سعر صرف الدولار والذهب مقابل الليرة السورية ليوم السبت 20/9/201

[abd73fr]

اقتباس: المشاركة الأصلية كتبت بواسطة عابر مجيب    أخي أظن عبد الحق abd73fr وعدتك اسأل عن السفر طيران إلى بيروت ، اليوم سألت ، لا يوجد من دمشق فقط من اللاذقية ويوم الجمعة فقط ، لا يمكن شراءها إلا من اللاذقية ، ذهاب وعودة اجباري وثمن التذكرة اقل من 55 ألف بقليل . يعني شغلة 54860 تقريبا ما حفظت الرقم تماما . أحاول منذ الصباح دخول الموقع ، وكل مرة يطلب تسجيل اشتراك ، هلأ فتت يمكن ما انتبه هههههههه

شكرا جزيلا لك أستاذ عابر... كنت أفكر مجرد تفكير الذهاب إلى بيروت بالطائرة ولكن كلامك جاء على فكرتي بالضربة القاضية... ههههههه .. من اللاذقية وب 55 ألف، يا بلاش.... شكرا لك على كل حال

[abd73fr]

رقمان استوقفاني وما انهضموا معي:

اقتباس: المشاركة الأصلية كتبت بواسطة ryad    الآن دمشق 182 - 183.5 متوفر جدا

سعر دمشق أقل من سعر بيروت ومتوفر جداااا!!!!!... يا سبحان الله

اقتباس: المشاركة الأصلية كتبت بواسطة shereen    حتى لو فتحو السبت والجمعة واجبرو كل مواطن سوري على شراء الدولار او السجن ونزل شو لح نستفيد ليش مو كلشي يتسعر عالدولار يعني سيارة كيا ريو حقها 8000 دولار بينزل الدولار بينزل حقها طلع الدولار بيطلع سعرها عالسوري بيت بالسكن الشبابي كان على دولار 250 ب 4مليون اليوم سعرو 6 مليون ونص مع انو الوضع عالارض ماتغير وكل سبب صعود بيعزوه لصعود الدولار مبارح بقهوة عاوتستراد المزة عم نحاسب انصدمنا بالاسعار الجديدة رافعينها 30 بالمية نادينالو لصاحب الكافيه قال والله الاسعار كلها طالعة طيب كان عصير البرتقال ب 150 ايام دولار 150 مبارح 515 مسعرينو طيب انو منطق هاد والدولة كل همها الرئيسي فقط ينزل الدولار بغض النظر عن باقي الاشياء فشو السبب حدا يشرحلي وشكرا

515 ليرة الكاسة أم التنكة أو الرقم غلط... ههههه

[alternative]

دمشق غدا
في شركات الصرافة النظامية
182.17 - 184
متاح للجميع بيعا وشراء

[جوليت]

انخفاض حاد في السوق السوداء بعد تسرب اخبار عن تكبير سمسونايتات ميالة( مع حفظ الالقاب والاحترام )
دمشق :
183 ----- 182
المعطيات الدولاراتية : نزول
مقدار توفر الدولار : متل الرز
درجة الرعب عند مصاصي الدماء من اجراءات المركزي : شديدة وبحالة ازدياد مضطرد
السعر مكفول لمدة ساعات فقط

[mddyab]

حلب مساءا :
شراء : 189 مبيع : 191

[expert]

الاخ المستغرب من سعر الشام
توضيح
يمكن الشباب بلشوا يطبقوا نظرية الماااع وعم يحطوا اسعار ما تزعل حدا منشان ما يعفطوهم على قولتهم
بس بقي تعرف الماع شقد
ماع 5 ولا ماع 8
يعني بتزيد على السعر 5 للاولانية و8 للتانية

[shereen]

اقتباس: المشاركة الأصلية كتبت بواسطة expert    الاخ المستغرب من سعر الشام توضيح يمكن الشباب بلشوا يطبقوا نظرية الماااع وعم يحطوا اسعار ما تزعل حدا منشان ما يعفطوهم على قولتهم بس بقي تعرف الماع شقد ماع 5 ولا ماع 8 يعني بتزيد على السعر 5 للاولانية و8 للتانية

اخي نحنا شعب ذاكرتو قصيرة في ناس نسيت وقت وصل لل 150 وبظرف كم يوم نزل لل 97 رد طلع لل 175 بعد فترة ونفس الشي هللق يعني كلشي غلي اضعاف من مازوت للشاي للسكر وقفت عالدولار يعني

[mak]

بصراحة قصة التخفيض مالي مستنضفها .......خصوصا انو قبل العيد....و هي مو اول مرة ......يعني كأنو الهدف هو تشليح المواطنين تحويلات ابنائهم بابخس الاثمان في فترة هم باشد الحاجة الى 500 ليرة فرق بالمية دولار يللي عم تصلهم .....و اغلب الناس مضطرة تصرف عالعيد مشان المصروف و ناس مشان الاضحية ....و شكلها السنة الماضية عجبتهم الفكرة الشباب ....بيرفع سعر السودا لل 200 و بعدين ببيع هوبـ 187 بيربح و ببيض وش كمان .....بعدين ببلش ينزل السعر من هون للعيد الناس بتبلش تبيع و هو بيلم بسعر ارخص من يللي باع فيه و بيعوض جزء من دولاراتو يللي باعها و ربح فيها .....بس المشكلة انو مو المركزي يللي عم يستفيد من هي اللعبة ....الحيتان الكبار كمان بيستفيدو ...لأنهم بيتحملو شوية خسارة مقابل ربح اكبر.....و اذا كانت اللعبة صارت مكشوفة فاكيد في ناس غير المركزي رح تلعبها و تطلع مستفيدة...و الخاسر الكبر للأسف هم اصحاب الدخل المحدود و المعتمدين على التحويلات البسيطة