صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[جوليت]

اقتباس: المشاركة الأصلية كتبت بواسطة kloush    على مايبدوا أن اليوم هو الاخير من جلسات التدخل كما أن موجة الهبوط الارتدادية لم تفلح اليوم من اختراق حاجز ال200 و عليه فأن ظل السعر على ما هو عليه الان فسوف نستعد لموجة صعود (3 آليوت ) التي تعتبر الاقوى و الاطول

حلو الواحد يحلم ,اخر جلسة اي صح اخر جلسة بهيك سعر

[nyfmpha]

اقتباس: المشاركة الأصلية كتبت بواسطة anas1000    - و شو دخل حماية المستهلك لتحكي عن ارتفاع اسعار الادوية ( و كمان كانوا يحطوا مقال لشطاف الدرج علي ارتفاع الاسعار الادوية ) الحل كان بتقليص ربح الصيدلي ............ الله و اكبر و الله جواهر هل حكي علما بان شرائح ربح الصيدلي من 20 سنة ما تغيرت حتي مع ارتفاع الاسعار و كمان خسرنا براس المال خسارة فادحه ليش ما تعوضنا حماية المستهلك كالعادة لا توجد مقالة واحده لشكر الصيدلي ...................... و الله عم فكر روح انسحب من نقابة الصيادلة لأنها مهنه مبهدله و نقابة مبهدلة اكثر .... بينما نقابة الاطباء ....... ما سمعنا عنها شى و الطبيب المختص كشفيته 2000-3500 ليره يعني مريض واحد بشغل يومين عندي و دوام كل يوم 8 ساعات .

هذا الكلام صحيح 100%
نسبة الربح للصيدلي انخفضت و لم تبقى كما هي - كمثال للوضع السيء سعر شراء علبة السيتامول الرسمي 507 بينما تباع للصيدلي 2300 - اللي بدو ياخد و اللي ما بدو يصطفل- و النقابة و جمعية حماية المستهلك نايمين - وضع الصيادلة اليوم مزري بسبب قلة الدواء و الوضع الأمني الذي يمنع توصيل الدواء و السعر المرتفع لأجور النقل - يعني الوسطي لأرباح الصيادلة بمنطقتنا - والحمدلله - 1000 ل س - يعني صرنا مثل الموظفين و راتبنا 3.5 دولار يوميا

[جوليت]

اقتباس: المشاركة الأصلية كتبت بواسطة kloush    على مايبدوا أن اليوم هو الاخير من جلسات التدخل كما أن موجة الهبوط الارتدادية لم تفلح اليوم من اختراق حاجز ال200 و عليه فأن ظل السعر على ما هو عليه الان فسوف نستعد لموجة صعود (3 آليوت ) التي تعتبر الاقوى و الاطول

اذا عم تعزي حالك انو الهبوط وقف جد الهبوط مستمر وربك وحدو هو يلي بيعرف شو القاع يلي ناوي المركزي يثبت عليه بعدين السوق عم يتجاوب معو والاغلب الخميس جلسة قادمة وبسعر 217-218

[expert]

اقتباس: المشاركة الأصلية كتبت بواسطة abd73fr    أحاول أن أستوعب الأمور التي يقوم بها المركزي هذا الأسبوع ولكن حتى الآن لا أستطيع فهم ذلك!!!! علما أنني أحاول ذلك أثناء الصيام وبعد الإفطار big grin 1- لماذا لم يتدخل المركزي إلى أن وصل سعر الدولار 370-380؟؟ مما أدى إلى رفع أسعار كل السلع في السوق!!! 2- من أين جاء المركزي بالدولار؟؟.. على أساس أنه حول الاحتياطي إلى يورو وفي كل مرة كان يعلن عن تدخله بمبلغ معين من اليورو!!! 3- إلزام شركات الصرافة بحضور جلسة شراء الدولار تحت طائلة المسؤولية!!!!!!!!!!!!!!! 4- تدخل المركزي لتخفيض الدولار بمعدل عشر ليرات كل جلسة وبمعدل جلستين كل أسبوع - حسبما هو معلن- طيب لماذا العالم تشتري اليوم ب 230 إذا كان بعد يومين راح يصير ب 220؟؟.. وإذا لم تبع شركة صرافة كل الدولارات التي أخذتها ب 227.70 هل تعيد المتبقي إلى المركزي؟؟.... صراحة مالي كتير مبسوط بهبوط الدولار لأنه لا تأثير له يذكر على الأسعار .... والله أعلم كيف ومتى سينعكس انخفاض سعر الدولار على أسعار السلع في الأسواق

