سعر صرف الدولار والذهب مقابل الليرة السورية اليوم الاحد 16 -03- 2014

[جوليت]

اقتباس: المشاركة الأصلية كتبت بواسطة عابر مجيب    هدول وجهين لعملة واحدة ، معون معون ، عليهم عليهم . ناس ذرائعيين ، متل الفواخيري ( صانع الفخار ) بيحط اذن الجرة متل ما بيناسبو ، وهنن متشابهين بكل الدنيا . الحشاشين بكل الدنيا بيشبهوا بعضهم المقامرين بيشبهوا بعض المهربين كذلك يعني متل المنغوليين حتى لو كان صيني بتلاقيه بيشبه ابن جيراننا المنغولي . هلأ وانا عم اتذكر المنغوليين اللي شايفهم بحياتي ، تذكرت ان عمري ما شفت واحد أفريقي ، ما بعرف ياترى لأن عندهم ما بيصير خلل بالكروموزومات ، أم أن أكثر من القرد ما مسخ الله !

سيد عابر انا ايام بيتبادر لذهني شغلة ,انا ماشفت ولا مشاركة الك فيا مدح لاي شي ببلدك ,يعني كلو نقد ,يعني معقول التوب يكون كلو اسود ؟؟؟؟ ودائما مشاركتك تتنطوي تحت بند " تفريغ المحتوى لأي شي " مع انو ماشفت شي نقدتو حضرك وتفرغ محتواه عارض الواقع ... هل هذه حالة سيكولوجية ام ماذا
طبعا المشاركة تتنطوي تحت بند "التساؤل " مع الاحترام لرأيك

[جوليت]

اقتباس: المشاركة الأصلية كتبت بواسطة عابر مجيب    الأهم من الاشاعة هو انتظار رد الفعل ، والاقدام على تحويلها إلى حقيقة ، أو الاحجام وتغييرها. المشكلة لما بتنحط الاشاعة ، أو الكذبة ، أو بيتم اتخاذ اجراء معين ، دون الرجوع إلى ردة الفعل ، وبيكون الفاعل كل فكرو أنو قاضي غرض . والناس ما شايفينو غير مجنون وفلتان ، وعم يتحاشوه مره خوف من أذاه، ومرة شفقة عليه، وبقية المرات قرف منو.

سيد عابر مثلا هذه المشاركة يتم تحليلها عن طريق البرمجة اللغوية العصبية كالتالي :
شخص يأسان .... مالل ... فقد الوسيلة ............... طبعا هيك التحليل بقول مع احترامي لرأيك ولكن افينا نغير علم النفس بضل العلم علم استاذنا الموقر

[عابر مجيب]

اقتباس: المشاركة الأصلية كتبت بواسطة shereen    كلام منطقي متل قبل مايطلع مرسوم السيارات اللي برات البلد كانت اشاعتو سابقتو بشي 6 شهور بس ياجماعة الدولار بيختلف اصلا من المعيب انو رجال اعمال سوريين يضخو دولارات بالسوق السودا طيب وينو المركزي او الشغلة قائمة على رجال الاعمال انا بظنو هالخبر سلبة يعني ممكن يهدي الدولار شوي بسبب يبرود والوضع السياسي الدولي صار بايد روسيا بقوة متل اوكرانيا صوت البرلمان بالقرم انو صارت لروسيا وبدون اي اعتراض امريكي او اوربي (مجرد شوية هوبرة) اما رجال اعمال يضخو بالسوق السودا اي شو شاطة ريالتهم او هبلان

رجال الأعمال بيحطو الليرة بياخدوها عشرة ، الخبر محرف بكل حال ، والدليل ان السوق السوداء محاربة من الدولة . مو مستاهلة تفكري فيه.
أما حكاية ان روسيا ربحت الجولة بسرعة ، فهاد بيقولولو عجنة بلا خمير .
واللي فات أوكرانيا حصرم حتاكلو عنب . وحتبلش عندهم من المركز مو الأطراف هالمرة .

[عابر مجيب]

اقتباس: المشاركة الأصلية كتبت بواسطة جوليت    سيد عابر انا ايام بيتبادر لذهني شغلة ,انا ماشفت ولا مشاركة الك فيا مدح لاي شي ببلدك ,يعني كلو نقد ,يعني معقول التوب يكون كلو اسود ؟؟؟؟ ودائما مشاركتك تتنطوي تحت بند " تفريغ المحتوى لأي شي " مع انو ماشفت شي نقدتو حضرك وتفرغ محتواه عارض الواقع ... هل هذه حالة سيكولوجية ام ماذا طبعا المشاركة تتنطوي تحت بند "التساؤل " مع الاحترام لرأيك

اقتباس: المشاركة الأصلية كتبت بواسطة جوليت    سيد عابر مثلا هذه المشاركة يتم تحليلها عن طريق البرمجة اللغوية العصبية كالتالي : شخص يأسان .... مالل ... فقد الوسيلة ............... طبعا هيك التحليل بقول مع احترامي لرأيك ولكن افينا نغير علم النفس بضل العلم علم استاذنا الموقر

ما ممكن تكون زاويتك لمشاهدة مشاركاتي منحرفة ؟
بهيك حالة بنلجأ لملاحظات الآخرين
إذا تبين ان البقية شايفين غير ما نحنا شايفين بنصلح نظرتنا
هاد لا نظرية ولا علم قابل للنقض والتعديل ، على فرض وجود علم اسمو برمجة لغوية عصبيه .
هاد ابسط مبادئ الادراك والتحليل المنطقي .
هاد الطفل بيفهمو من خلال الفطرة السليمة .

