بدي مساعدتكم !

[Dnouri]

بما أنو أنا أصغر عضو بالمنتدى و بكالوريا كمان
أنا محتارة شو بدي ادخل فرع
أنا عندي هوس بالمعلوماتية كتير و بحب انو كون مبرمجة برامج
بس أبي بدو مصارف أو إدارة أعمال لانو البنوك بسوريا لسه عم تفتح
أمي بدها صحافة لانو أنا بحب الكتابة
شو رأيكم ؟؟؟

[khaled807]

بهذا الموضوع بالذات
انا برأيي بيرجع القرار لصاحب العلاقة نفسه مع احترامنا لآراء الأهل
بس لازم يكون عندك ميول للفرع حتى تقدري تنجحي فيه
مشان هيك بنصحك بالمعلوماتية
و بالتوفيق

[Aziz]

أنا برأي المعلوماتية فرع حلو ومفيد وبإمكانك اتباع رغباتك وبتوقع اهلك ما رح يمانعوا تدخلي معلوماتية

[NetPro]

اختي
بعلم إدارة الموارد البشرية بيقولوا لك النجاح في ما تعمل يعتمد على عاملين الحب والمهارة
بمعنى أن تكوني محبة لعملك وتملكي المهارة فيه.
وهنا ينصح الأهل باكتشاف مهارات أولادهم مبكراً واكتشاف ما يستهويهم لمحاولة دمج الشرطين واختيار أنجح الاختصاصات لهم وتوعيتهم عليها.

اذا انت تعتقدي انك تملكي مهارات برمجية وبنفس الوقت تحبي هالشغلة فبدون تردد ادخليها واذا مجموعك ما سمح لك بالجامعة الحكومية بنصحك بالجامعة الافتراضية السورية.

[manar]

مرحبا
الموضوع سهل و بسيط
الأفضل ان تدرسي ماتحبين
والنجاح يتحقق في كل مجال
المعلوماتية لغة العصر ( سوفت وير ) و يمكنك الدخول من خلالها الى عالم البنوك مع دراسة بعض الدبلومات في الادارة و المصارف الى جانب دراستك
اما بخصوص الصحافة فممكن ممارستها من خلال الانترنيت و المواقع الاخبارية كمراسلة غير متفرغة او متخصصة بالتقارير الاخباري
مع احترامي للجميع
وتمنياتي لك بالتوفيق و النجاح على اي صعيد تختارينه

[Dnouri]

اقتباس: المشاركة الأصلية كتبت بواسطة khaled807    بهذا الموضوع بالذات انا برأيي بيرجع القرار لصاحب العلاقة نفسه مع احترامنا لآراء الأهل بس لازم يكون عندك ميول للفرع حتى تقدري تنجحي فيه مشان هيك بنصحك بالمعلوماتية و بالتوفيق

شكراً أستاذ خالد

[Dnouri]

اقتباس: المشاركة الأصلية كتبت بواسطة aziz    أنا برأي المعلوماتية فرع حلو ومفيد وبإمكانك اتباع رغباتك وبتوقع اهلك ما رح يمانعوا تدخلي معلوماتية

شكراً أستاذ عزيز أهلي ما عندون مانع

[Dnouri]

اقتباس: المشاركة الأصلية كتبت بواسطة manar    مرحبا

اقتباس: المشاركة الأصلية كتبت بواسطة manar    الموضوع سهل و بسيط الأفضل ان تدرسي ماتحبين والنجاح يتحقق في كل مجال المعلوماتية لغة العصر ( سوفت وير ) و يمكنك الدخول من خلالها الى عالم البنوك مع دراسة بعض الدبلومات في الادارة و المصارف الى جانب دراستك اما بخصوص الصحافة فممكن ممارستها من خلال الانترنيت و المواقع الاخبارية كمراسلة غير متفرغة او متخصصة بالتقارير الاخباري مع احترامي للجميع وتمنياتي لك بالتوفيق و النجاح على اي صعيد تختارينه

شكراً أستاذ منار والله حلك بيرضي الكل !!

