سعر صرف الدولار والذهب مقابل الليرة السورية ليومي الخميس و الجمعه 12& 13 - 2 -2015

[عمار اللامي]

مساكم الله بالحب

بتعرفوا حلوة هالإجازة بالسعر .... خلتنا نرجع نجتمع بالمنتدى .... مع هالوجوه الحلوة .... تحية من عاصمة الرشيد بغداد لكل من أحب بهالمنتدى و تحية خاصة للأخ المساعد أول جولييت

[فهد]

مساء الخير للجميع

[فهد]

الذهب
1229

[فهد]

اليورو = 1.1402 دولار تقريبا

[فهد]

الذهب محسوب على سعر 238.5

[فهد]

هدوء عام بسعر الصرف
و الاستقرار عند حدود النقطة المرضى عنها

[فهد]

وفق المركزي تقريبا 13%
و و فق السوداء تقريبا 18 %
يعني الامور طبيعية بالنسبة للسطر الثاني

[عابر مجيب]

الناس بتنسى للأسف ، ما بعرف إذا رح يتذكروا بعد فوات الأوان .
بقي اشاعة ما انتشرت ؟ وبقي حجة ما انذكرت ؟
يوم جدة عم تجمع العملة وتتلاعب فيها ، ويوم دولار مزور بالسوق ، ومرة ذهب مزور ، ومرة ليرة مزورة مع ان هاي مفعولها عكسي ، وبعدها دولار متقن التزوير ، وأخيرا اللعب بالسوق اللبنانية مع ان لبنان طول عمرها قد الكمشة ، وكان تاجرين من حلب يروحوا يشتروا لوحات السيارات العمومية ويحتكروها ويبيعوها بالسعر اللي بدهم ياه ، وأخيرا طلعت تركيا عم تلعب بالليرة . كل هاد نحنا غريبين عنه وما بنقدر نقول شي مع أن المنطق بيقول احتكار الليرة بيرفع من قيمتها مو بينزلها ، مشيناها .
طيب موقعنا شو عمل غير بيان اسعار السوق كما هي ؟
اللي بيزعل ان المشاركين معنا ومتلنا متلهم وهنن اللي بيحطوا اسعار دائما ، هدول نفسهم صدقوا اللعبة وصاروا ينتقدوا الموقع .
الخميس دخل لعندي جاري وصار يحكي على الموقع وقال هاد متعامل مع موقع والله نسيت اسم الموقع اللي ذكرو
قلت له متأكد ؟ قال انا معلوماتي دائما أكيدة
قلت وإذا طلع غير هيك ؟ قال مستحيل
كنت عم اكتب مشاركة ، قلت له لف لعندي لكان ، شوهاد ؟ مو مشاركة ؟ قال انبلى .
قلت له يا أجدب مو انت اللي بتعطيني الأسعار كل يوم ؟!
فبهت الذي كفر
قلت له لا تتسرع وانتظر وبتشوف الحقيقة لحالك .

[المسار]

مسا الخير عالطيبين

قولكن منفتح صفحة لبكرا الا لاء

[عابر مجيب]

اقتباس: المشاركة الأصلية كتبت بواسطة المسار    مسا الخير عالطيبين قولكن منفتح صفحة لبكرا الا لاء

اللي بيننا أكتر بكتير من مجرد اسعار عملات ، وكلها كام يوم وبيثبت ان الموقع بريء من اي اتهام ،
ممكن نحكي بمواضيع كتيرة لبين ما تمر هالمرحلة .