صالون سيرياستوكس للعطلات(3-4-5-6 ) آذار-2014

[حكيم الزمان]

[عابر مجيب]

اقتباس: المشاركة الأصلية كتبت بواسطة arnouri

هدول جماعة صاحبين عقل ، عرفانين يعيشوا صح ، وبيتمتعوا بالأكل
لذلك أغلبهم معجعجين

[omar1964]

صباح الخير
كنت عم اقرأ مقال إقتصادي طويل لأحد الأساتذة ما فهمتو مع انو متكلف الرجل و جايب اقتباسات من أسماء علماء إقتصاد بالشرق و الغرب .
لسى انا ما فهمت اقتصاد السوق الاجتماعي لحتى افهم اقتصاد السوق الانساني .
بالنهاية بعد ما قرأته مرتين وجعني راسي و ما فهمت شي .
يا ريت لو انو اساتذة الجامعة لما يكتبو بالجرايد تكون كتاباتهم بشكل أوضح و أكثر اختصار و وضوح .
المقال بالجريدة المفروض يكون مفهوم من أغلب القراء مو متل المحاضرة الاكاديمية بالجامعة.

[عابر مجيب]

اقتباس: المشاركة الأصلية كتبت بواسطة omar1964    صباح الخير كنت عم اقرأ مقال إقتصادي طويل لأحد الأساتذة ما فهمتو مع انو متكلف الرجل و جايب اقتباسات من أسماء علماء إقتصاد بالشرق و الغرب . لسى انا ما فهمت اقتصاد السوق الاجتماعي لحتى افهم اقتصاد السوق الانساني . بالنهاية بعد ما قرأته مرتين وجعني راسي و ما فهمت شي . يا ريت لو انو اساتذة الجامعة لما يكتبو بالجرايد تكون كتاباتهم بشكل أوضح و أكثر اختصار و وضوح . المقال بالجريدة المفروض يكون مفهوم من أغلب القراء مو متل المحاضرة الاكاديمية بالجامعة.

شاركت قبل شوي وفايت طاحش ، بلا احم ولا دستور ، نسيت صبح عليكم ، ونسيت اشكر مضيفتنا الكريمة
بنرجع لموضوعنا
هنالك أناس يحبون التميز ، ويظنون أن الكتابة بلغة صعبة يجعل منهم علماء كبار ، يتميزون عن العامة ، وبنفس الوقت يتركون لأنفسهم فسحة للخطأ ، بحيث من فهم ووجد الخطأ فيما قالوا ، يظن ان الخلل منه هو .
ويتحزلق الكثيرون في الكلام مثلا :
يقولون ناجعة ، بدل ان يقولوا فعالة أو حتى ناجحة ( شو بتشكي )
بس قال هيك لغة أرقى ، الرجل العادي ، يا بيفكرهم غلطانين بالأحرف ، يا بيقول ( ده كلام كبير قوي )
يحار الطبيب أحيانا أمام مريض ، فيطلب كونسلتو ( تنفيعة لرفقاتو ، ورفع مسؤوليه عنه ) ، طبعا الشباب بيجو بيقولوا شو عنده ؟ تخيلوا يقول ما بعرف !
فبيقول عنده سيندروم ، فالكل بيقولوا أه سيندروم ، وبيظهروا اهتمامهم
أهل المريض ببلوا تيابهم ، العمى طلع معو سيندروم !!!
يبقى ان سيندروم لا تتجاوز معنى ( حالة ) فقط .
بعض دور العبادة بتستخدم لغة المذهب الأم ، في منطقة لا يفقه أهلها تلك اللغة ، فيجلسون خاشعين متوجسين ، ولو فهموا كانوا لقو الوعظ عادي ، ما بدها كل هاد
مو بأيدي بحب افقس كل شغلة عوجة هههههههههههه

[omar1964]