[Dnouri]

اقتباس: المشاركة الأصلية كتبت بواسطة netpro    اختي بعلم إدارة الموارد البشرية بيقولوا لك النجاح في ما تعمل يعتمد على عاملين الحب والمهارة بمعنى أن تكوني محبة لعملك وتملكي المهارة فيه. وهنا ينصح الأهل باكتشاف مهارات أولادهم مبكراً واكتشاف ما يستهويهم لمحاولة دمج الشرطين واختيار أنجح الاختصاصات لهم وتوعيتهم عليها. اذا انت تعتقدي انك تملكي مهارات برمجية وبنفس الوقت تحبي هالشغلة فبدون تردد ادخليها واذا مجموعك ما سمح لك بالجامعة الحكومية بنصحك بالجامعة الافتراضية السورية.

شكراً إلك أنا مهوسة بالكمبيوتر لما كنت صف 6

[BROKER]

أول شي خبرينا إذا نجحتي ؟؟!!!!! حتى نباركلك بالأول

انا اتصلت بوالدك بس موبايله مغلق

- منرجع لموضوعنا: لا تردي لا على أبوكي ولا على أمك

طبعاً بشروط :

• انك تكوني مقتنعة بالمجال اللي اخترتيه يعني (فعلاً) بتحبيه مو لأنو مجال العصر وبرستيجو حلو (صارحي حالك كتير منيح) .
• تخيلي حالك قاعدة عم تكتبي كود برمجي فيا ترى كم ساعة مستعدة تشتغلي لو حدا طلب منك برنامج ؟؟ ( لازم يكون الجواب اكتر من 18 ) .
• حاولي تفكري بمشروعك الشخصي لأنو حافز كبير كتير انو يساعدك على سرعة تعلم المجال بنسبة 500% يعني كل سنة بتفرق معك 5 سنوات عن اي طالب عادي ... وقصدي بالمشروع انو يكون عندك فكرة لبرنامج أنتِ رح تألفيه ورح يصير عالمي ورح تشتريه الشركات العالمية ورح يكون أول برنامج عربي وصل للعالمية ... (عم احكي جد) ...
• في حال قررتي تتخصصي بالمعلوماتية فإياكي ثم إياكي تسجلي بمكان كبير وله اسم بس مشان اسمو ( ان شاء الله عمرينو الاسم ) يعني الله وكيلك لو لقيتي مكان ما بيعطي شهادات أبداً بس بيعطي علم حقيقي ومكان تاني بيعطي شهادة بس مشان تتعلق عالحيط ( تغلبي على نفسك) واختاري الأول .... ومو مشكلة ترجعي للمكان تبع الشهادة لانو بالنهاية المجتمع هيك بدو شوية (فزلكة).
• بعد ما تختاري المجال يلي لقيتي انو المناسب ... انوي انو يكون ( لله ) وليس للناس بغض النظر عن الدين المهم ان تكون النية لله ، حتى تكون حياتك كلها لله وهذا هدف وجودنا على الأرض ( اني جاعل في الأرض خليفة ) ويلي ما عندو هدف مالو خليفة ... للأسف هو بس بياكل وبنام وبجيب ولاد وبعدين بموت .

ملاحظة : أنا كنت رح كون بنفس الموقف لو اخترتي شو ما كان يعني لو كان اختيارك ( كلية الفنون الجميلة ) واهلك رافضين كنت رح وقف معك لأن الخالق أعلم من الأهل فقال ( لا يكلّف الله نفساً إلا ما آتاها ) فإذا آتاكي الفن كالرسم فهو مجالك الحقيقي وليس الوهمي كالكثير من الأطباء في سورية .

آسف طولت ولعيت كتير .... بس بهي الأمور القريحة تفتح عندي وبصير بحكي كتير ..... مرة عم احكي مع ولاد خالتي بهي القصص ضلينا من الساعة 11 بالليل للـ 6 الصبح ... غليظ مو بايدي .... بس كتير بزعل عالناس يلي راحت مواهبها الخيالية بسبب الفزلكة أو عدم الانتباه لها أو القمع.


وعذرا أستاتذتنا أبو وأم دانا ... لو ما بعرفكن ما كنت استرجيت احكي هيك