المتابعة اللحظية لجلسة تداول الأحد 12-6-2011

[Salam L]

اقتباس: المشاركة الأصلية كتبت بواسطة m3maher    السلام عليكم ورحمة الله وبركاته صباح الخير للجميع كأنه شركة جي وان نازلة بيع بالإسلامي عوضاً عن شام كابيتال بعد أن إفتضح أمرها بداية الشهر أرباحنا قد تآكلت كلها من زمان ولكن أن نخسر رأسمالنا أيضاً فلن نسكت أبداً فهي تعتبر سرقة منظمة أصولاً ولا أحد يقنعني بأن السوق عرض وطلب لأن أحداً ما يمكن أن يستغني عن أرباحه لحاجته للسيولة، أما أن يخسر رأسماله أيضاً لا أعتقد أن هناك عاقل يقبل بضياع رأسماله أمام عينه ما الحل ؟؟؟؟؟؟؟؟؟ والله شي بيحط العقل بالكف

كلنا سوا بهالمركب....والله مابعرف شو بدي اعمل....

[Salam L]

اذا بعت اليوم بكون خسرانة مية الف ليرة بشغلة اسبوعين او تلاتة...هاد فوق الخسارة القديمة

[BROKER]

اقتباس: المشاركة الأصلية كتبت بواسطة BISO    أنا عندي أسماء المشاغبين بغياب المشرفين للأسبوع الماضي ... بس حاليا رح أحتفظ فيهم اذا مابيرجعوا بشاغبوا

يا عيني عليك

[BROKER]

اقتباس: المشاركة الأصلية كتبت بواسطة salam    بركي خلصوا اسهمه للاخ....وهلق ناطر يرجع يفوت يلم اسهم برخص التراب...

ممكن ..

وممكن يكون عم يطمن الشاري حتى لا يفقد تماماً ....

[محمد درويش]

بالأحمر كفناه

[BROKER]

اقتباس: المشاركة الأصلية كتبت بواسطة biso    أخي رامي شو أخبار وتوقعات الذهب للافتتاح هذا الأسبوع

هالأسبوع الهدف 1500

[economic opinion]

اقتباس: المشاركة الأصلية كتبت بواسطة BROKER    يا عيني عليك

[أبواليمان]

اقتباس: المشاركة الأصلية كتبت بواسطة غسان    كنت قد نصحت من يشتري الخميس ان ينتظر للاحد ويوفر 3% من سمع النصيحة ربح واليوم النصيحة مكررة من يشتري اليوم ب مليون ينتظر للخميس ويوفر 15 % من راس ماله اما من صمم على الشراء اليوم فالمليون حتصير 850 الف بنهاية الاسبوع والعوض على الله وهي بورصة

والله يا أستاذ غسان ما حدا بيعرف اتجاه السوق بالأيام الجاية غير ربك، وإذا قلب السوق ما رح حدا يلحق يشتري أبداً، متذكر لما صار سهم العقيلة 475 ؟ ضلت الأسهم ترتفع شي خمس او ست جلسات متوالية وفي أيام ما حدا يرضى يبيع بأي سعر.

لاحظ معي انو اليوم كل الي بدو يبيع عم يبيع بخسارة بكل الأسهم تقريباً، يعني الي مضطر للكاش بس أو الي بدو يجمع استثمارته ويخلع.

أنا عن نفسي كل يوم عم أشتري شوي ويوم الخميس عم كبر الكمية وصدقني لما بينخفض السعر بكون مبسوط أكتر لأنو بكون معي فرصة لعدل كلفتي وبنصح الكل هيك يشتغل بس بشرطين

الشرط الأول: ما كل يوم الواحد يحسب الخسارة لما ينجلط، ويعتبر الأسعار الحالية مو حقيقية لأنو ناتجة عن هلع ورعب المستثمرين والإشاعات والعوامل النفسية، والدليل على هيك هو انو الاستثمارات بالشركات برا السوق ما انخفضت بنفس المعدل أبداً يعني شوف مثلاً أسهم بنك البركة. يعني يا جماعة شوفوا مثلاً سوق مصر وتونس ماصار فيها هي بأشد أوقات الأزمة.

الشرط التاني: أنو يكون كتير مرتاح على الكاش وما يكون مضطر للسحب وفي حال انخفاض الأسعار أكتر ما يجي وقت يكون فيه مضطر للبيع.

في نصيحة كمان أنو يخلي حوالي نصف أو ثلث المحفظة كاش وما يشتري أبداً بأي سعر أبل ما ترتد الأسعار.

[economic opinion]

اقتباس: المشاركة الأصلية كتبت بواسطة economic opinion

وينك يا أخي أبي نادر تجي تقول إني كنت قاعده عاقلة

[BISO]

شركة اسمنت البادية تقرر تخفيض رأسمالها 9.76 مليار ليرة سورية

قررت شركة اسمنت البادية jsc تخفيض رأسمالها بنسبة 20%، وأوضح الرئيس التنفيذي للشركة خالد الصواف أنّه لم يعد مطلوباً أن تضخّم الشركة رأسمالها في هذه الفترة لا سيما وأن زيادة رأس المال تحتاج لقروض طويلة الأجل.

وبدأت اسمنت البادية بالإنتاج قبل نحو شهرين في مصانعها في سورية، ثم قررت تخفّيض رأسمالها وفقاً لهذه النسبة بما يعادل 9.76 مليار ليرة سورية أي ما يعادل 205.3 مليون دولار، واستبعد الصواف إدراج الشركة في بورصة دمشق في هذه الفترة.
وكانت الشركة بحسب الصواف أوقفت تأسيس خط إنتاج جديد من أصل خطين مخطط لهما هذا العام ينتج كل واحد منهما 1.6 ملون طن سنوياً، بينما ينتظر الخط الثاني قرار مجلس الإدارة بالانطلاق أو التوقف.
وتغطي شركة اسمنت البادية نحو 17% من حاجة سورية من الاسمنت، وتمتلكها مجموعة الزعيم بالشراكة مع مجموعة المهيدب السعودية بشكل رئيسي