سعر صرف الدولار والذهب مقابل الليرة السورية اليوم السبت 05 -04- 2014

[مجد (مضارب سوري)]

استاذ عمار شو الأخبار عندك هل من تغيير ؟؟؟؟

استاذ رشاد اليوم مو مبين تقلان علينا ولا اخونا المسار

[الياطر]

اقتباس: المشاركة الأصلية كتبت بواسطة hasobman    يعني نشتري ونحنا مطمنين وسؤال تاني مين بيكفل القطعة الي عند الصايغ ما يكون ملعوب بعيارها يعني اذا اشتريت قطعة من عند صايغ محدد وبعدين اكتشفت ا نو مزور والصايغ اكيد ما رح يرجع مين بيضمنلي حقي سوق الذهب بالنسبة للغش ولا يجيك بعدو ولا حتى قبلو ما في اي ضمان ولا ورقة ولا وثيقة ولا دمغة بتثبت صحة عيار الذهب الا ينفحص من قبل خبراء وطالبنا مليون مرة اذا احد الصياغ الاكارم بيعلمنا على شي طريقة سهلة لمعرفة عيار الذهب ولو بشكل تقريبي مالقينا جواب ما عندي نية سيئة بس الذهب بيغري كتير وطالما ما في اجابة من ولا صايغ معناتا خايفين على حالون لا ينكشفو يعني وكما قال كاظم الساهر [color=#0a579d][font=comic sans ms][size=5][color=purple]ياصايغين الذهب حبيت ادلعها حبيت حبيت والله حبيت ادلعها وشوفوا لي خاتم حلو يستاهل اصبعها لك شوفوا لي خاتم حلو يستاهل اصبعها ياصايغين الذهب حبيت ادلعها شوفوا لي خاتم حلو يستاهل اصبعها [/colorا

السلام عليكم
اخي انت بس تشتري من اي صايغ
خود فاتورة منو
على الفاتورة في تفاصيل الوزن والعيار والسعر
اذا في اي خطأ بالفاتورة الشغلة فيها محكمة اقتصادية
وبظن ما في صايغ بحب يزور بيت خالتو
بالمشرمحي الذهب السوري المختوم بختم النقابة
وكل الذهب المشغول الموجود في واجهات المحلات
مضمون 100٪يعني خود وانت مطمن
واذا حدا من الاخوة صاير معو مشكلة بحياتو بقطعة ذهب مختومة .يتفضل ويشرحلنا شو صاير معو
لانو اناالي بالمصلحة 15سنة لا صار معي مشكلة ولاسمعت بكل سوق اللاذقية عن مشكلة بالعيار .
وشكرا

[عبدالقادر]

هلق بتسمحولي احكي رأي الي ولا اكل هوا وارجع لورا

[رشاد حج علي]

اسفين عالتاخير بسسب تحديث الغوغل كروم
بيروت
163________164,5
دمشق
165_________167
الرقة
166_______167
ادلب
165_______167
وفي متابعة لامور الغاز اوكرانيا ترفض تسعيرة الغاز الروسية الجديدة فكيف اذا وقف الغاز على اوربا كلها
الامور يعني فات الحابل بالنابل

[الياطر]

اما فيما يخص الطريقة لمعرفة العيار
يستخدم الصياغ مجموعة مواد كيميائية للتاكد من اي قطعة ليست صناعة سورية لانو السوري المختوم مناخدو فورا
للعلم اكتر من مرة فحصت ذهب صناعة لبنانية او خليجية وما استلمت الذهب لانو عياراتو مو صحيحة مع انو مختوم عندن لانو ما في رقابة من قبل الدولة عالورشات عندن متل عنا

[GoldMan$]

اقتباس: المشاركة الأصلية كتبت بواسطة hasobman    خالتي بالزمانات ورثت مبرومة ذهب من امها وامها من امها من فترة شي 5 سنوات راحت لتبيعها ما رضي حدا من الصياغ ياخدها ولا باي شكل من الاشكال ليش ما عرفت السبب بس اهو يقولولها انو ما في دمغة طيب يا ابن الحلال على اساس صايغ وفهمان اذا ما في دمغة معناتا مزور يعني معناتا الصايغ مو عرفان وين الله حاطو اذا مدموغ مشي واذا لا مزور ممكن يكون نفسو الصايغ عم يشتري مزور ويبيع مزور على اساس نظامي يا اما في سبب مارضي يشتري المبرومة منها علما ان المبرومة اتباعت وبشكل نظامي اما بالنسبة للذهب السعودي سمعت عنه انه افضل ذهب من بين الدول العربية من حيث دقة العيارات ولا اعرف ان كان صحيح هالشي ولا لا

اخي الكريم الصايغ اذا مافي فاتورة ما بيشتري من مين ما كان الا اذا بيعرفوا زبونه يعني خوفا من الشراء من سارق لانو مصيبة .. بيمرمطوه لصاحب المحل ... وطبعا لو بدو صاحب المحل يشتري بيفحصها للقطعة او ممكن يقللو للزبون ببيعتها على العيار مشان يتأكد من عيارها ....

