إيمان

مساء الخير ياطيبين يسعد أحوالكم

عندي أخي مسافرعلى الخليج قريباً بشان البدل ..رغم كل المعارضة بالأسرة واليوم خبرني افتحي النت بسرعة وشوفي الخبر السعيد بخصوص البدل العسكري زاد 1500 وصار ( 6500 دولار )

المهم .. أنا فكّر ودور بالأنترنت وصلت لهالموضوع منشان الأستثمارات وخلافه بس مابفهم فيهن
وحابة ساعد أخي وهو كمان يساعد حاله بإن يعمل وديعة بالدولار الأمريكي مثلاً بشي بنك يفيده هون أو بالأسهم أحسن ما تبقى الفلوس نايمة عند صديقه على سبيل الأمانة ( بدون ولا ليرة ربح )
بحيث أذا سافر يكون في مبلغ عم يشتغل هون بيفيده بموضوع البدل إذا الله أحيانا

مابعرف أذا عم فكر غلط وعم ضيعه لأخي هوه مارد عليي سخر مني لكن أنا عم فكر لسا ..

حسبنا المدّخرات الموجودة يلي مارح تلزمه بسفره والملك لله مع مساعدتي إله طلعت بحدود ال3000 دولار و مصاغ ذهبي بيسوى 150.000 تقريباً بسعر اليوم

هو عارض بيع الذهب إطلاقاً لأنه خاصتي بس لقيته متردد بالدولارات ويلي هنن باالأصل شايلن منشان البدل ولذلك أنا قلتله أحسن مايبقو هيك ل5 سنوات استفيد منن وخلين يكفو البدل كاملاً وعرضت مساعدتي وتشجيعي سواء بمبيع المصاغ أو لا


ياريت حدا من الشباب يساعدنا بالنصيحة بأي بنك نستثمر الدولار واتصرف بالذهب ولا لأ اتركه بحاله لأنه عم يطلع بزيادة كل يوم

وأذا أستثمر بالدولار احطه وديعة بأي بنك ولا افتح حساب جاري وكل غايته يزيد المبلغ ؟؟؟

ماراح احكي على الأسهم لأني ما أفهم ولا حرف فيها ها أذا كان أفضل ياريت تخبروني لأني سمعت أن الاسهم تحتاج متابعة وبيع وشراء وحكاية طويلة وصعبة من أجل الربح

أكرر : المدة خمس سنوات بأذن الله مارح يحتاج المبلغ لأن عم ياخد راتب ولو بالقليل
لكن أريد أساعده يستثمر الموجود بسوريا بالإجراءات أسهل من الأسهم يمكن نترك المبلغ كوديعة بنكية تزيد فوائدها وخلاص بينما الأسهم تحتاج لبيع ومتابعة خشية الخسارة ؟؟؟؟


محتارة ug11;


بلأخير أنا بعتذر عن اسلوب كلامي الغير محترف لأني ما أفهم بهالمواضيع أبداً بس حبيت أتنوّر حتى أذا رحنا على شي فرع بنك اعرف شو إحكي وشو يلي إلنا وعلينا

وأكيد متابعة معاكم حتى أستفيد أكثر وأكثر حسب ما يتوفر أنترنت عندي

وشكراً بارك الله بكمassalam1

أختكم بالله

إيمان

أتمنى من لكل يشارك ولو بأي معلومة أو فكرة بيشوفها عادية وأعتذر أذا وضعت الموضوع بالمكان الغير مخصص ويسّر الله أحوالكم أجمعين

Salam L

مرحبا اخت ايمان. انا متلك كنت مفكرة قصة الاسهم كتير صعبة بس مع نصائح الاخوة طلعت مو هيك خصوصا اذا بدك تشتريها كأستثمار. يعني بتكتتبي اسهم بشركات قوية وبتنامي على الموضوع فترة وبترجعي بتلاقي الاسهم غليت كتير خصوصي انك اشتريت بالرخيص وقت الاكتتاب. والوقت اللي معك طويل نسبيا. بالنسبة للدولار اكيد لا تتركيه هيك بالدرج يعني بأسوء الاحوال حطيه وديعة اذا اخوكي رفض فكرة الاسهم (مابعرف شو الاجراءات ولا شو هو احسن بنك) . بالنسبة للدهب مابعرف شو لازم تعملي انا شخصيا رح بيع بس مو هلق بعد فترة وبشتري بالمصاري اسهم. بعتقد بخمس سنين بتكون الاسهم جابت مربح اكتر من الدهب والله اعلم.

