سعر صرف الدولار والذهب مقابل الليرة السورية اليوم الاثنين 10 -03- 2014

[عابر مجيب]

ما في شك ان المركزي عم يستغل رفع وخفض العملة وعم يتاجر
وكل مرة بيتظاهر بأنه يحاول تثبيت السعر
لو صحيح ممكن يثبت سعر 150 أو 200 أو حتى 300
الرقم المطلوب ممكن يبيع ويشتري عليه ، ولو نقص شوي العرض ، ممكن هو يعرض( يطرح ويغطي النقص )، ويجي على حالو بكام مليون ، بيطالعهم لا يخاف .
غير هيك تخبيص بتخبيص ولعب أولاد صغار
عيب هالطريقة ، وشوي بنقول حيتان ، وشوي بنقول لبنان وجدة ، واللهو الخفي .
شو لزوم لم الصرافين وترك المجال لتورط شركات الصرافة
مو قادر يفرض رقم يترك السوق حر بتكون النتائج أفضل والسوق بيصلح نفسه
بالمختصر : يا فتاح وافتخر ، يا طبوق وانستر .
صرنا مسخرة للكل ، الشغلة مو متل مانحنا متصورين ، لازم نسمع الرأي الآخر ونشوف حقيقة الفشل على كل الصعد ، ونصلح عن حقا ، مو نوهم حالنا بأن الحيل عم تنطلي، ونطلع بالنتيجة بخيبة أمل .

[عابر مجيب]

اقتباس: المشاركة الأصلية كتبت بواسطة alternative    التدخل الفعال تابعنا في الايام الماضية اجراءات المركزي الروسي لحماية الروبل من جهة والاقتصاد الروسي من جهة اخرى والذي ساهم في تخفيف الاثار الاقتصاية السلبية و الحد من الخسائر وما على المركزي الوطني في هذه الايام الا استخلاص النتائج من التجربة الروسية والكف عن اعتماد العامل النفسي اذ يجب عليه اتخاذ خطوات حقيقية وفعالة لضمان نتائج حقيقية ومستدامة ونقترح اهمها : تمويل المستوردات بشكل كامل لاي مؤسسة او جهة تجارية تطلبها رفع سعر الفائدة على الودائع المصرفية لتصل على الاقل لمعدل 60 % سنويا السماح لاصحاب الودائع القديمة 2013 وما قبل بتحويل 50 % من ودائعهم الى الدولار باسعار لا تتجاوز 90 ل س للدولار الواحد طرح حقيقي كثيف بمبالغ مجزية 5000 دولار للشخص او اكثر تخفيف القيود المفروضة على الحصول على العملة الصعبة و اعتماد الهوية الشخصية كوثقية وحيدة ودمتم متدخلين حقيقيين وفعالين

صدفة تنيناتنا عم نكتب بنفس الموضوع ، نزلت موضوعي ورجعت لشوف وين وصلنا ، لقيت مشاركتك .
لو المركزي جاد ، حتى لو انخفضت العملة ، ممكن تكون في حلول فعالة وأكثر وقارا .

[خالد خالد]

مسا الخير لجميع اعضاء المنتدى ( كلامك درر استاذ عابر )

[alternative]

اقتباس: المشاركة الأصلية كتبت بواسطة عابر مجيب    صدفة تنيناتنا عم نكتب بنفس الموضوع ، نزلت موضوعي ورجعت لشوف وين وصلنا ، لقيت مشاركتك . لو المركزي جاد ، حتى لو انخفضت العملة ، ممكن تكون في حلول فعالة وأكثر وقارا .

شو بتقترح استاذ عابر لو سمحت

[رشاد حج علي]

سؤال شباب يتبادر لذهن اي مواطن شو اللي عبيحدد سعر الدولار
العرض والطلب
موجودات الذهب
الحركة التجارية

[alternative]

اقتباس: المشاركة الأصلية كتبت بواسطة رشاد حج علي    سؤال شباب يتبادر لذهن اي مواطن شو اللي عبيحدد سعر الدولار العرض والطلب موجودات الذهب الحركة التجارية

