أسعار و مواصفات مولدات

[انس الحموي]

هي صورة للدينمو وصورة تانية لشكل التوصيل الموتور بدور الدينمو والدينمو بيشحن البطارية العملية بغاية السهولة

[انس الحموي]

وهي صورة اوضح لتوصيل البطارية بالموتور وشحنه بالاضافة لصورة رافع الجهد وهو موصول على البطارية وكل يلي عليك لما تنقطع الكهرباء تجيب سيار كهرباء وتحط فيه يلي بدك ياه من تلفزيون ولمبات انارة وتوصلهم برافع الجهد واهلا وسهلا فيك اخي ابو خالد وبتمنى يكون كلشي واضح واي سؤال او استفسار انا بالخدمة

[أبوخالد]

ألف شكر أستاذ أنس على هذا الشرح الوافي

[أبو عناد]

سيد انس بكور شكرا لمعلوماتك القيمة ....حسب ما فهمت من شرحك طريقة يلي انت عم تولد الكهربا فيها انفيرتي ...!؟

و الانفيرتي مع شاحن سريع سعروا 16 الف بسوق الكهربا ....بشحن بطارية 55 امبير خلال 2 ساعة مجربة

يعني طريقتك اضافت الدينموا و المتور .... وحذفت الشاحن أما الانفيرتي يلي اسطاعتوا 1300 سعروا فوق 10000 و ليس 3000 حسب ما كتبت

ياريت تصححلي اذا كنت غلطان ....النتيجة وحدة بالأضاءة لان الضرب عل البطارية

بس الفرق هي باختصار الشحن من 4 ساعات كون البطارية 100 الي ربع ساعة


وهون عندي سؤال كونك بتعرف بالكهربا لماذا سرعة الشحن عن طريق المتور اسرع بكتير من عن طريق ا لشاحن ..!!!! و شكرا الك مرة تانية حبي

[انس الحموي]

اقتباس: المشاركة الأصلية كتبت بواسطة أبو عناد    سيد انس بكور شكرا لمعلوماتك القيمة ....حسب ما فهمت من شرحك طريقة يلي انت عم تولد الكهربا فيها انفيرتي ...!؟ و الانفيرتي مع شاحن سريع سعروا 16 الف بسوق الكهربا ....بشحن بطارية 55 امبير خلال 2 ساعة مجربة يعني طريقتك اضافت الدينموا و المتور .... وحذفت الشاحن أما الانفيرتي يلي اسطاعتوا 1300 سعروا فوق 10000 و ليس 3000 حسب ما كتبت ياريت تصححلي اذا كنت غلطان ....النتيجة وحدة بالأضاءة لان الضرب عل البطارية بس الفرق هي باختصار الشحن من 4 ساعات كون البطارية 100 الي ربع ساعة وهون عندي سؤال كونك بتعرف بالكهربا لماذا سرعة الشحن عن طريق المتور اسرع بكتير من عن طريق ا لشاحن ..!!!! و شكرا الك مرة تانية حبي

أخي بالنسبة للشاحن السريع بالساعة يادوب يشحن 8 امبير يعني بطارية 100 امبير بدو عليها قرابة 11 او 12 ساعة لشحنها بالكامل ويلي بصير مثلا الكهرباء انقطعت ساعتين واجت طول اليوم هون رح يشحن 22 ساعة ولما بتنقطع الكهرباء بتفكر الناس انو عما يشحن وشحنه سريع بس خلينا نجرب بالعكس حاول تفضي البطارية على الاخر وجرب حطها على الشاحن ساعتين وجرب شغل عليها انارة وتلفزيون ولابتوب خلال ربع او نص ساعة رح تفضى البطارية ....

اما الانفيرتر 1200 واط حقه 3000 مو 10 الاف وقد مابدك برسلك انفيرترات ولا تخاف مو تصنيع محلي تصنيع الصين ومجهز بحماية وفي حال ارتفع السحب عليه بيعطيك ضوء احمر وفي حال حدث اي خطأ بالتوصيل بينضرب بس الفيوز وحقه 5 ليرات

[أبو عناد]

اقتباس: المشاركة الأصلية كتبت بواسطة انس بكور    أخي بالنسبة للشاحن السريع بالساعة يادوب يشحن 8 امبير يعني بطارية 100 امبير بدو عليها قرابة 11 او 12 ساعة لشحنها بالكامل ويلي بصير مثلا الكهرباء انقطعت ساعتين واجت طول اليوم هون رح يشحن 22 ساعة ولما بتنقطع الكهرباء بتفكر الناس انو عما يشحن وشحنه سريع بس خلينا نجرب بالعكس حاول تفضي البطارية على الاخر وجرب حطها على الشاحن ساعتين وجرب شغل عليها انارة وتلفزيون ولابتوب خلال ربع او نص ساعة رح تفضى البطارية .... اما الانفيرتر 1200 واط حقه 3000 مو 10 الاف وقد مابدك برسلك انفيرترات ولا تخاف مو تصنيع محلي تصنيع الصين ومجهز بحماية وفي حال ارتفع السحب عليه بيعطيك ضوء احمر وفي حال حدث اي خطأ بالتوصيل بينضرب بس الفيوز وحقه 5 ليرات

