلية و حط الباقي للاحتياط.
من غير لا يتعب و لا يصدر و لا يستورد، و ضرب العالم منية أنو موجود و عم يساعد الشعب الفقير المعتر.
ههههههه هههههههه هههههه والله أحلى و أسهل ربح.

[حلبية]

لمن يسأل عن الاسعار بحل

كيلو الحلو 2950
قرص المعروك الفاخر 700-900
كيلو الفاصوليا 375
كيلو الفليفلة 300
كيلو البطيخ 300
بندورة/بطاطا/باذنجان/خيار 200
كيلو الجبس 100

هذول الاسعار................و مو منقولة
دفع اليد الله وكيلكم

[الليرة السورية]

في ناس من اول الازمة " معها كام ليرة " و ناطرة اخفض سعر للشراء
لما يطلع بيدافعو عن الطلعة انا بحسهن اشترو و عم يحمو " مدخراتهم "
و لما ينزل بيصير الحكي انو لسا الكام ليرة ما اتحولو
طيب على شو ناطرين ؟
و مزال ما كتير عم تعرفو تاخدو قرار البيع و الشراء
ليش عم يصير تنظير بالهوى ؟
تحياتي للجميع

[S.O.S]

يسعد مساكم جميعا
( بدون استثناء )