سعر صرف الدولار والذهب مقابل الليرة السورية ليوم الخميس والجمعة 3و4 - 4 - 2014

[فهد]

سعر الدولار 2013/4/4
المركزي : 87
السوداء : 122

[فهد]

سعر الدولار 2012/4/4
المركزي : 60
السوداء : 72

[فهد]

سعر الدولار 2014/4/4
المركزي : 146
السوداء : 165

[فهد]

انخفضت قيمة الليرة السورية أمام الدولار خلال عام :
وفق سعر المركزي : 40%
وفق سعر السوداء : 26%

[عابر مجيب]

اقتباس: المشاركة الأصلية كتبت بواسطة رشاد حج علي    روسيا اليوم في حال تخلي اوربا عن الغاز الروسي سيرتفع ثمن الغاز 50%

ياسيدي يستغنوا عنو وانا بطبخلهم اكلاتهم عندي
وإذا بدهم حطب جاهز ، وبعطيهم خط كهربا على حسابي
مافي أحلى من الفاينة

[Ryad]

اقتباس: المشاركة الأصلية كتبت بواسطة عابر مجيب    تسلملي حبيبي بتصدق لولا ملاحظتك ما كنت انتبهت انك جديد معنا دائما اشعر انك منا وفينا ، يمكن لأنك والفت مع سياق المنتدى بسرعة تقبل مودتي

والله العظيم انك بلقلب دايما
عفكرة بطريقة غريبة صرت حس هون بيتي يعني ما عاد حسيت انو الربح المادي هو بس المهم
انتو المهمين و هالجمعة الحلوة بمناقراتا و غزلا هي الحلوة

[عابر مجيب]

اقتباس: المشاركة الأصلية كتبت بواسطة عبدالقادر    اخ رشاد كلشي ارتفع وقفت عالغاز.من خلال حركتي بالسوق كل شي عم يكسد عالم عم تمر بمرحله فقر عجيت وتم الاستغناء عن كلشي كلشي بالكامل .وهاد الفقر اعراضو واثارو الجانبية مالا والي .يعني ما نيالنا بنوب يعني مثلا فقر بدون بيئة مهيئة لنقل المرض شي وفقر مع بيئة مهيئة شي تاني استاذ عابر ممكن يشرح اكتر مني

مالك سئلة
صعبتا
بس ما قصرت بالمشاركة السابقة وعملت الواجب مع كل أوروبا
أصلا بعد شطبها ما باقي غير كام بيت ، ورجعوا يشتغلوا بالرعي ، وتجميع الفطر من الغابات
ههههههههه

[عابر مجيب]

اقتباس: المشاركة الأصلية كتبت بواسطة رشاد حج علي    اخ عبد انت فهمان غلط مو بسوريا رح يغلى الغاز باوربا وما ادراك ما اوربا المواطن الاوربي مابيتنازل عن حقوقو هاد الشي بيعمل ثورات كبيرة

لأ الجماعة واعين وما بيعملوا مشاكل طالما عارفين ان الفائدة بترجع عليهم بالمستقبل
مالون قصيري نظر
انا من جهتي إذا بيصير الغاز ببلاش ممكن استعمل حطب للنكاية ، إذا الكل تضامنوا
هيك بيكون الوعي ، مو اللهم نفسي ، دجاجة بكرا أحسن من بيضة اليوم
لا زم أي دولة أو جهة بتكبر ، نحطلها حدود ، كلا على حسب استطاعته
نسيت لما قاطعنا البضائع الأمريكية ، وقتها ما كنا واعين وما حدا قاطع ياحسرة
بس قاطعنا بالشعارات
هو الوجع من اغراء الدولار ، الحمد لله ما بنعرف الروبل ، ما لو معزة عنا

[رشاد حج علي]

روسيا تستبق العقوبات الغربية وتنشأ نظام دفع الكتروني خاص بهاا
روسيا تتجه الا ايقاف سلسلة مطاعم ماكدونالز بكل روسيا بعد ايقافها بالقرم
القارة العجوز مهددة وافضل متل مابين حانة ومانة ضاعت لحانا
بين ارضاء امريكا والحاجة لروسيا بلعنا السيف عالحدين

[عابر مجيب]

اقتباس: المشاركة الأصلية كتبت بواسطة رشاد حج علي    روسيا تستبق العقوبات الغربية وتنشأ نظام دفع الكتروني خاص بهاا روسيا تتجه الا ايقاف سلسلة مطاعم ماكدونالز بكل روسيا بعد ايقافها بالقرم القارة العجوز مهددة وافضل متل مابين حانة ومانة ضاعت لحانا بين ارضاء امريكا والحاجة لروسيا بلعنا السيف عالحدين

نظام خاص بها يعني مع مين ؟
محلي ؟! ليش ما كان عندهم ، وبدهم يتحدوا أوروبا وأميركا
متل لعبة ضيفة وضيوف ( مدري ليش هيك اسمها ، المفروض مضيفة وضيوف )
مطاعم ماكدونالدز ، أكيد معظمها بدون رخصة من الشركة الأم ، وكاتبين اسمها غلط
يعني اقتصاد الشركة ما رح يتضرر
نوعية واسلوب الوجبه هو المهم ، هاي ثقافة اجتاحتهم غصب عنهم ، وما رح يستعيضوا عن الهامبرغر بالفلافل .