سعر صرف الدولار والذهب مقابل الليرة السورية اليوم الأحد 02ـ03- 2014

[المعلم عمر]

دعا مصرف سورية المركزي كافة شركات الصرافة إلى جلسة تدخل في سوق القطع الأجنبي، يوم الثلاثاء القادم 4 آذار الحالي، تمام الساعة الواحدة ظهراً، في قاعة الاجتماعات بالطابق الخامس بمبنى المصرف.
وطلب المركزي في تعميم، نشره موقع "الأسهم السورية" الالكتروني، أن يتم الحضور حصرا من قبل مدير مؤسسة الصرافة أو رئيس أو أحد أعضاء مجلس الإدارة، "بالنسبة لشركات الصرافة" أو أحد مالكي المؤسسة الرئيسين.
ونوه المصرف إلى أنّ عملية التدخل، تأتي حفاظا على استقرار سعر صرف الليرة في سوق القطع الأجنبي، عن طريق المصارف ومؤسسات الصرافة العاملة في سورية.
وكان "مصرف سورية المركزي" عقد في 28 كانون الثاني الماضي، جلسة تدخل في سوق القطع الأجنبي.
ويشترط لبيع الدولار للمواطنين عن طريق شركات الصرافة، إحضار سند إقامة مصدّق أو فاتورة كهرباء أو ماء أو موبايل أو ارضي آخر دورة.
وكان حاكم "مصرف سورية المركزي" أديب ميالة أوضح مؤخرا، أنّ الارتفاع الذي شهده سعر الصرف خلال الأيام القليلة الماضية مجرد ارتفاع "خلبي".
وتم إصدار قوائم بمصادرة ممتلكات بعض رجال الأعمال الذين يمتلكون شركات صرافة ويضاربون بالدولار، بينما أوقفت الجهات المختصة أي عملية بيع بأصول شركات الصرافة تجنبا لتهريب السيولة النقدية لهذه الشركات إلى الخارج.
ووضعت الجهات المختصة يدها على الأصول الثابتة وغير الثابتة لعدد من شركات الصرافة تزامنا مع قيامها بطرح كميات من الدولار بالأسواق.
دي برس

[عابر مجيب]

معتم أبو سودا رئيس عصابات السوق السوداء بالعاصمة وماحولها
اصدر قرارا يتم بموجبه استدعاء رموز البنك المركزي لتسليمهم مذكرة احتجاج
وأفاد أحد المسودنين رفض ذكر اسمه أن المذكرة طالبت بتفسير رفع قيمة الدولار إلى حاجز 144.95
ومن الجدير بالذكر أن الكل رح يلفلفوها ويبطل المركزي التدخل يوم الثلاثاء ، ويصدر بيان أن 165 مازال مقبولا طالما لساتنا تحت الميتين ، في ظل الظروف المقلقة اللتي يشهدها الأمن العالمي .

[رشاد حج علي]

صباح الخير جميعا وكل الشكر والتقدير للمعلم عمر اخونا الكبير ابو طارق اغلاق بيروت كان ١٥٥ شراء ١٥٥،٥ مبيع
ريف ادلب ١٥٢،٥ شراء الرقة ١٥٣ شراء

[رشاد حج علي]

اخر تلت صفحات من يوم السبت كانو كتير مميزين وفين كل الغنى والدسم ( بامية ) ( ثرود ) مع خبز تنور اطيب ولحم خاروف طبعا بتمنى من المشرفين عطول يشاركونا خصوصا السيد مؤيد والسيد غسان بالنسبة لاخوتنا عابر مجيب ونور الهدى استودعكم اخي العزيز المسار ودعتو بدق تريكس وفاز رايح لعندكم مبسوط الله يردلنا ياه بسلامة واسفين عالاطالة

[المسار]

أنو تقشف ؟ اندبحنا ، وشعرنا بالفاقة وانكسر خاطرنا ، وصرت فوت على البيت وحامل كيس تقيل ، وشوف خيبة الأمل على الوجوه بس يلاقوا انو خبز وبس ، حتى خبز سندويش ما عاد في .
وكل هاد وكانت نسبة الوفر بعد الشرشحة ، حقيقي كانت نسبة الوفر شي 10% وبس ، يعني مو مستاهلة ، رجعت فتحتها على الواسع ، ووقت بيخلص خط الدفاع السادس ، بدي ضحي بالسابع ، وبعدين ببلش بيع بالمالكانات .
المتل الجديد بيقول :
لا تصرف كل ما بالجيب ، ما في تعويض لا بالحاضر ولا بالغيب .
.................................................. .....................................


