eng.mdkh

أظن موجة البيع التي تسبق تدخل المركزي قد انتهت اليوم .
يعني بكرة احتمال يرتفع نص ليرة أو ليرة بالكتير ...
و بعد بكرة احتمال ثبات ...

__________________
ولا يرد بأسنا عن القوم المجرمين

انس الحموي

حماة الذهب الكسر الان شراء 5800 ....مبيع 5825

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

عابر مجيب

يعني الكلام وكأن الواحد بينزل على البسكليت وحامل 500 ألف دولار ، وعند أول بياع سوق سوده من جملة البياعين اللي بالآلاف في الساحة ، بيحطهم على الميزان وبياخد حقهون ، بشوالات سوري بيصفر لسوزوكي بيحملهم وبيركب جنب السائق وبيحط البسكليت مع الشوالات ورا .
يوم الثلاثاء على الساعة 11.30 بيكون مع السوزوكي على باب الصرافين بانتظار عودتهم سالمين غانمين من المركزي وبيبدل السوري بدولار
والحياة حلوة والعصافير تزقزق ، وبس يخلص بيشتري سندويشة فلافل وبعدها بيشتري صباط جديد وبيروح على السينما .
شي بيفقع فعلا ! سعر السوق بيطلع وبينزل بعشرات الليرات على اثر طرح سعر محدد يتيح للمواطن شراء 200 دولار بطلوع الروح . وقال شو خايفين ينهار السوق !!!!!!

انس الحموي

ما زالت عمليات البيع على الذهب والدولار تفوق التصورات وحركة العرض كبيرة جدا ...وانا بخالفك الراي العرض رح يكون اشده يوم الاثنين قبل يوم التدخل اما السبت والاحد فالمضاربين بحاولوا يتماسكوا قد الامكان وينزلوا ليرة ليرتين بس يوم الاثنين الضرب رح يكون حامي الوطيس لاقتراب اليوم الموعود ...اخيرا لماذا هذه المسرحية تتكرر كل مرة !!!!!!ولماذا المركزي لايقوم بالتدخل بالسوق يوميا !!!! واخيرا لو ان السوق متخم بالدولار لما راينا بين الفترة والفترة الاخرى موجات صعود ...وباعتقادي المركزي لم يتدخل من محفظته منذ شهور وانما التدخل عما يكون عن طريق المضاربين من خلال عمليات بيع وشراء وبالتالي خسارة فئة كبيرة من المضاربين ونجاح فئة قليلة منهم

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

جوليت

shereen

ههههههههههههه احلا تعليق لليوم بقراه تعليقك استاذ عابر في متل شامي بيقول "اسماع وسطح" فبرايي تروح تنام لانو الشباب يبدو متل العادة كميات هائلة من الدولار حتى يمكن توصل الفهمنة يقولولك صار في دولار بسورية اكتر من المركزي الامريكي وعالبسطات وبالشوارع

__________________
يارب

انس الحموي

بما انو المركزي كل هل الشي قوي وسوبرمان ليش ما بيتدخل بالسوق يوميا عالاقل من تحت الطاولة ؟؟؟ وليش عما تفلت الامور منه بين الفترة والفترة !!!! يعني معقول بكون نايم ؟؟؟ حتى القرار طلع يوم الجمعة يعني المركزي مداوم على مدار الساعه ؟؟؟ فكيف عما يخلي السعر يوصل لمستويات 157 بين الفترة والفترة ....واخيرا ليش سعر الليرة عما ينخفض بين الفترة والفترة بنشرة المركزي ....مجرد تحليل شخصي الامور عما تضيق كتير وطمع الناس والمضاربين بالتعويض بنقطة ادنى عما يساعد على عدم تحليق السعر بس بالنهاية الزحف على قدم وساق و بالصيف رح نشوف مستويات جديدة بسعر الصرف

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

shereen

انا قررت اكول بكرة بامية ودولار لانو غالبا الدولار بكرة ارخص من الرز ابن اختي طوني دقللي من شوي وعم يبكي ويرجف وغالبا لح ينجلط كرمال الخوف والرعب اللي حكيتي عنو لانو بعد ماامتلىء قلبو بالرعب صار يطفطف وامو ارتعبت على رعبتو

__________________
يارب

abu mhd

القصة يا جماعة لا خوف يصير الدولار بكرة بليرة ولا بكرة بألف
بس انوا بيت تفقس بيعته لأنوا فرق الدولار ليرتين ؟؟؟؟ قال بخاف لبين ما يتم الفراغ يفرق اكتر
يا جماعة يستر عرضكون خففوا هبل ...................

حاليا اثبت للجميع المركزي انه اللاعب الأكبر وحاليا الامور تحت السيطرة
لست ارجو ولست بوق لاي طرف ولكن عندما تنفلت الامور بحسب راي البعض فهي تنفلت بعلم و لسبب خفي ويعاد ضبطها
بناء على تعليمات صارمة للجميع بعدم تجاوز رقم معين وما حدا حط فرق اكتر من ليرتين
الله يرحم ايام الخمسة والعشرة فرق

اللي بده يقول عن سعر حقيقي او بعد شهر او سنة والله ما بعرف اذا بيكون ب 50 او 500 او 3000

الله يتلطف فينا وبهالبلد واهله

الكتابة ليست موجهة لأحد وليست ردا على احد ولكن اعتبروها خاطرة او تفكير بصوت عالي

__________________
شآمُ ما المجدُ؟ أنتِ المجدُ لم يغبِ ..

عابر مجيب

على ذكر البامية جربي سخني شوي تاني يوم ( بايته ) وكليها تغميس بدولار مرقد ، مع بصلة صغيرة ، وبتقولي عابر بيعرف ياكل .