اخي الكريم
سعر الدولار يحدد بتاثير التوازن ما بين العرض و الطلب
ولكن ما هو المؤثر على العرض والطلب
طبعا اقتصاد الدول هو اقتصاد مفتوح اي هناك تبادل سلع وخدمات ما بين الدولة والدول الاخرى
والدولار واليورو والين ...... الخ تعرف على انها عملات قيادية عالمية اي انها مقبولة لسداد الالتزامات واتمام عمليات التبادل على مستوى العالم
عندما تصدر سلع وخدمات ستحصل بالمقابل على دولار مثلا
حيث يمثل التعامل بالدولار 92 % من اجمالي التعاملات العالمية
وعندما عندما تستورد ستدفع بالدولار
في حال كنت تستورد اكثر مما تصدر كما راينا قبل ايام في تقرير نشرته الجمارك السورية سيحصل عجز اي انك ستدفع الى الخارج دولارات اكثر مما سياتيك
هنا عرض الدولار اقل من الطلب عليه
هذا هو تاثير الميزان التجاري على العرض والطلب
ولكن في الحالة السورية ليس فقط الميزان التجاري المؤثر الوحيد على العرض والطلب
فهناك مؤثرات اخرى
بعض الاشخاص او المؤسسات قامت بتحويل مدخراتها الى دولار بدافع الحفاظ على قيمتها
و البعض الاخر يقوم بتحويل الليرة الى الدولار بدافع المضاربة
كل هذا يؤثر على العرض والطلب مما يدفع الى تغير سعر العملة المحلية امام الدولار

[عابر مجيب]

اقتباس: المشاركة الأصلية كتبت بواسطة رشاد حج علي    سؤال شباب يتبادر لذهن اي مواطن شو اللي عبيحدد سعر الدولار العرض والطلب موجودات الذهب الحركة التجارية

المفروض تتحدد قيمة الليرة من خلال الكميات المطبوعة ( الكتلة النقدية ) ، والموجودات من ذهب وعملات صعبة ، ممكن العملات الصعبة المتعلقة بالحركة التجارية الخارجية ( تصدير واستيراد ) يعني الميزان التجاري ، مو ضروري ينحسب كل يوم بيومو ، ممكن معرفة المعدل السنوي المعتاد.
العرض والطلب متضمن في بند التصدير والاستيراد .

أما اذا سؤالك عن الوضع الراهن
فالسعر محدد سياسيا وبدون أي سند اقتصادي ، ومثبت بقوة السلطة الأمنية .

[عابر مجيب]

اقتباس: المشاركة الأصلية كتبت بواسطة alternative    شو بتقترح استاذ عابر لو سمحت

ما عندي كل المعلومات لتقدير حجم المشكلة
بس مبدئيا ، المفروض ترك الليرة تواجه الحقيقة ، مع تقديم دعم للموظفين
والباقي سعرهم بسعر اللي تشردوا بالخيام
بيضل وقوع البلاء أهون من انتظاره ، وكل ما تأخرنا بتكون صارت البلوة أكبر .
إذا الفرق كبير كتير ممكن التنفيذ على مراحل ، مو نضل عم نكابر .

[جوليت]

اقتباس: المشاركة الأصلية كتبت بواسطة عابر مجيب    ما عندي كل المعلومات لتقدير حجم المشكلة بس مبدئيا ، المفروض ترك الليرة تواجه الحقيقة ، مع تقديم دعم للموظفين والباقي سعرهم بسعر اللي تشردوا بالخيام بيضل وقوع البلاء أهون من انتظاره ، وكل ما تأخرنا بتكون صارت البلوة أكبر . إذا الفرق كبير كتير ممكن التنفيذ على مراحل ، مو نضل عم نكابر .

درر استاذنا درر ...... شيرين تعلمي من هالمحاضرات ولك هيك كلام خرج يدرس بجامعة اكسفورد

[عابر مجيب]

أمريكا صارت ملطشة ، بس منشان ما نبالغ بأحلامنا

مالية القطاع الخاص الأمريكي 80 تريليون دولار
العجز التجاري الأمريكي 17 تريليون دولار .

لتقدير القيم نأخذ مثلا
السعودية بقضها وقضيضها 1.3 تريليون
الصين بجلالة قدرها 3.5 تريليون 2 منهم بأمريكا ديون
روسيا بقا 0.56 تريليون
بقا وين رايحين ؟!