والله كل كلامك منطقي وصح
فعلا شي بيحط العقل بالكف

[عابر مجيب]

اقتباس: المشاركة الأصلية كتبت بواسطة najm    يلي اشترى من القمة نخرب بيتو الله لا يضر حدا

يسعد مساك حبيبي
ما انخرب بيتو ، تأخر موعد قطافو وبس . ومحصوله بنسبة اقل من اللي اشترى قبلو .

[عابر مجيب]

اقتباس: المشاركة الأصلية كتبت بواسطة عبدالقادر    احسن المركزي صنعا اهم شي المتابعة وتعميم لشركات الصرافة بعدم شراالدولارلمدة قصيرة يحددا المركزي وشوف تنزيل السعرعلى اصولو وماعاد حدايقرب عليه

ليش بيمون على السوق السوداء كمان ؟ مين ببيع عند صرافين المركزي أصلا ؟!

[nedal]

اقتباس: المشاركة الأصلية كتبت بواسطة سوري للصاجة    مابعرف ليش في كم عضو من أعضاء المنتدى متضايقين من طلعة الليرة ... وليش في أعضاء لسا عم يبهدلوا بالمركزي وبأديب ميالة؟ ... صحيح مابيعجبكم العجب ولا الصيام برجب. إن هرّت الليرة بتبهدلوا ميالة .. وإن طلعت الليرة بتبهدلوا ميالة .. هلأ أنا مابعرفه للزلمة ولا بتاجر بالدولار مقابل السوري .. بس المركزي بقيادة ميالة أثبت قوته عالأرض ... بغض النظر عن تعدد وجهات النظر عند المشاركين هون والقراء... الحقيقة على أرض الواقع إنو المركزي قدر يرجع الدولار 100 ليرة لورا بظرف 5-6 أيام... هي المية ليرة هي تقريباً ثلث قيمة الدولار مقابل الليرة السورية قبل أسبوع زمان. بيجوز يكونوا جماعة المركزي مابيفهموا اقتصادياً ... بس الشي الأكيد إنو بيفهموا على هالشعب الحربوء. معلومة بسيطة: سياسة خفض قيمة العملة المحلية بزمن الأزمات والحصارات الاقتصادية هي سياسة لها فاعلية ومجربة بكتير بلاد... ومن فوائدها إنو بتساعد اقتصاد الدولة بالقطاعين العام والخاص على الصمود وتخطي الأزمة من خلال تخفيض كتلة الرواتب والمدفوعات الشهرية. طبعاً إلها جوانب سلبية تتلخص بانزياح طبقات المجتمع نحو الأسفل خلال فترة الأزمة... يعني يللي حالته وسط بيصير دون الوسط .. ويللي دون الوسط بيصير فقير ... والفقير بيصير على موائد المساعدات. وطبعاً الغني بيضل غني ... هادا الحكي كله بيروح بانتهاء الأزمة ... وإعادة ضبط أسعار الدولار والبضايع الأساسية. (وهي السياسة يللي بدأتها الحكومة السورية) هلأ حيبدؤوا بعض الأعضاء البارزين و"الممارسين" بالتهكم على جميع من يقف في صف الليرة والاقتصاد الوطني... بغض النظر إذا كان الكلام صح ولا خطأ ... المهم ما حدا يقول إنو الليرة عم تتحسن وإنو الوضع الاقتصادي والأمني عن يتحسن... وبيجوز حتى يتابعوا مسخرة اليانصيب والاستخفاف بعقول القراء يللي بيلجؤوا للمنتدى هون مشان ياخدوا نصيحة اقتصادية... يعني يللي كتير متضايق عطلعة الليرة.. يحط بباله إنو خسارته إله لحاله أحسن من خسارة 23 مليون سوري معه. ويحط بباله إنو كل ماعم يطلع الدولار لفوق عم تطلع معه كل البضايع الأساسية والغير أساسية وماعم ترجع لما يهر. وعلى فكرة: أنا خسران أكتر من مليونين ليرة بنزلة الدولار هي خسرانهم بالدهب طبعاً مو بالدولار.. كون إنو لساتني شايف إنو المضاربة بالدولار بيضر الليرة أكتر مابيفيدها. والسوق كان بطلوع مستمر فما هو سوق مضاربة .. هو سوق توفير. تحيـــاتــــي...