[فهد]

خلال السنوات الثلاث الماضية و حتى الآن انخفضت قيمة الليرة السورية أمام الدولار
السنة الأولى :
وفق المركزي : تقريباً 21%
وفق السوداء : تقريباً 33%
السنة الثانية
وفق المركزي : تقريباً 31%
وفق السوداء : تقريباً 40%
السنة الثالثة
وفق المركزي : تقريباً 40%
وفق السوداء : تقريباً 26%
فيكون الانخفاض خلال الثلاث السنوات حتى الآن :
وفق المركزي : تقريباً 68%
وفق السوداء : تقريباً 71%

[M-PMP]

اللاذقية سا 3.15 م

شراء 164.5
مبيع 166

[zinarez]

اقتباس: المشاركة الأصلية كتبت بواسطة الياطر    السلام عليكم اخي انت بس تشتري من اي صايغ خود فاتورة منو على الفاتورة في تفاصيل الوزن والعيار والسعر اذا في اي خطأ بالفاتورة الشغلة فيها محكمة اقتصادية وبظن ما في صايغ بحب يزور بيت خالتو بالمشرمحي الذهب السوري المختوم بختم النقابة وكل الذهب المشغول الموجود في واجهات المحلات مضمون 100٪يعني خود وانت مطمن واذا حدا من الاخوة صاير معو مشكلة بحياتو بقطعة ذهب مختومة .يتفضل ويشرحلنا شو صاير معو لانو اناالي بالمصلحة 15سنة لا صار معي مشكلة ولاسمعت بكل سوق اللاذقية عن مشكلة بالعيار . وشكرا

بدي أحكي عن حادثتين:
1- سمعت (ومع بعدين شفت وتأكدت) بأنو شخص بعرفه أنا كان يزور الدهب ويختمه بختم (حلب 21) ويخللي زوجته تبيعه.. هالحكي من قرابة الـ 8 سنوات أو أكتر شوي.. وحسّوا على الشخص وزوجته وحطوهون بالحبس.
2- حكاية صارت معي من 3 أشهر.. بحلب في شارع اسمه شارع الإكسبريس بالفرقان، ماشية ولقيت بسطة محطوط فيها اللي بيخطرلك من الذهب. وقفت وتفرجت شوي ولقيت ست عم تدفع 3500 ليرة لأبو البسطة. المهم سألته شو هدول قالي دهب ومو دهب، والست اللي كانت عم تشتري (اللي دفعت 3500) اشترت مصاغ لعروس، لأنه كلو مختوم ومو مبين ولا بيغيّر لونه.
المهم اشتريت خاتم مختوم بمبلغ 400 ليرة سورية وفوراً رحت لعند صايغ بنفس المنطقة وقلتللوا شفلي هالخاتم قديش حقّه؟ بعد صفنه طويلة وبعد ما شاف الختم حطو عالميزان وبلش يمسك الآلة الحاسبة وبدو يحسب......، فوراً قلتللوا شو عم تعمل هادا مو دهب....!!!!!

النهفة : فرجيته لجارتي وفوراً قالتلي هادا مو دهب..!!!
والتعليق لكم

[الياطر]

اقتباس: المشاركة الأصلية كتبت بواسطة zinarez    بدي أحكي عن حادثتين: 1- سمعت (ومع بعدين شفت وتأكدت) بأنو شخص بعرفه أنا كان يزور الدهب ويختمه بختم (حلب 21) ويخللي زوجته تبيعه.. هالحكي من قرابة الـ 8 سنوات أو أكتر شوي.. وحسّوا على الشخص وزوجته وحطوهون بالحبس. 2- حكاية صارت معي من 3 أشهر.. بحلب في شارع اسمه شارع الإكسبريس بالفرقان، ماشية ولقيت بسطة محطوط فيها اللي بيخطرلك من الذهب. وقفت وتفرجت شوي ولقيت ست عم تدفع 3500 ليرة لأبو البسطة. المهم سألته شو هدول قالي دهب ومو دهب، والست اللي كانت عم تشتري (اللي دفعت 3500) اشترت مصاغ لعروس، لأنه كلو مختوم ومو مبين ولا بيغيّر لونه. المهم اشتريت خاتم مختوم بمبلغ 400 ليرة سورية وفوراً رحت لعند صايغ بنفس المنطقة وقلتللوا شفلي هالخاتم قديش حقّه؟ بعد صفنه طويلة وبعد ما شاف الختم حطو عالميزان وبلش يمسك الآلة الحاسبة وبدو يحسب......، فوراً قلتللوا شو عم تعمل هادا مو دهب....!!!!! النهفة : فرجيته لجارتي وفوراً قالتلي هادا مو دهب..!!! والتعليق لكم

اختي هاد يلي اشتريتيه ذهب روسي وهو بالاصل مو دهب اما الصايغ يلي ما كشفو حرام يتسما صايغ بالاصل
اما بالنسبة للقصة الاولى انت قلتي صاروا ببيت خالتن
انا بدي واحد اشترى من صايغ قطعة وصار معو مشكلة بالعيار
لانو اذا بيطلع في مشكلة بينحط الصايغ والورشة خلف الشمس
وانا متاكد من هالحكي