بعد ما الواحد يربح بتفتح نفسو عالحكي ما بعرف ليش حدا عندو فكره

على ذكر الفاقه استاذنا

كان في رجل اسمه علاقه (بضم العين) وجار عليه الزمان وصار يشحد
وما حدا يشحدو ونقم على اهل بلدو اللي نفرو ومالك بالطويله

رجع برم معو الدولاب وصار واتصور وصار الو عز وجاه شلون ما بعرف
وآخر شي صار امير البلاد وقال منشان يخلد قصتو صك العمله باسمو
ونقش عليها

(عز بعد فاقه وجاه بلباقه للامير علاقه)

وانا شايفلك شي يوم انشالله منلاقي عمله منقوش عليها

عز عجيب وجاه غريب لعابر مجيب

عالقافه استاذي

[نورالهدى]

صباح الخير
تمنياتنا بيوم هادئٍ مثمرٍ للجميع

[عبدالقادر]

اقتباس: المشاركة الأصلية كتبت بواسطة المسار    أنو تقشف ؟ اندبحنا ، وشعرنا بالفاقة وانكسر خاطرنا ، وصرت فوت على البيت وحامل كيس تقيل ، وشوف خيبة الأمل على الوجوه بس يلاقوا انو خبز وبس ، حتى خبز سندويش ما عاد في . وكل هاد وكانت نسبة الوفر بعد الشرشحة ، حقيقي كانت نسبة الوفر شي 10% وبس ، يعني مو مستاهلة ، رجعت فتحتها على الواسع ، ووقت بيخلص خط الدفاع السادس ، بدي ضحي بالسابع ، وبعدين ببلش بيع بالمالكانات . المتل الجديد بيقول : لا تصرف كل ما بالجيب ، ما في تعويض لا بالحاضر ولا بالغيب . .................................................. ..................................... بعد ما الواحد يربح بتفتح نفسو عالحكي ما بعرف ليش حدا عندو فكره على ذكر الفاقه استاذنا كان في رجل اسمه علاقه (بضم العين) وجار عليه الزمان وصار يشحد وما حدا يشحدو ونقم على اهل بلدو اللي نفرو ومالك بالطويله رجع برم معو الدولاب وصار واتصور وصار الو عز وجاه شلون ما بعرف وآخر شي صار امير البلاد وقال منشان يخلد قصتو صك العمله باسمو ونقش عليها (عز بعد فاقه وجاه بلباقه للامير علاقه) وانا شايفلك شي يوم انشالله منلاقي عمله منقوش عليها عز عجيب وجاه غريب لعابر مجيب عالقافه استاذي

هي رائعة جدا

[البحر الهائج]

صباح الخير جميعا

[hasobman]

حكمت يوم الثلاثاء
انا اتدخل اذا انا موجود
ما بعرف ليش كانو تدخل المركزي مسحة رسول
كلون 150 الف ببيعون لشركات الصرافة هيك على اساس ولا بعضون بعد ما يشتري بدو يرجع
يعني بالاخير تدخل ما بيكفي سردين واحد
التدخل عم يصير من المضاربين للمضاربين
المدخر لا ياكل هم ادخل المركزي ولا ما ادخل
هو بالاخر مدخر لا يبيع ولا يشتري الا للحاجة
بس بالفعل لما بيقولولك علماء النفس النفسية بتلعب دور
يعني بمجرد سماع كلمة تدخل بتحس انو الدولار بحياتو ما رح ينط
وعلى قولة كاظم الساهر
( كل ما ادخل اغنى واصير اغنى واغنى
بين التدخل وتدخل بخسر هالعالم كلا ) من ابداعات ابو نجيب

[AYMTAL]

السلام عليكم
كيف الجميع

مازالت قاعدة الصرف الاساسية ( 145 - 160 ) 145 قعر حديدي مقفل و 148 قعر قاسي جدا و 160 سقف قاسي جدا
تدخل المركزي يهدف فقط ليحول دون اختراق السقف القاسي 160 و ليس لتنزيل السعر

ربما لن يكون سوى تدخل مبرمج ليكون محدود بالزمن و الكمية هذا ان حدث بيع

دمتم جميعاً بكل خير و أمان