الحقيقة جماعة المركزي كلن حرابيئ
يعني إنت موافق على عمليات ضرب المركزي للإقتصاد السوري ولعبته المكشوفة والمفضوحة بلعبة الأبيلو جعيصو
لك شو هالمركزي يلي خلا دخلي ما يتجاوز 100 دولار وما يكفي لحد 10 الشهر
كل واحد عاجبه طريقة إدارة المركزي هو مشارك في قتل الشعب يلي ما مات من القص مات من الفقر
وين المركزي هلق ؟؟؟
التدخل بتنزيل سلعة الدولار وترك كل باقي السلع دون هبوط
يعني تعيش الليرة ويموت الشعب
أنت لو كنت بتعرف شو يعني إقتصاد إدارة الأزمة كنت بتعرف عن شو كنت عم بحكي
المشكلة ليست سعر صرف الليرة السورية فقط بل هي أكثر من هذا بكثير
هلق أنت دخلك ثابت ولا متغير
وبس تعرف اللعبة الوسخة يلي مع تنطبخ من المركزي مع صرافة السوق السوداء يلي عم يلعبو بسعر صرف الليرة السورية بشكل جنوني إما صعودا أو هبوطا بتعرف أنه هالشعب هو يلي عم يدفع ثمن مغامرات المركزي + التجار+ الصرافة الوسخين
وأنا ما عم دافع إلا عن الشعب المعتّّر يلي صرا نصفه ميت وا تبقى من نصفه الآخر سائرا بطريق الموت
أنا لو كان عندي ميالة موظف كنت سلمته مان ابليس بيوسوس للناس والناس بتركد وراه على جهنم
بترجاك تتفهم هالشعب وما تزيدا على قلبو بيكيفي يلي فيه وأنا بحسن الظن فيك وأنك أنت حابب تنزل الأسعار ويتحسن وضع الليرة أكثر من اول وكلنا بدنا عملتنا تتحسن وبالمناسبة سعر صرف الليرة السورية لا يقاس فقط بالدولار بل باحتياطي الذهب + العملات الأجنبية الصعبة منها
وتقبل مني الكلام من مواطن سوري متله متلك بدو يعيش وشكرا

[kloush]

اقتباس: المشاركة الأصلية كتبت بواسطة جوليت    اذا عم تعزي حالك انو الهبوط وقف جد الهبوط مستمر وربك وحدو هو يلي بيعرف شو القاع يلي ناوي المركزي يثبت عليه بعدين السوق عم يتجاوب معو والاغلب الخميس جلسة قادمة وبسعر 217-218

نحن ليس في مجلس عزاء أولا
هذا مجلس تحليل مالي زيادة في
معلوماتك و التحليل الفني عبارة
نظريات و تطبيق تحتمل الخطأ
و الصواب و على كل الاحوال
أسألي نفسك سؤال بديهي جدا
و ساذج جدا و هو لماذا لم يتدخل
المركزي منذ فترة و بكمية واحدة
لفرض سعر القاع و على كل في
النهاية (المي بتكذب الغطاس )

[memo86]

إذا بتريدوا شو السعر حاليا باللاذقية؟

[ammar425]

مسا الخير للجميع
يرجى من مشرفين الموقع وضع استبيان لرأي الأعضاء حول صعود أو هبوط الدولار من الغد حتى صباح العيد
-سيهبط الدولار ل200 او دون ذلك
-سيهبط حتى عشرة أيام ثم سيعاود الأرتفاع ليتجاوز 300
-سيستقر على230