abu mhd

الحقيقة كنت قاعد لحالي كالعادة عم اتذكر ايام زمان تذكرت حادثة قديمة
من ايام البراءة و الطفولة و هي اول هدية عطيتها لبنت
بتمنى من الجميع المشاركة و خاصة اذا كانت حادثة طريفة
مو ضروري تكون الهدية لصديق او صديقة ممكن تكون لخطيبتك او مرتك و بالعكس
بالنسبة الي اول هدية كانت بصف الخامس او السادس الابتدائي
كان في معنا بنت بالصف و كان عيد ميلادها الى الان عم دور عن السبب اللي خلاني اهديها هدية و برغم مرور اكتر من 18 سنة ما توصلت لجواب يمكن لأنو كانت لطيفة معي و كانت ايامنا بالفعل فيها براءة الطفولة مو متل هلأ جيل اللهم عافينا
الهدية كانت عبارة عن شريط لعلاء زلزلي كان اول شريط الو و لوحة صغيرة
ما بعرف ليش بس حبيت شارككم هالذكرى و شوف انتو شو رأيكم
بس بدون ما حدا يسألني لمين كانت الهدية التانية
شكرا

BROKER

__________________
--

ابي نادر

ههههههههههههههههه شو هل الأفكار

منين خطرتلك عنجد حاولتلك بس في مشكلة أنو :

أنا ما بذكر أني كنت طفل

أوك مان

وثانيا أول هدية صعب قلك لمين أو بدي أكزب عليك بس في قلك أنو كان عمري 25 Frown1

سلام

__________________
When the rocks cry black

abu mhd

والله يا ابو حازم ما توقعتك هيك لافي حب طفولي ولا شبابي
انا هديتي كانت عن براءةوالله ما بعرف لا ليش هديتها و لا شو السبب كانت طفولتي بريئة بس طلعت انت بريء اكتر مني
الفلم و الدسم كلو عند ابي نادر طالما القصة فيها 25 سنة فلازم نلاحقه زنغة زنغة لنعرف التفاصيل

iass

أنا كنت صف حضانة، وكان في بنت كتير حلوة، هديتها شريط بونبون طويل، وكتير انبسطت، تاني يوم جابتلي لوح شوكولا، قام هديتها المحاية تبعيتي، تاني يوم جابتلي علبة معجون تبع الولاد، وهيك ضلينا كل يوم أو يومين أنا أهديها شي وهي تهديني شي، وادفعو يا أهل، وفي مرة أخدتها لعندنا عالبيت منشان ناكل بامية، لأنو أمي كانت طابختها، طبعا وقتها ما راحت بالباص تبع المدرسة، وما كان في تلفونات وقتها، وأهلها مساكين داخو لعرفو شو القصة، وأهلي كمان ما عادو عرفو شو بدهن يعملو.
المهم ما بعرف إذا من وراي ولا لأ، بس هاجرت العيلة كلها على السويد، بنفس السنة. :-)
هاد الحكي قبل سنة 1978 بشوي
هلق حادثة البامية انا ماني متذكرها بس أمي يلي خبرتني عنها ودايما بتذكرني فيها كأنو صايرة انبارح.

لقماان

لحد هللأ أيو واحد
بدو يهدي أو بدو يحكي مع شي بنت حلوة
بيؤول
راح أهديك هدية أخوية .......ما تفهميني غلط
بدي احكي معك كام كلمة
بتمنى منك ما تفهميني غلط
وكمان البنات نفس الشي
كل العالم أخي مؤيد بهيك مواقف بتتصرف ببراءة ........
براءة .....آل براءة آل ............
إي بيكون صرلوا جمعة سهران الليل و هو عميجهز الأدلة و الكلام
مشان يطلع براءة
بالمناسبة أخي مؤيد موضوعك لطيف جدا و ذكرنا بالأيام الماضية الحلوة...................
بس ما راح أأدر ألك شو الهدية لأنو مرتي بتدخل على النت ...
بعدين بكل براءة......... بتعرف شوراح تعمل معي .............و بكل براءة

__________________
أبو حكيم الدين

لقماان

لاحقا للموضوع أعلاه
و بعد أن تدخلت زوجتي بكل براءة ..و سألتني أسئلة بريئة....أنو شو الهدية .......ومعليش أؤول
مين صاحبة الهدية............
و صار بس بدي أثبت برائتي............

أحب أن أوضح ........لا كان في هدية و لا كان في بنت مشان أهديا..........
ما هيك ياشباب .....................

__________________
أبو حكيم الدين

لقماان

الله يخليلك ياها فوق راسك و يكسبك رضاها
ذكرتني بأمي الله يرحما .........
بالفعل كانت أول هدية هي لأمي رحمها الله
لكن الي.............. زمااان............ زمااااان
الي زمان كتير معاد جبتلا ..........شي

__________________
أبو حكيم الدين

GLORY

المهم اكلتو بامية ولا لا ؟

__________________
عند الازمات تصنع الثروات

abu mhd

اهلين اخي اياس
تاريك انت اللي مانك قليل شو هاد طلع في هدايا متبادلة و غداء و بامية
ايه ايامك بس الله يسامحك روحت العيلة كلها من وراك على السويد
و ما عاد عرفت عنهم شي ؟؟؟؟؟؟؟؟
والله طلعت شغلتك ناكتة يا ابي نادر صحيح بعمر 25 سنة و على قولة لقمان مافي براءة بس ما كان في اغدية و اختطاف متل اخونا اياس


اما بالنسبة للأخ لقمان فبلفعل بكل براءة لأني كنت صف خامس مو دفاعا عن نفسي بس على ايامنا لسه ما كان في الشي اللي صاير اليوم
و بكل براءة بتمنى زوجتك بما انها عم تابع الموضوع تبقى تنق فوق راسك لتعرف مين هية البنت و شو كانت الهدية و تاخد بتاري منك