متابعة جلسات التداول(17-18-19)-9-2012

[غسان]

نعم ابو النور الواقع ان لا ا حد من الحكومة مهتم بسوق دمشق ويمكن معهم حق تصور واحد مريض بالقلب والضغط والسكر والبنكرياس وابو كعب وحميرة ثم يأتي شخص ويقول له : ابو الشباب انتبه اصبعتك مجروحة ؟؟ ههههه ساعتها اكيد بيطرقوا زورة......الله مولاها ويمكن يعمل اكتر من زورة بكتير

[economic opinion]

اقتباس: المشاركة الأصلية كتبت بواسطة barbie    قريت القرار بس مافهمت كيف ح تصير العملية بيقدر حدا يفهمني ؟؟؟؟؟؟؟؟؟؟؟؟؟

الموضوع بسيط كتير أختي باربي
بالنسبة للأسهم يلي قيمتها الإسمية بتتقسم على 100 فما في مشكلة هي بس بتتقسم قيمتها الإسمية على العدد المناسب يلي بيساوي قيمتها 100 وبتنضرب عدد أسهمها بنفس الرقم
مثال: سهم قيمتو الإسمية 1000 "متل عودة سابقاً" نفرض عندك 2000 سهم
بيتقسم سعر السهم بالسوق على 10 "الرقم يلي بيخلي القيمة الإسمية 100" وبينضرب عدد الأسهم يلي كانو 2000 بنفس هي الـ 10 فبيصير عندك 20000 سهم
يعني محفظتك قبل تعديل السعر وبعدو نفس القيمة


أما بالنسبة للسهم يلي قيمتها الإسمية مو من مضاعفات الـ 10 "متل سهم النماء عنا" قيمتو الإسمية 250 فهاد بيختلف لأنو في نص بالموضوع وما بيصير يكون في نص فبتصير القصة حسب عدد الأسهم يلي بيحملها كل مساهم إذا زوجي ما بيزيد كسور أما إذا فردي رح يطلع كسور

مثال: روان عندها 10 أسهم نماء قيمتون الإسمية للسهم الواحد 250 ليرة وسعرون السوقي 300
بعد التعديل بيصير روان عندها
10*2.5= 25 سهم فمافي كسور ومافي مشاكل وبيصير سعرون السوقي 300/2.5= 120 ليرة

أما إذا روان عندها 11 سهم
فبيصير عندها: 10* 2.5= 25 سهم وإلها حق نصف سهم 60 ليرة "بفرض العمولات عن بيع الأسهم صفر" من كسور الأسهم

بدك أختي باربي بشرحلك أكتر وبمثال أكبر وأوضح ويا رب كون قدرت فيدك

[غالب]

اخت روان 10 ضرب 2,5 = 25 وليس 250

[economic opinion]

اقتباس: المشاركة الأصلية كتبت بواسطة غالب    اخت روان 10 ضرب 2,5 = 25 وليس 250

هههههههههههههههه
والله حسيت الأرقام كبيرة شوي بس ما بين معي وين الغلط
والله مصيبة منتعلم التداول مننسى جداول الجمع والضرب

[Tareq]

كل الحق على العرب . لو ما اخترعوا الصفر ما كان عنا تداول صفري.

خلص شباب بين مين غريمنا.

Terry Abraham

[Barbie]

اقتباس: المشاركة الأصلية كتبت بواسطة economic opinion    أما إذا روان عندها 11 سهم فبيصير عندها: 10* 2.5= 25 سهم وإلها حق نصف سهم 60 ليرة "بفرض العمولات عن بيع الأسهم صفر" من كسور الأسهم بدك أختي باربي بشرحلك أكتر وبمثال أكبر وأوضح ويا رب كون قدرت فيدك

أختي روان أنا هي الفكرة بس يلي موفهمانتها
شكراً ع شرحك لبقية الفكر

يعني إذا الواحد طلع عندو نصف سهم
شو ح يصير وقتها
وكيف ح يتعاملوا مع الموضوع من الناحية الفنية والمحاسبية
وشكراً سلف

[مجد]

نقطة الصفر لشراء الاسهم .سيقررها كل حسب خبرته .

[غسان]

اقتباس: المشاركة الأصلية كتبت بواسطة barbie    أختي روان أنا هي الفكرة بس يلي موفهمانتها شكراً ع شرحك لبقية الفكر يعني إذا الواحد طلع عندو نصف سهم شو ح يصير وقتها وكيف ح يتعاملوا مع الموضوع من الناحية الفنية والمحاسبية وشكراً سلف

هذه الكسور تكون من حق صاحب الاسهم وتعطى بشكل نقدي لصاحب الاسهم
حيث تودع الاموال الزائدة والعائدة لكل مساهم حتى يأتي كل مساهم ويأخذ هذه المبالغ ولكن غالبا لن يأتي احد لان المبلغ صغير اقل من سعر سهم واحد

[abu mhd]

تحية لكم
جلسة جديدة كانت اليوم برعاية الصفر
لازم ادارة هالسوق تاخد جائزة التمسحة الدولية للإدارة

[مجد]

ندعو ا الله ان يصل عدد القتلى في سورية الى الصغر(يوميا)