عندي حكاية
من فترة اجا لعندي أحد اصحابي و حكالي عن واحد كان يشتغل بجمع الخردة على طرطيرة .
انو بالفترة الأخيرة صار من اصحاب الملايين الكثيرة و قال انو شافه عم يعد ملايين الدولارات و السوري ما في داعي لعدو مو مستاهل العذاب حاطط ميزان و عم يحسب الرزم عالوزن .
معقول يكون لاقى اثناء عمله بجمع الخردة و البلاستيك
الحجر السحري ( حجر الفلاسفة ) ثم قام بتحويل كل التنك المصدي و القاظانات العتيقة و بقايا المعادن يلي عندو
لمعادن نفيسة و غالية ...ممكن .!!!
و على سيرة حجر الفلاسفة
يقال و ما اكثر ما يقال
ان راهبا في احد الاديرة في اوروبا في القرون الوسطى كان يعمل على تحضير حجر الفلاسفة .
و كان يقوم بخلط مواد معدنية و املاح معدنية و مركبات أخرى يجهل تركيبها الدقيق ( فترة السيمياء قبل الكيمياء )
و يغليها في قدر على النار و بعد أشهر من التجارب المضنية أصابه الاحباط و اليأس لأنه لم يصل الى نتيجة فقام برمي الكتل الصلبة التي نتجت عن تجاربه الفاشلة في حظيرة الخنازير التي في الدير .
لكن بعد فترة لاحظ أن الخنازير التي تلعق هذه الحجارة تحسن وزنها و ازداد تحويلها للحم .. ففكر بالاستفادة من هذا الاكتشاف و تسخيره لتحسين صحة الرهبان الصغار ضعاف البنية فقام بتحضير حساء ( شوربة ) أضاف اليه بعض من مسحوق هذه الحجارة و اطعم الرهبان منه فكان أن مرضوا و ماتوا ..
هي تاني مرة بكتبها و بتنمحى من النافذة

[حكيم الزمان]

[عابر مجيب]

اقتباس: المشاركة الأصلية كتبت بواسطة omar1964    عندي حكاية من فترة اجا لعندي أحد اصحابي و حكالي عن واحد كان يشتغل بجمع الخردة على طرطيرة . انو بالفترة الأخيرة صار من اصحاب الملايين الكثيرة و قال انو شافه عم يعد ملايين الدولارات و السوري ما في داعي لعدو مو مستاهل العذاب حاطط ميزان و عم يحسب الرزم عالوزن . معقول يكون لاقى اثناء عمله بجمع الخردة و البلاستيك الحجر السحري ( حجر الفلاسفة ) ثم قام بتحويل كل التنك المصدي و القاظانات العتيقة و بقايا المعادن يلي عندو لمعادن نفيسة و غالية ...ممكن .!!! و على سيرة حجر الفلاسفة يقال و ما اكثر ما يقال ان راهبا في احد الاديرة في اوروبا في القرون الوسطى كان يعمل على تحضير حجر الفلاسفة . و كان يقوم بخلط مواد معدنية و املاح معدنية و مركبات أخرى يجهل تركيبها الدقيق ( فترة السيمياء قبل الكيمياء ) و يغليها في قدر على النار و بعد أشهر من التجارب المضنية أصابه الاحباط و اليأس لأنه لم يصل الى نتيجة فقام برمي الكتل الصلبة التي نتجت عن تجاربه الفاشلة في حظيرة الخنازير التي في الدير . لكن بعد فترة لاحظ أن الخنازير التي تلعق هذه الحجارة تحسن وزنها و ازداد تحويلها للحم .. ففكر بالاستفادة من هذا الاكتشاف و تسخيره لتحسين صحة الرهبان الصغار ضعاف البنية فقام بتحضير حساء ( شوربة ) أضاف اليه بعض من مسحوق هذه الحجارة و اطعم الرهبان منه فكان أن مرضوا و ماتوا .. هي تاني مرة بكتبها و بتنمحى من النافذة

يعني واحد قلب الخردة ملايين ، بدك ما يمحي المشاركة ؟!!
هلأ بتشوف، شوي وبيقطع الكهرباء
الله يلطف فيك ، روح وزعلك كم ربطة خبز .