[جوليت]

اقتباس: المشاركة الأصلية كتبت بواسطة عابر مجيب    ما ممكن تكون زاويتك لمشاهدة مشاركاتي منحرفة ؟ بهيك حالة بنلجأ لملاحظات الآخرين إذا تبين ان البقية شايفين غير ما نحنا شايفين بنصلح نظرتنا هاد لا نظرية ولا علم قابل للنقض والتعديل ، على فرض وجود علم اسمو برمجة لغوية عصبيه . هاد ابسط مبادئ الادراك والتحليل المنطقي . هاد الطفل بيفهمو من خلال الفطرة السليمة .

سيد عابر مااقتنعت , حتى لو كانت الزاوية يلي مشوف فيا مشاركتك بزاوية 360 درجة ,بس مو من المنطقي ولا مشاركة الك الا ذم , وعندي قاعدة حتى الشي يلي ممكن الواحد ينقدو مستحيل يكون 100 بالمية كل شي فيه سلبي ؟؟ برأي نظرية البرمجة اللغوية اصح

[أبو العلاء المعري]

اقتباس: المشاركة الأصلية كتبت بواسطة عابر مجيب    هدول وجهين لعملة واحدة ، معون معون ، عليهم عليهم . ناس ذرائعيين ، متل الفواخيري ( صانع الفخار ) بيحط اذن الجرة متل ما بيناسبو ، وهنن متشابهين بكل الدنيا . الحشاشين بكل الدنيا بيشبهوا بعضهم المقامرين بيشبهوا بعض المهربين كذلك يعني متل المنغوليين حتى لو كان صيني بتلاقيه بيشبه ابن جيراننا المنغولي . هلأ وانا عم اتذكر المنغوليين اللي شايفهم بحياتي ، تذكرت ان عمري ما شفت واحد أفريقي ، ما بعرف ياترى لأن عندهم ما بيصير خلل بالكروموزومات ، أم أن أكثر من القرد ما مسخ الله !

كأنك ما انتبهت لكوفي عنان!

[mak]

اقتباس: المشاركة الأصلية كتبت بواسطة shereen    ياجماعة مساء الخير للجميع ماعدا (المزعبرين ) انا بدي افهم شو الفرق بين رجال الاعمال الخارجين عن القانون وبيشتغلو بالنفط ورجال الاعمال اللي عم يضخو بالسوق السودا يعني انو هنن مصاصين الدماء الحقيقييين

هدنك نطو من السفينة او بدهون ينطو.....فصار كلشي عندهم غنائم و حلال على قولة التكفيريين.....اما هدول فهن عم يغرفو من أموال هدنك و يتبرعو من الجمل ادنو.....بيجوز من مبدأ السارق من السارق كالوارث من ابيه؟

[المسار]

اقتباس: المشاركة الأصلية كتبت بواسطة جوليت    سيد عابر مااقتنعت , حتى لو كانت الزاوية يلي مشوف فيا مشاركتك بزاوية 360 درجة ,بس مو من المنطقي ولا مشاركة الك الا ذم , وعندي قاعدة حتى الشي يلي ممكن الواحد ينقدو مستحيل يكون 100 بالمية كل شي فيه سلبي ؟؟ برأي نظرية البرمجة اللغوية اصح

حسب معلوماتي عن البرمجه اللغويه هي علم يتمتع به الشخص لايصال الفكره لكل المستويات المخاطبه

وليست وسيله لتوصيف الاشخاص

[جوليت]

اقتباس: المشاركة الأصلية كتبت بواسطة المسار    حسب معلوماتي عن البرمجه اللغويه هي علم يتمتع به الشخص لايصال الفكره لكل المستويات المخاطبه وليست وسيله لتوصيف الاشخاص

مية مية كلامك انتبه ليلي بدي اشرحلك ياه :
لحتى توصل الفكرة لكل المستويات المخاطبة شو ياحزرك لازم تمتلك ؟؟؟ معرفة بتوصيف الشخص المخاطب (لحتى تزبط قاعدة لكل مقام مقال ) ...اذا لحتى تكون ماهر بالبرمجة لازم تكون ماهر بالتوصيف يعني التوصيف جزء من البرمجة .... سيد المسار الدراسات الحديثة اكدت انو التوصيف مدخلك للبرمجة اللغوية العصبية

[hasobman]

اقتباس: المشاركة الأصلية كتبت بواسطة المسار    اخي ابو نجيب معلوماتي معاكسي لمعلوماتك تماما والامور بلبنان على انفراج هلق اذا كان المقصود احداث طرابلس فطرابلس عاملينا هون شماعة كل ما انكسر فريق بحرك جماعتوبطرابلس ليرجج ياخد موقع افضل الا اذا في شي تاني نورنا في اذا بتتكررم

ممكن اكون متشائم زيادة عن اللزوم
بس بتحليلي الشخصي ستنتقل احداث سوريا الى لبنان
خسارة القرم لصالح روسيا رح تعمل تغيير اولويات لدى البعض
بس اهم شي حاليا احداث مصر والانتخابات القادمة فيها
لانو الها علاقة كبيرة بالسياسة الخارجية لبعض الدول
والي رح يكون الها تاثير على سوريا ولبنان
الله يستر ما يصير الي ببالي لتلاقي قسم من اللبنانيين مهجرين متل عنا
الغموض سيد الموقف بس انها هالازمة تنحل على خير بهالبساطة ما بعتقد
ولحتى نخلي المشاركة اقتصادية
الذهب طالع طالع لا محالة ان كان اليوم او غدا طالع طالع وهي للتاكيد
النفط كمان رح يلحق الذهب
والله اعلم