BROKER

__________________
--

Aziz

يعني الاخ Brocker كفا ووفا
يعطيه العافية
أنا بنصحك تشتري ببنك سوريا الدولي الاسلامي بنص مالك
وببنك البركة النصف الاخر بس ديري بالك ما تشتري بسعر غالي
وخلي الدهب لأنه لا يتخ ولا يخرب من جهة ودائماً عم يطلع من جهة أخرى

ونسي موضوع المصاري شي سنة
وانشالله بتحقيقي ربح منيح

omar

السلام عليكم

بالنسبة لحالتك فالافضل لك التالي:

وديعة اسلامية ( مجمدة سنة كاملة تتجدد تلقائياً ) اعلى عائد على الودائع بين البنوك الاسلامية وغير الاسلامية تم تحقيقه ببنك الشام الاسلامي 5.4% وهناك ايضا ودائع استثمارية اسلامية تحقق عوائد رائعة.

ملاحظة : الأفضل ان تكون الوديعة بأي شكل كانت باليرة السورية بسبب ان العوائد على الدولار ضعيفة جدا ولا تتعدى باحسن الاحوال 2.5%

بنك الشام فرعه الرئيسي ساحة النجمة - وحقق عوائد على الودائع افضل واعلى من سوريا الدولي الاسلامي - ولا تنسي ان تجميد الوديعة لمدة اطول فانك تحققين عائد اكبر ( تجميد سنتين هي اعلى عائد )

بالتوفيق

__________________
مواضيع كتبتها :

التصنيف الاستثماري للشركات والبنوك
ديناميكية عمل النقد والفائدة والسياسة النقدية وتأثيرها الاقتصادي
ديناميكية تعامل المصارف مع اموالها واستراتيجايتها المتبعة
خبرية بـ 500 مليون ليرة "أرباح بنك الشام الإسلامي"
السيناريو المستقبلي لسهم بنك سوريا الدولي الاسلامي

soso

أختي ايمان كلنا بالهوى سوا
>>>>>>>>>

يلا من خلال هالمنتدى منتعلم مع بعضنا

>>>>>>>>

الله يرجع أخوكي بالسلامة

بنت الشام

اخ بروكر استاذي هو والاخوة مجد وعمر وانا ما زلت طفلة في عالم الاسهم
سؤالي لو اخذت اسهم اكتتاب نزولها قريب لسوق الاسهم مو احسن ما تاخد اسهم باقي لها 2 او ثلاث سنوات ليتم تداولها يعني قصدي لما تنزل التداول بيرتفع سعرها وتباع فورا
بعكس ان تكون باقي لها 2 او 3 سنوات وتدور على زبون الها عن طريق البنوك
هي نتيجة مطالعتي بالمنتدى صرت الان ربع استاذة

BROKER

__________________
--

omar

تعم كلامك صحيح

ولكن هنا يجب ان نقدم النصيحة بحسب أهداف طالبها ( اخت ايمان ) وهي صرحت انها لا ترغب بالمتابعة والتعب وتحتاج شيء بسيط خصوصا ان مبلغ الاستثمار صغير وحاليا هناك زيادات راس مال فسوف تقع الاخت ايمان بضغوط ادارة المحفظة . وهذا ما لا ترغب به

فالافضل لحالتها بنظري هي الوديعة البنكية

__________________
مواضيع كتبتها :

التصنيف الاستثماري للشركات والبنوك
ديناميكية عمل النقد والفائدة والسياسة النقدية وتأثيرها الاقتصادي
ديناميكية تعامل المصارف مع اموالها واستراتيجايتها المتبعة
خبرية بـ 500 مليون ليرة "أرباح بنك الشام الإسلامي"
السيناريو المستقبلي لسهم بنك سوريا الدولي الاسلامي