[غسان]

صباح الخير
اهلين ابو عمر مشكله هالنت البطيء مالو دوا ،،
بالنسبه لبياع الخردة وباعتبار صار معو ملايين الدولارات ممكن يكون غير شغلتو فصارت السما تشتي عمله عليه ،،،، قد يكون مسألة جمع ثروات اسهل بالماضي مما عليه الوضع الان ربما بسبب ضعف المنافسه او قلتها وامور تانية متل الرخص نسبيا في الماضي ثمن بيت مثلا عشرة الاف ليرة
وراتب الموظف حينها 300 يعني راتب 3 سنوات مو متل الوضع الحالي ثمن البيت يعادل راتب 200 سنه ،،،،،
او ممكن هالكلمات شماعه نستخدمها لعدم تمكننا من تحقيق الثروة المطلوبه في احلامنا
هل يعتمد الرزق على الذكاء وهل الرزق بيحب الخفية على قولة المصرية ؟؟؟
مع علم الجميع من حيث المبدأ ان الرزق من الله وعلى الله
ولكن هل يوجد اسباب مساعدة
هل الرزق يزيد مع ثقافة الانسان او علمه او تعليمه ؟
هل يعتمد على الحظ والصدفة
هل يعتمد على نشاط الانسان وقدرته على تحديد خيارته ومدى نجاحه في امر ما
،،، الاف المحللين الماليين والذين لهم شهرة واسعة لماذا لا يصبحون من اصحاب الملايين باتباع تحليلاتهم عن الذهب والنفط والاسهم العالمية ،،،
،،، افكار كثيره عن الرزق ،،، منذ فترة طويله كنت اعرف طبيبا مشهورا جدا في دمشق مختص بالعيون ،،، ذهبت مره لاخذ موعد ،،، كانت العياده في الدور الاول او الثاني والمراجعين من كثرتهم مفترشين الادراج ويبدو من ثيابهم انهم من محافظات سوريه مختلفة ،،،، المهم طلبت موعد من السكرتيره فاعطتني موعد بنفس اليوم. ،،،، ولكن بعد شهرين فقط ههههههه ،،،، كانت شهرته بلغت الافاق حينها وكنت صغيرا متشبثا بالذهاب اليه انتظرت الشهرين وكانت المعاينه روتينيه ولم تتجاوز العشر دقائق لتغيير درجة عدسات النظاره كنت في المدرسه حينها ،،، المهم تم دفع الاجره 500 ليره وكانت وقتها اكثر من ضعف مايأخذه الاطباء حينها طبعا عدا عمليات جراحة العين والتي تكلف عشرات او مئات الالوف يوميا ماقدر الله وشاء من العمليات ،،،،
ولكن ذلك لاينطبق على كل الاطباء. ياما دخلنا على اطباء وكانت عيادتهم خاوية من المرضى ،،
هل يمكننا ان نستعير كلمه القطيع هنا التي يتحسس منها البعض ؟؟؟؟
هل ذاك الطبيب ناجح لتلك الدرجه وهل هذا الطبيب فاشل لتلك الدرجة ؟
كلمات نسمعها جميعا ( معو بورد من امريكا ،،، ماشاء الله مابيصعب عليه شي ،،، والله فهمان هالدكتور ،،،،، هداك اي حمار معبا بنطلون الو كل خبصة،،، يالطيف


بياع الخرده ذكرني بمسلسل نور الشريف يلي بيكون بياع خرده وبيصير غني وبيتجوز اربعة ،،،،
يعني ممكن يكون الواحد مابيفك الخط وبيصير معو ملايين متلتلة ،،،
هاد شي طبيعي ومنشوفو كلنا ،،، احلى شي حكي الناس ،،،، كيف بتكون متناقضة بس الها هدف نهائي هوة المصاري وهاد شي ممكن مايكون خطأ بالاجمال ،،، متل (خلي يدرس طب بكرا بيقص دهب ،،،، طلعوا من المدرسة وعلموا مهنة تنفعوا احسن من هالعلاك المصدي ووجع القلب بكرا بيقبر الفقر بمهنة حرزانه ،،،، """.
وتستمر الكلمات والافكار حتى تصطدم بمرور الزمن ليثبت صحتها او فشلها مع امكان نجاحها مع البعض وفشلها مع الوضع الاخر

[رندة]

جمعة مباركة

[رندة]