سعر صرف الدولار والذهب مقابل الليرة السورية ليوم الإثنين 05- 05-2014

[انس الحموي]

عابد فضيلة جوليت اكد انو الارتفاع الحاصل بسعر الصرف ليس سببه المضاربين والمتلاعبين على حد تعبيرك وتعبير حاكم المصرف المركزي ووسائل الاعلام ...بل هناك عدة عوامل كلنا نعلم مدى تاثيرها على سعر الصرف ,,,,والحكي يلي عما تنقليه سمعناه من شهر وسعر الصرف لساته فوق ال165 ....برجع بقول هدف المركزي بهي الفترة كسب الوقت قدر المستطاع سواء بالتصريحات تارة او بالوعيد والتهديد تارة او بالتدخل بالسوق بكم مليون تارة ...وهدف ال 175 ليس ببعيد وربما نشهد اعلى منه بنهاية الشهر

[جوليت]

اقتباس: المشاركة الأصلية كتبت بواسطة mak    آنسة جولييت شو قصتك اليوم انتي و التصريحات تبع ام ال 150؟...و الله طلع الرقم من مخارنا ....و لو بتحكي من هون للصبح بهيك تصريحات ما رح يتغير شي غير اذا المركزي خشخش عبو........و شو صار بال 100 تبع مبارح من تحليل التصريح...و حق الرصاصة يللي تغير من 85 سنت ل دولار و 10 سنت ...مشان تظبط الحسابات؟..و سعر الخبز العالمي و ما بعرف شو كمان؟........يا خوفي بكرة يصير سعر دولار التصريح 175 و دولار تحليل التصريح 150 ......لئنو هدول سعرين جداد للدولار لازم ندرجهم بأسعار الدولار الرائجة في سوريا ...متل دولار التصدير و دولار التحويل و دولار التدخل و دولار المركزي و السعر الحقيقي...قصدي السوق السوداء و بيجوز يكون الي مشاركة شبيهة بهي بس كمان سقطت بالثقب الأسود تبع صفحة 9 .....و ما بعرف اذا بترجع تطلع او لأ ...فسامحونا اذا كان في تكرار

ولك عم امزح بتبع مبارح شو صايرلك , بس شو منشان شيرين انا بدي المصدر والتاريخ تبع السيارات ابل ماقول يلي عندي وممكن ينفهم خطأ لأنو ان بعض الظن اثم

[جوليت]

اقتباس: المشاركة الأصلية كتبت بواسطة انس الحموي    عابد فضيلة جوليت اكد انو الارتفاع الحاصل بسعر الصرف ليس سببه المضاربين والمتلاعبين على حد تعبيرك وتعبير حاكم المصرف المركزي ووسائل الاعلام ...بل هناك عدة عوامل كلنا نعلم مدى تاثيرها على سعر الصرف ,,,,والحكي يلي عما تنقليه سمعناه من شهر وسعر الصرف لساته فوق ال165 ....برجع بقول هدف المركزي بهي الفترة كسب الوقت قدر المستطاع سواء بالتصريحات تارة او بالوعيد والتهديد تارة او بالتدخل بالسوق بكم مليون تارة ...وهدف ال 175 ليس ببعيد وربما نشهد اعلى منه بنهاية الشهر

معلم بعد اذنك حذفلي جملة على" حد تعبيرك " ,انا نقلت كلامون ,بس ماقلت رأي .. أنا بعيدة عن رأيون بعد السما عن الارض او ابعد نتوفة

[انس الحموي]

اقتباس: المشاركة الأصلية كتبت بواسطة omar1233    اهلا اخ انس شو وين هل الغيبة

الحمد لله انا بخير بس شوية ضغط عمل عما يمنعني من الدخول للموقع احيانا ..وانت ما شاء الله عليك متابع اول باول


الذهب عالميا 1309 مازالت التوصيات كما هي الدخول بمنطقة 1280..1283 والخروج بمنطقة 1300...1305 ...من اتبع هذه الالية خلال الشهر الماضي حقق 5 عمليات دخول وخروج وحقق مكسب لايقل 5 الاف دولار بالكيلو الواحد....تجارة المعدن الاصفر خصوصا بهي الاونة كتير ممتاز وتحركات الاونصة كتير قوية وسريعة

[عابر مجيب]

لأول مرة ينطق الجماد ، أو يعبر عن رأي
صفحة من المنتدى ، تتمرد
شو اللي خلاها تقرف لهالدرجة ؟!
طيب خلونا نشوفها لنسجل تحية للصفحة اللي ملت من العي والتكرار بلا جدوى .

