سعر صرف الدولار والذهب مقابل الليرة السورية ليوم السبت 19- 04-2014

[omar1964]

مساء الخير

[تيسير ابو محمد]

اغلاق ريف حلب الشرقي
163///////165
دمتم بخير

[تيسير ابو محمد]

الحركة اليومية للدولار في ريف حلب الشرقي
الافتتاح 161///162
الظهيرة 162.5///164
الاغلاق 163///165
العرض قليل والطلب اكثر

[M-PMP]

الاقتصادي ـ مواقع الكترونية:
====
أكد عضو مكتب "اتحاد غرف التجارة السورية" وعضو مجلس إدارة "غرفة تجارة حلب" ليون زكي، على أن ثمة نية مبيتة لدى "وزارة الاقتصاد" بمنع الاستيراد وبشكل غير صريح ومعلن لصالح المهربين والمحتكرين "الذين يتحكمون بقوت المواطن في ظرف عصيب يفترض أن تحترم القرارات فيه انسياب وتدفق السلع للتخفيف من وطأته"

وانتقد زكي تعليمات الوزارة الصادرة بتاريخ 7 نيسان الجاري، والتي حددت صلاحية إجازة الاستيراد بثلاثة أشهر فقط، غير قابلة للتجديد، اعتباراً من تاريخ منحها على أن يتم الحصول على الإجازة قبل شحن البضاعة، ودعا إلى وقف العمل بالتعليمات فوراً لسلبياتها الجمة التي تلحق الضرر بالأغلبية الساحقة من المستهلكين "الذين يعدون أكبر الخاسرين بعجزهم عن الوفاء بمتطلبات الحياة جراء البطالة وارتفاع الأسعار الجنوني".

وتابع زكي:
"على سبيل المثال لا الحصر، إذا رغب التاجر باستيراد أي سلعة من الصين أو الهند فعليه الحصول على إجازة الاستيراد مسبقاً، كي يستطيع تثبيت الأصناف والكميات التي ستسمح له الوزارة باستيرادها بناءً على ما يسمى (استرشاد الاستيراد)، علماً أن التصنيع لأغلب السلع يحتاج من شهرين إلى ثلاثة أشهر عدا عن إضافة مدة شهرين للشحن غير المباشر إلى سورية جراء العقوبات الاقتصادية على الشحن المباشر إليها، وبذلك تنتهي مهلة الثلاثة أشهر الممنوحة للإجازة فتصبح البضاعة غير قابلة للتخليص، فهل تخفى مثل هذه التفاصيل عن أصحاب القرار في وزارة الاقتصاد؟".

وللوصول إلى الهدف المنشود:
اقترح ليون زكي "منح التاجر والمستورد والصناعي الإجازة المطلوبة، من قبل لجنة ترشيد الاستيراد للمواد الأولية الخاصة بالصناعات الغذائية والدوائية والصناعية وكل صنف مهم للبلد، على أن تكون مدة الإجازة صالحة لمدة سنة أو ستة أشهر على أقل تقدير.

وكان عدد من التجار ذكروا لـ"الاقتصادي"، أن "وزارة الاقتصاد" قلصت مدة إجازة الاستيراد من 6 أشهر إلى 3 أشهر، لا فتين إلى أن هذا القرار من شأنه أن يرفع الأسعار في الأسواق المحلية، ويوقف عمل الكثير من التجار ويشجع على الفساد وتهريب البضائع.

وأكد بعض التجار على أن البضائع المستوردة تحتاج وسطيا للوصل إلى سورية من 60 يوما إلى 90 يوما وفي حال التأخير ولو بيوم واحد عن ذلك فإن البضائع لا يمكن تخليصها وخاصة أن إجازة الاستيراد لا يمكن تمديدها.
=====

فهل بامكان الاقتصاد الحر ان يصحح نفسه في مجتمعات الفقر والجهل؟ وما هو راي الاقتصاد في هذا؟

[hasobman]

صراحة يا شباب
موبس جهاز الاشعة والطبقي محوري طلعو خربانين
بعد التحشيش والتحشيش ما طلع معي شي
مخي طلع خربان كمان
فبعتذر منكم عن تقديم اي تحليل
في ظل المعطيات الحالية المتعاكسة

[drmousali]

يا جماعة شو صار مع عبد القادر والمسار ...طلوع ولا نزول ؟
الله يفرج و يرجع دولارهم لمحلو..
والله ما بيهون علينا..
مبسوطين بالاتنين..
لا تخلونا نجيب جاهة و ننزل عبيوتكون...تصالحوا الله لا يجيب عتب

[hasobman]

ضعط الدم طلع مرتفع لانو كترانة التصريحات والقرارات هالايام
البول طلع في حمض البول ههههه
ويدل على انو كل شي عم يفوت على الجهاز الهضمي ما عم يكفي الجسم كوحدة كاملة
لذلك بالمستقبل اتوقع جلطة خفيفة مع فقر دم
بس اذا جابولو كبدة وبندورة وشوية فيتامينات رح يصحصح شوي
بس جايين على موسم شوب كتير رح ياثر عالجسم بشكل او باخر
وممكن تنجح العملية والعلاج بس المريض عم يموت
تحليل طبي هه

[عابر مجيب]

أفضل التحليلات الاقتصادية ، هي التي يتم الحديث عنها بعد الحدث
يعني الواحد بيشوف الدولار طلع ، بيدور على مشاركة ، وبيطلع فيها واحد متوقع الهبوط
وبيفرد عضلاتو وبيتفهمن علينا ، وبيقول شلون كان عم تقول رح ينزل ؟
وبيوجهلو الحديث : يا أخي شو بيفهمك لا بقا تتوقع ؟ ليكو طلع
والعكس بالعكس ، طيب كان يعطينا رأيو بوقتها طالما عندو كل هالخبرة ! ويقارع الحجة بالحجة .
على كل حال ممكن يعطي رأيو وما بتفرق معو ، ولما بيطلع غلط ما بقا بنشوفو
هو بكل حال نكرة وما حدا مدور عليه ولا محرز عتابو
طيب واحد لا معروف ولا في امكانية محاسبتو ، ما بيحط توقع ولا بيقول شو سبب تحليلاتو
وبيحط أخبار ما لها أصل هاد شو وضعو؟
شو رأيكم اعمل اشتراك جديد ، واكتب أني مبارح كنت سهران مع الدكتور ميالة
وأحكي بلسانو ، وحط كل أحلامي وأمنياتي . هاد شو بيكون ؟
الخلاصة الكل بيقرأ والكل بيفهم ، وكل واحد معروف تاريخو ، وفي ناس بمواقع المسؤولية حطوا أسعار اعتمدت عليها الناس ، مرة قالوا 100 ومرة قالو 200 وهلأ صارت 150 وفي مين عم يروجلهم ، هدول ما في لهم حساب ؟ طيب 21/4 بعد بكرا وكلياتنا متابعين ورح نشوف ونقرأ .

[عابر مجيب]

تصبحوا على خير

[M-PMP]

يجب الاعتراف
في الواقع، الحكمة من وجود الحكمة... لا يصح الا الصحيح


تحية للاستاذ عابر مجيب