يا سيدي الكريم ...شكرا على ما تفضلت به ....وان كان لازلت في ضياع شوي من بعض المعلومات....انزلت من حوالي عشر ايام و فصلت انفيرتير 500 واط اسمي طلع سعروا 3100 ليرة ...سألت ابن عمي جايب بطارية 55 امبير عم يشحنها ب 2 ساعتين بس عن طريق شاحن سريع عم يشغل فيها تلفزيون و ريسيفر 5 ساعات متواصلة ,,,, يعني معئولة عم يشحنها ربع شحن و عم يشغلون 5 ساعات ...!!! رفيقي فصل الانفيرتير 1200 واط مع شاحن سريع ب 16 الف ...الشاحن لحالوا حقوا 6000 ليرة ........بقى مابعرف صيني مو صيني الله اعلم ...

[ramiro]

موضوع جميل تشكر عليه اخي الغالي

بالنسبة لتبديل الزيت يكون كل 60 ساعة عمل و حتى ما نخربط بالعد نضع دفتر صغير يعلق على المولدة لتسجيل عدد الساعات و اهم شي بتبديل الزيت انه يكون نوعية ممتازة و يتطلب النظافة التامة بعملية التبديل , لا ترمي الزيت القديم فبعض المحلات تشترية أو استعمله بأمور اخرى ربما تكون للتدفئة في وقت لاحق.
هناك مؤشر لمستوى الزيت عادةً يكون بمكان فتحة تعبئة الزيت , عند التبديل و قبل شد الغطاء امسح جيداً مؤشر مستوى الزيت ثم شد الغطاء و بعد ذلك قم بفتح الغطاء مرة ثانية , يجب ان يكون مستوى الزيت بين [xxxxxxx] يعني بين اشارات الضرب.
من حين لاخر و قبل تشغيل المولدة انظر تحت المولدة للتأكد بأنه لا يوجد تسريب للزيت و في حال التسريب انصحك بعدم التشغيل و مراجعة اقرب فني مختص.

[لقماان]

اقتباس: المشاركة الأصلية كتبت بواسطة mouayad    اولا اباااااااااااااارك وبدون حسد او حقد او غل لأخونا غالب ابو النور نجاح فكرته ولكن التوفيق او الحظ او التوقيت ربما يكون حليف شخص دون الآخر فقبل عدة أشهر افتتحت صالة هنا اسمها خدمات كان لها نفس الغاية ولكن سبحان الله لم تلق نجاحا ؟؟؟؟؟؟؟؟؟ المهم لنا هو تحقيق الهدف وهو خدمة الجميع فهذه رسالة الموقع والتي تعلمنا منها أن تكون رسالتنا انجاح العمل مهمة الجميع كل حسب استطاعته

والله يا أخ أبو عمر
أنا كنت بدي شير لهالموضوع ...
من باب الحفاظ على الحقوق
بس خفت تعمل مداخلتي مردود سلبي
و تخفف حماس المتحمسين .....
الشهادة لله
نعم عندك موضوع خدمي بهذا الخصوص و اذكر أنني كتبت فيه عن موضوع جوازات السفر
--------------------
بس متل ما تفضلت أبو عمر ....
هي الشغلة توفيق من رب العالمين ............

[Shoud]

اقتباس: المشاركة الأصلية كتبت بواسطة mouayad    أسعار و مواصفات المولدات التي استطعت الحصول عليها طبعا يوجد بالسوق العديد من الأنواع صيني و ياباني و استطاعات مختلفة و هنا سأضع فقط مولدات استخدام مكتب او منزل و اي مولدة اهم ما يجب معرفته ان كان قلب المحرك او قلب المولدة نحاس او معدن او المنيوم لأن المعدن و الألمنيوم غير صالح لمدة طويلة ملاحظة : هذه المولدات بدون كفالة مولدة استطاعة 1000 شمعة النوع : هيت زيل الصنع : الماني بدون كفالة قلب المولدة: نحاس السعر : 9.000 ل.س تكفي لانارة اضاءة منزلية \ نيونات اضاءة منزلية + اجهزة كمبيوتر \ ........................................... مولدة استطاعة 3.000 شمعة النوع : استرا بلد الصنع : كوريا قلب المولدة : نحاس السعر : 17.500 ل.س تكفي لاستخدام المنزل بشكل كامل

السلام عليكم شباب
عندي مولد ديزل نوع كيبور 5200 شمعة سؤالي هو هل صحيح بأن تشغيل السخان الحراري يتعبزالمولدة ويقصر عمرها ... هلق انا السخان صغير عبارة 450واط
كمان بهمني اعرف مولدتي 5200 اذا حملت عليها اعظم شي حوالي 3800 شمعة و3800 هنن عبارة عن مكيف عالساخن 1,5 طون سخانة كهرباء 450واط شاشيتن 40بوصة lcd خمس لمبات توفير براد عادي كريم
المهم المولدة سجل لي على مقياس امبير حوالي 17 امبير هل هذا يضر بالمولدة
هل الشاشة المسجل عليها 215 واط يعني بتسحب من المولد 215 شمعة!!!!!! ولكم جزيل الشكر

[الشركة العالمية]

اين توجد الموالدات وكم السعر