المتابعة اللحظية لجلسة تداول الخميس 17-02-2011

[غسان]

اقتباس: المشاركة الأصلية كتبت بواسطة ابي نادر    ياشباب انا اشتريت 32% من عدد اسهم البيع

اخي ابو نادر يعني لو بعت 68 % من اسهمك فقط كان اربح لك لان الاسهم الباقية شاريهم بالرخص والفرق بين 1548 و1575 سبع وعشرون ليرة

ذلك اذا كان فهمي لما قمت به صحيحا

[Sawt Al Watan]

اقتباس: المشاركة الأصلية كتبت بواسطة ابي نادر    ياشباب انا اشتريت 32% من عدد اسهم البيع

اخي ابي نادر وضح شو يعني عدد اسهم البيع والله ماني فهمان عليك

وعلى كل الاحوال اتمنى لك التوفيق وصدقني لو ما الحرص عليك ما قلنالك شي والله بعلم بالنسبة الي ما بحب حدى يخسر او ينضر

تقبل تحياتي

[M3Maher]

اقتباس: المشاركة الأصلية كتبت بواسطة sawt al watan    ما على قلبك شر اخي ماهر بس لا تزعل صدقني الاسبوع الجي ان شاءالله رح تكون اغلب الاسهم خضراء طبعا لانو اغلب الاسهم في هذا الاسبوع حمراء والله اعلم الاسبوع القادم رح ترتفع كل الاسهم اللي كانت حمراء واذا نظرنا لسعر العقيلة والزويوت والاسلامي اسعار مغرية والله اعلم ولهيك اعتقد رح يكونو خضراء

إن شاء الله من تمك لباب السما أخي أبو هيثم
طمني شو أخبار البورصة بألمانيا
ولا مالك مهتم فيها ؟

[ابي نادر]

بعت 1200 واشتريت 320 سهم فقط
هذا مثال ياشباب انا على قدي

[BROKER]

اقتباس: المشاركة الأصلية كتبت بواسطة m3maher    ألا تتفقوا معي أن صغار المساهمين هم من يخربوا السوق دوماً عند كل زيادة أو إشاعة أي خبر ممكن أن يؤثر على السوق لأن ليس لديهم الوعي الكافي ودوماً يخافو فببيعوا بأبخس الأسعر دائماً على مبدأ رأس المال جبان (أنا أقصد صغار المساهمين يللي ما عندهم خبرة ووعي بتداول الأسهم، حتى ما حدا يزعل مني)

أتفقك معك لكن هذه الحالة سليمة وأفضل من حالة الجمود بكثير

اننا اليوم نعيش نتائج جمود الامس

ولو عشنا الاحمر لعشنا بعده الاخضر

[BROKER]

اقتباس: المشاركة الأصلية كتبت بواسطة sawt al watan    اذا الاسلامي اغلق بيوم الاحقية بسعر 1600 رح يكون سعر المرجعي بعد التعديل هوا 1302 يا بلالالالاش اعتقد سعر مغري جدا والله اعلم شو راي الاخوة

طبعاً مغري

لذلك راجع الرد في موضوع الموافقة

[Sawt Al Watan]

اقتباس: المشاركة الأصلية كتبت بواسطة m3maher    إن شاء الله من تمك لباب السما أخي أبو هيثم طمني شو أخبار البورصة بألمانيا ولا مالك مهتم فيها ؟

اكيد مو مهتم فيها ولا بتعاطا بالبطاطا لانو للاسف مافي ولا سهم شرعي مشان هيك

[M3Maher]

اقتباس: المشاركة الأصلية كتبت بواسطة ابي نادر    بعت 1200 واشتريت 320 سهم فقط هذا مثال ياشباب انا على قدي big grin

مبارك عليك أخي أبو نادر
يمكن قرارك بالشراء جيد
بس بالبيع يمكن تسرعت شوي
كان يمكنك أن تنتظر لمنتصف الأسبوع القادم
والله أعلم

[Sawt Al Watan]

اقتباس: المشاركة الأصلية كتبت بواسطة غسان    اخي ابو نادر يعني لو بعت 68 % من اسهمك فقط كان اربح لك لان الاسهم الباقية شاريهم بالرخص والفرق بين 1548 و1575 سبع وعشرون ليرة ذلك اذا كان فهمي لما قمت به صحيحا

اخي غسان لا تنسى العمولة واذا حسبتها رح يطلع معك خسارة ليرتين والله اعلم

[Sawt Al Watan]

اقتباس: المشاركة الأصلية كتبت بواسطة ابي نادر    بعت 1200 واشتريت 320 سهم فقط هذا مثال ياشباب انا على قدي big grin

الله يباركلك اخي ابي نادر واتمنى لك النجاح بالمضاربة