[انس الحموي]

اقتباس: المشاركة الأصلية كتبت بواسطة جوليت    معلم بعد اذنك حذفلي جملة على" حد تعبيرك " ,انا نقلت كلامون ,بس ماقلت رأي .. أنا بعيدة عن رأيون بعد السما عن الارض او ابعد نتوفة

بس ياجوليت انت والمركزي ووسائل الاعلام دايما بتقولوا في مؤامرة والمؤامرة بكون وراها لاعبين ومتلاعبين موهيك ولا انا غلطان ...شكلو هل المرة الجنوب والشمال خلصوا مؤامرات وصار دور المنطقة الوسطى ولا شو بتفسري سعر الصرف بمستويات متدنية مقارنة مع باقي المحافظات

[انس الحموي]

واستاذنا الكبير عابد فضيلة عما ياكد بالمقابلة يلي نشرتها صحيفة الوطن انو ارتفاع سعر الصرف طبيعي وليس له علاقة باللاعبين والمتلاعبين وانو مالهم اي دور برفع سعر الصرف ...فانو سوق سودا بدو يحاربها المركزي ؟؟؟

[omar1964]

مساء الخير
...
قال مدير إدارة الهجرة والجوازات اللواء أحمد خميس
أن فرع دمشق يقوم بإصدار نحو 900 جواز في اليوم وسطيا
وبالنسبة لريف دمشق فإنه يتم إصدار نحو 700 جواز في اليوم وسطي
وقال مدير الإدارة إنه خلال عام 2013 بلغ عدد الجوازات
التي تم إصدارها مليوناً ومئة وخمسين ألف جواز من كافة فروع الهجرة والجوازات في المحافظات السورية
حركة القدوم والمغادرة عبر المراكز الحدودية خلال عام 2013 هي وفق الآتي:
بلغ عدد القادمين السوريين /3.932.386/ مسافراً.
بلغ عدد القادمين العرب /571.221/ مسافراً.
بلغ عدد القادمين الأجانب /44.524/ مسافراً.
بلغ عدد المغادرين السوريين /4.585.639/ مسافراً.
بلغ عدد المغادرين العرب /549.433/ مسافراً.
بلغ عدد المغادرين الأجانب /53.816/ مسافراً
و بتوجيهات من وزير الداخلية ومنذ بداية تزايد طلب المواطنين على الجوازات تم اتخاذ تدابير عاجلة لتلبية المواطنين في إصدار الجوازات ومنع استغلالهم من خلال:
■ زيادة الطاقة الإنتاجية لإصدار الجوازات في كل فروع الهجرة وخصوصاً في كل من:
■ فرع هجرة مدينة دمشق (1300 جواز يومياً).
■ هجرة ريف دمشق (جواز يومياً 1200).
■ هجرة فلسطين (400 جواز يومياً).
---
المصدر: صحيفة الوطن تاريخ 4/5/2014

[al.faqir]

سؤال لاستاذنا وتاج راسنا الاستاذ عابر : هناك مقالة بتاريخ 27/11/2012 وهذا رابطها http://www.syrianef.org/?p=512 على المنتدى الاقتصادي السوري مفاده ان الدولة السورية تلقت ما مقداره 240 طن من الاوراق النقدية المطبوعة في روسيا بعد امتناع النمسا عن طباعة النقد بسبب العقوبات.
ماتأثير ذلك على الاقتصاد السوري وهل يساعد ذلك على استقرار قيمة صرف الليرة السورية.

[جوليت]

اقتباس: المشاركة الأصلية كتبت بواسطة انس الحموي    واستاذنا الكبير عابد فضيلة عما ياكد بالمقابلة يلي نشرتها صحيفة الوطن انو ارتفاع سعر الصرف طبيعي وليس له علاقة باللاعبين والمتلاعبين وانو مالهم اي دور برفع سعر الصرف ...فانو سوق سودا بدو يحاربها المركزي ؟؟؟

السيد عابد فضيلة عالعين والراس واستاذ كبير بالاقتصاد وبيفهم خيرات الله هادا كلو سليم لما كنا بوقت السلم ,اما بوقت الحرب المعادلة تتغير ... المافيا الها كلمة بالسوق واذا شئنا ام ابينا مافيا السوق السوداء فاعلة وليس السوق السوداء يلي قال عنون احد الاعضاء بالصيصان ...شو رأيك يجي السيد عابد يطبق نظرياتو عليون ؟؟ ليش بالاصل شايفينو (مع احترامي الو ) او شايفين غيرو !!!!!!!!